منتديات خَيَآلْ...{~

عزيزي خَيَآلْ الجديد

أشوف انك مستانس بـ الفرفرة في منتدانا

عشآن تسذا نقول لك حياك الله معنا

سجل عشان تستانس بالخصائص الكامله وتشاركنا برأيك ومشاركاتك

لـ تسجيل آدْعَسْ ع اَيْقُنَةْ تَسْجِيْلْ ض1



اذا كنت خَيَآلْ قديم قم الله لآ يهينك و سجل دخولك



عشأن أشيل أم ذآ الرسالة من قدامك

هلا بش حيالله من عاكس اتجآه الريح وجابش

 


    أحــلى مأخلق ربي ..) روايةسعوديـة كــاملة تستحق القراءة

    شاطر
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في الخميس مايو 06, 2010 2:35 pm

    الجزء الثامن عشر

    الفصل الأول
    : : :

    من بكــــرى العصر
    نواف:الريم صراحة تعودت عليك..وش يصبرني في الرياض؟
    ريما:كل ماتبي شي اتصل علي!!
    نواف:ارجع مثل اول..لا انا ابيك معاي على طول..
    ريما ساكته وماتدري وش تقوله ريما(حتى انا يانواف وربي حبيتك اكثر من اول..ومدري كيف ابي اصبر..!!)

    جت النيرس..تطلب ريما كان الدكتور يبغى يتكلم معاها..!ريما كانت خايفة لايكون اكتشف شيء جديد في حالة نواف..وعلى اعصابها ..تمشيء للعيادة ببطئ شديد وانامل يدها من الخوف كانت باردة..

    دخلت ريما على الدكتور
    ريما:السلام عليكم دكتور ناديتني؟
    الدكتور:وعليكم السلام..ايه انتي زوجة نواف..حبيت اعطيك هذي الادوية ومتى مواعيدها..!!ولو سمحتي احرصي على انه مايسوي مجهود يتعبه..
    ريما:طيب يادكتور متى يترك العربية؟
    الدكتور:يمكن شهر كذا ..ولازم بعدها يشترك بنادي صحي..يعني يسوي له تدليك ومساج علشان يستعد لياقته البدنيه
    ريما:ان شاء الله يادكتور..والله يجزاك خير ..مشكور
    الدكتور:لا ماسوينا شي هذا واجبنا

    ريما طلعت من العيادة وراحت واشترت الادوية الي صرفها الدكتور لنواف واخذتها معاها..
    دخلت على نواف وقالت له وش يبي منها الدكتور..وبعدين رتبت شنطة ملابسه...وجهزت حالها علشان يروحون للمطار..

    جاء خالد ولد خالتها هند واخذهم للمطار ودعهم...ركبـــــوا الطيارة وجلسوا ريما ونواف بمقاعد جنب بعض..

    ريما:مين بيستقبلنا بالمطار؟
    نواف:والله مدري يالريم.بس انا قلت لأبوي ومحمد
    ريما:ياسلام ..وانا..؟
    نواف:ليش وش فيك انتي؟
    ريما:مين بيوديني لبيتنا؟ابوي ماقلت له!!
    نواف:يامدام ترى انتي زوجتي يعني محد بيوديك غيري فاهمة
    ريما تمنت لو ماسألت هالسؤال سببت احراج لنفسهــــــــا!!

    وصلــــــــــوا للمطار وكان في استقبالهــــــم ابو نواف وأبو ريما وفيصل ومحمد...طبعاً نواف وريما آخر من نزل في الطيارة علشان نواف مايقدر يمشي ولازم في عربة..طبعاً نزلوهـم في لفت خاص..

    وأول ماوصلوا المطار كانت ريما تدف عربة نواف..أشكالهم رايقة ..لايقين لبعض واضح عليهم الانسجام..وهذا الشيء طمن قلب ابو نواف وابو ريما..

    ريما أول ماشافت ابوها راحت تركض ..وحضنته بقوة ونزلت دموعها ..كان منظرهم يكسر الخاطر..ابوها مبين عليه كيف كان مبسوط برجعة حبيبته وبنته الريــــــم..وريما كيف كانت مشتاقة لأبوها وكيف ضمته ..نواف كان يطالع فيهم وشاف كيف احترام ريما لأبوها..ومحبة ابوها لها..!!


    ابو نواف:ياحي الله من جاء..حمد لله على سلامتك وانا ابوك..
    نواف:الله يسلمك يالغالي
    ابونواف:الحمد لله على السلامة يابنيتي ياريما
    ريما:الله يسلمك عمي
    ابو ريما:الحمد لله على سلامتك نواف..تو مانورت الرياض
    نواف:الله يسلمك ياعمي..ومنورهـ بوجودكم..

    نواف لف العربية وكان فيصل ومحمد واقفين مع بعض ينتظرون متى ينتهي نواف من السلام على ابوهـ وعمه علشان ياخذون نصيبهم منهــ....

    محمد جاءبسرعة ونزل لعربية نواف وضمة حيل..وباس راسه
    محمد:الف الحمد لله على السلامة
    نواف:الله يسلمك
    محمد:نواف والله فقدتك..والله لايحرمني منك
    نواف:ولامنك..اشوى يعني سفرتي علمتني كيف قدري عندك
    محمد:ولو يابو سعود غالي ..ياني مشتاق لك يالله ع البيت عندي لك سواليف وخرابيط ابي اقولها لك
    نواف:ههههههه الله يعيني عليك

    فيصل:يامحمد خلاص جاء دوري اقلب يور فيس
    محمد:اخــــــس ع الثقافة
    فيصل:هلا وغلا بابو سعود..الحمد لله على السلامة..
    نواف:هلا والله بابونايف الله يسلمك
    فيصل:شخبارك..وشخبار رجللك؟
    نواف:لا الحمد احسن من اول
    فيصل:الحمد لله..تصدق يانواف اشتقنا لك
    نواف:هههههه وش فيكم كل ماشفت واحد قال اشتقنا لك..كلها يومين الي غبتها عنكم..بس اشوى والله اثاريكم فقدتوني حيل..
    فيصل:يوووة اللحين ينغر علينا سعادة المهندس...ويكبر راسه
    نواف:هههههههههههه حرام عليك

    محمد:الحمد لله على السلامة ريما
    ريما:الله يسلمك
    فيصل:الحمد لله على السلامة..نورتوا الرياض
    ريما:الله يسلمك ..منورة بوجودكم

    نواف سهى وجلس يطالع ريما ويشوف كيف مبسوطةأول ماشافت ابوها...كأنه بعالم ثاني
    فيصل:نواف يالحبيب وين رحت
    محمد همس لنواف:شكلك صاير روميو زمانك
    فيصل:ههههههههههه..ايه شف كيف عيونه على المدام ..ياهوة ترى ماهيب طايرة
    نواف:ياربي وش جابني عندكم..مامداني وش حليلي جالس معاها ومبسوط..اللحين ابي اقابل وجيهكم الله يعيني ويصبرني
    محمد:افا والله الشرهه مو عليك الشرهه علينا احنا الي فقدناك ومشتاقين لك
    فيصل:نوافوه يادب لاتصدق الكلام الي من ساع قلت لك ترى ..هذا كلام مجاملة ينقال لأي واحد توهـ راجع من السفر
    نواف:هههههههههه انا اقول وش عندهم صايرين ذوق الشباب ومنقلبين وهالاحترام..بس ابو طبيع مايجوز عن طبعه انت وياهـ

    ريما:يالله ياني ولهانه عليكم وعلى امي..والبنات
    ابو ريما:هههههه حتى امك كل شوي تطالع في الساعة اللحين تجي ريما
    ابونواف:ايه ترى كلهم مجتمعين عندنا في البيت
    ريما:صدق..ايه احسن والله مشتاقة لهم

    ابو نواف:يالله مشيــــــنا
    نواف جلس يطالع بريما ..ريما فهمت من نظراته انه يبيها تدف العربيه..بس ريما استحت قدام ابوها وعمها والعيال انها تدفه.. طبعـــــاً الي دفه فيصل
    نواف:هذا وقتك ياخي ابي حرمتي هي الي تدفني
    فيصل:احمد ربك اني انا شخصياً الي راح يدفك..وبعدين استحي انت وجهك
    محمد:تصدق انك ماتنعطى وجهه..عيب ياخ
    نواف:آهـ آخر زمن نسمع النصايح من محمد وفيصل..ههههههههههه
    محمد وفيصل:نعم نعم..
    فيصل ترك نواف ومشى وخلاهـ..ومحمد بعد ..نواف يناديهم ولاحياة لمن تنادي ..جلس يدف نفسه..وهم ماشين وبسرعة علشان يضيع عنهم وبما ان المطار كبير..مايعرف على اي بوابة جايين
    نواف اخذ جواله واتصل على ابوهـ الي كان راكب في السيارة هو وابو ريما وريما ينتظرونه..

    ابو نواف جلس يضحك بعد ماكلمة ..
    ابو ريما:وش فيه نواف؟
    ابونواف:تعرف العيال محمد وفيصل تركوهـ لحاله بالمطار
    ريما:ليييييييش.؟
    ابونواف:تهاوش معهم هههههههههه
    ابوريما:ههههههههههههه
    ريما:اجل انا بروح اجيبه دقايق ان شاء الله واجي
    ابونواف:عشتي يابنتي

    بعدمانزلت ريما
    ابونواف:ونعم التربية يابو ريما..فعلاً بنتك طيب واخلاق..
    ابو ريما:ماعليك زود يابونواف..وبنتي هي بنتك
    ابونواف:الحمد لله الي صارت من نصيب ولدي نواف..والله مانساها يوم قالت لي روح وانا ابي اجلس عند نواف..كبرت بعيني وحسيت بالفخر والله..يعني رافعة روسنا باخلاقها وتعليمها الله يحفظةها ويحرسها..
    ابوريما:آميـــــــــــــــن...,,,وبنتنا لولدنــــــــا هذا الي تمنيته يابو نواف
    ابو نواف:اي والله..والحمد لله على كل حال.,,

    راحت ريما..ومحمد وفيصل كانواف واقفين عند البوابة حقت المطار..شافوا ريما وهي تروح تجيب نواف.وقفوا عند البوابه علشان يتريقون على نواف...

    ريما شافت نواف وراحت لعندهـ
    نواف:ياهلا وغلا بالغالية..شفتي النصابين وش سوو فيني
    ريما:هههههههههههه بس اكيد قلت لهم شي..والله حرام
    نواف:لا والله بس هم مهبل ..وانا اعقل منهم وتعرفين الواحد مايمشي مع مجانين
    ريما:هههههههه ..شكلهم من كلامك عليهم تركوك
    نواف:خليهم ..وش عليك منهم دامك معاي والله ولا واحد راح يهمني
    ريما:يااستاذ ترى ابوي وعمي برى ينتظروننا
    نواف:افا يالله اجل خلينا نروح لهم

    ريما دفت عربيه نواف ويوم وصلوا عند البوابه الا ذا فيصل ومحمد
    فيصل: ياعيني يامستر نواف ..تصدق أول مرة اشوفك كذا رومنسي
    محمد:هههههههههههههههه
    نواف:بسم الله الرحمن الرحيم..انتم وش جابكم..هامكم رايحين للبيت
    محمد:لا بس قلنا نشوف رومنسيتك..تصدق تصلح تسوي افلام في هوليوود
    نواف:اقول فكنا
    فيصل:انا اقول نواف وش عندهـ يسمعنا من هالكلام الي يرفع الضغط..طلع طابخها يبي ريما تمشي العربيه
    محمد:والله وطلعت يانواف منتب قليل ..
    نواف:انتم وش فيكم علي..يووووهـ عاد اللحين نروح لعبدالرحمن وتكمل بعد
    فيصل:ياليته معنا كان يشوف نواف الرومنسي ههههههههههه
    محمد:ههههههههه اسمع ترى بعد ماطلع رومانسيته الزايدهـ مستحي من الناس
    نواف:وش رايك ياريما وانتي تقولين لي حرام الي تسويه فيهم..آمانه مايستاهلون
    محمد:افا مرت اخوي تمدحنا..
    فيصل:والله ياريما ترى احنا بريئين بس نواف صاير مايطيق شوفتنا ماندري وش فيه
    محمد:بعد ماتدري وش فيه..توهـ جاي من الشرقيه (غمز لنواف)
    ريما كانت ميته من الضحك على هوشتهم..وتتذكر البزارين اذا تهاوشوا
    نواف:بالله ريما انتي مع مين..مايرفعون الضغط؟
    ريما:ان جيت للصراحة.مالومك فيهم..سوي الي يريحك يانواف
    نواف:بعــــــــدي والله يالريم
    محمد:عاد انت بالله تبيها تصير بصفنا وزوجها بالصف الثاني
    فيصل:اي والله..آهـ بس على هالنواف انا اوريه الشغل بس موباللحين بعدين
    ريما:هههههههههههههههه
    نواف:هههههههههههههههه
    رن جوال ريما وطلع ابوها..ويقولها تجي بسرعة هي ونواف..لانهم ينتظرونهم بالسيارة..محمد وفيصل راحوا على السيارة الثانية سيارة فيصل..


    نواف:فشلة تركناهم..
    ريما:اي والله
    نواف:كله من الثنائي المرح
    ريما:هههههههههههه

    ركبوا السيارة..
    ابوريما:وينكم فيه تأخرتوا؟
    نواف:والله ياعمي محمد وفيصل نشبوا في حلقنا ويالله افتكينا منهم
    ابونواف:ايه وانت الصادق محمد فيه عز الله انه ينشب في الحلق
    ابوريما:هههههههههه
    ريما:هههههههه
    نواف:يبه شلون امي؟والله لها وحشة
    ابونواف:يالله من الظهر وهي تبي ترسلين للمطار علشان استقبلك..وكل شوي روح جيبهم روح جيبهم..دوختني
    ابوريما:لاتلومها يابو نواف..متاقة لولدها..وتبي تطمن عليه..وبعدين عندنا وعندكم خير ..هذي سلمى كل شوي متى تجي ريما تأخرت ريما
    نواف:الله يخليهم لنا
    ريما:آمين..
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في الخميس مايو 06, 2010 2:36 pm

    وصلــــــوا لبيت ابو نواف..وكان العم طلال وعبد الرحمن باستقابلهم..سلموا على نواف وريما ..وبعدين ريما راحت لقسم الحريم..أول مادخلت..وتصرخ هنوف
    هنوف:ريما11111111111 جت
    نوف قمزت من مكانها:احلفي
    راحوا عندها وسلموا عليها...

    ام عبد الرحمن:الحمد لله على السلامة ريما..شلون نواف عساهـ احسن
    ريما:الله يسلمك خالتي..الحمد لله احسن بمراحل من اول

    .وتجي ام ريما وتحضن ريما وتبوسها
    ام ريما:الحمد لله على سلامتك ريوم..
    ريما:الله يسلمك يالغالية
    ام ريما:والله هذي الايام مدري كيف عدت علي انا وابوك..البيت بدونك ماله طعم
    ريما:عساني مانحرم منك ..وسحبت يد امها وباستها

    العمة نورة:الحمد لله على سلامتكم
    ريما:الله يسلمك عمتي..
    العمة نورة:شلونه نواف اللحين؟
    ريما:والله اشوى الحمد لله
    العمة نورة:انا بروح اشوفة

    ام نواف:ياهلا وغلا بريما..الحمد لله على السلامة
    ريما:هلا خالتي الله يسلمك
    ام نواف:وين نواف ؟
    ريما:عند رجال..خالتي روحي له..ترى مشتاق لك بالحيل
    ام نواف:آهــ والله حتى انا ..وراحت ركض لقسم الرجال واخذت معاها الجلال ونادت نواف بالصالة وطلع لها وجلست تحضنة..وتبوسه وتسمي عليه..وهي تكبي بحرارة اول ماشاقته على الكرسي المتحرك..ونواف يهيدها ويسكتها11111111 هو وعمته نورة,...

    ريما جلست مع البنات
    الهنوف:ريما نعنبو بليسك ..فقدناك
    نوف:اي والله الاسبوع هذا كنه شهر مو شهر الا سنة
    ريما:ياحظي والله..توي اعرف اني غالية
    نوف:افا ياريوم توك تعرفين
    ريما:هههههههههه لا امزح انا عارفة من زمان بس اتدلع عليك
    هنوف:هاه وش اخبار السفرة؟
    ريما:الحمد لله انبسطنا كثير..ولاسيما ان عملية نواف نجحت
    نوف:ايه صح الحمد لله على سلامته
    ريما:الله يسلمك
    هنوف:فا11111111تك خالتي ام نواف والحريم بس يمدحون فيك..وحالتهم حالة ومافي بلسانهم غير سيرتك وموقفك انك بتجلسين بدل خالي عند نواف
    نوف:الا تعالي كيف جتك الجرآءة تجلسن عندهـ مرافق,,,اخبرك تستحين من ظلك؟
    ريما:مدري حتى انا تفاجائت من نفسي ..بس حسيت ان نواف محتاجين..وان بيدي اساعدهم ..فاليش ماساعدهم..
    هنوف:والله خطيرة ياريوم..صرتي تفكيرين تفكير حريم
    ريما:هههههههه ليش وش قالوا لك اول تفكيري تفكير بزران
    هنوف:تقريباً ههههههههههههه
    ريما:اخذت شنتطتها وضربت ظهر هنوف
    هنوف:آي ظهري ههههههههه
    ريما:تستاهلين
    نوف:هههههههههههه الحمد لله والشكر مهبل انتم..!!!


    ام نواف جت وباست راس ريما..ريما استحت وجهها صار لونه احمر من الحيا
    ام نواف:والله ياريما مدري كيف اشكرك..الله يوفقك يابنيتي..والله انك مرهـ وتعبناك معانا رايحة تنبسطين وتعبناك..سامحينا وانا امك..غثيناك
    ريما:لاياخالتي لاتقولين هالكلام..انا ماسويت شيء..وبعدين هذا واجبي اذ ماوقفت معكم اللحين متى راح اوقف..
    ام نواف:الله يسعدك مثل ماسعدتينا

    جلسوا يسولفون البنات..وبعد العشاء..راحوا وجلسوا بالصالة

    ريما:اللحين موعد دواء نواف..هذا الكيس معاي
    ام ريما:روحي اعطيه الدواء
    ام نواف:الله يجزاك خير يايمة ياريما...

    ريما اتصلت عليه وقالت له يطلع لها..نواف طلع
    نواف:هلا بك..اشتقت لك
    ريما ابتسمت له:يالله موعد العلاج
    نواف:مانسيتيه..
    ريما:شلون انساهـ تراني حريصة عليه..لان الدكتور وصاني
    نواف: ياليت لو كل يوم تجين وتعطيني اياهـ
    ريما:وبعدين معاك نواف..
    نواف حط يدهـ على فمة:خلاص وفمي وسكرته..بس لاتزعلين علينا
    ريما تضحك عليه..
    اعطته الدواء وعلمته متى مواعيدها..
    ريما:تبي شي انا بروح
    نواف:لا سلامتك وماقصرتي
    ريما:الله يسلمك..ترى راح ازعجك كل يوم بتص ابي اتطمن وش صار عليك
    نواف:ياحلاته من ازعاج والله
    ريما استحت..وراحت للحريـــــــــــم...

    وجلسوا سوالف هنوف ونوف وريما ماسكتوا ولادقيقة..<سوالف بنات اكيد

    وبعد ماجت الساعة 12 بالليل الكل راح لبيته..ريما اول ماوصلت لبيتها..راحت لغرفتها وامها كانت مرتبتها ومبخرتها111..ريما(ياحياتي ياامي تعبتها..)اخذت شاور دافيء وبعدين حطت راسها ونامت ..غطت في سابع نومــــــــــــــه......

    : :
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:45 am

    الجزء الثامن عشر

    الفصل الثاني
    : : :

    ريما صحت من النوم ...وطالعت جوالها وكانت فيه 8 مكالمات خافت لايكون صاير شيء..وطلعت6مكالمات من ندى من الهنوف

    اتصلت على ندى..
    ريما:الو ندى وش فيكم؟
    ندى:هههههه مافينا شيء..اول شيء سلمي
    ريما: ياختي صحيت وطالعت في جوالي 6 مكالمات يعني وش تبيني اسوي
    ندى:حمد لله على السلامة
    ريما:الله يسلمك
    ندى:شخبار زوجك
    ريما:ههههههه ياكبرها ذي زوجي..بخير
    ندى:الحمد لله..ريوم وش عندك الليلة؟
    ريما:no Thing
    ندى:كويس..طيب تعالي
    ريما:افكر
    ندى:ياكرهك اذا جيتي تفلسفين
    ريما:هههههههههه رفعت ضغطك صح؟
    ندى:طالع اسئلتها الحمد لله والشكر
    ريما:ندوش وش فيك معصبة
    ندى:انا ندى اعصب من ذي الاشكال
    ريما: وهالاشكال ليش ازعجتيهم وجننتيهم علشان يجونك؟
    ندى:اقول تبين تجين ولا لا؟
    ريما:فاهمني ولا لا ؟ اشتقالك لا لا ؟لكني ميت فيك فاهمني ولا لا
    ندى:لا البنت مو صاحية..وش سوى فيك ولد عمك
    ريما:فديـــــــته ماسوى لي اي شي
    ندى:ترى امك بتجينا الليلة ولازم تجين
    ريما:ابشري يامس ندوش
    ندى:زين حصلت هالموافقة..والله لو ابي اخطبك
    ريما:سووري انا مخطوبة لولد عمي
    ندى:هههههه عز الله البنت استخفت..ريوم اثقلي ترى وراك ثانوية عامة
    ريما:الله يقرفك اللحين انا مبسوطة وفالتها وتذكريني بالهم والشقاء
    ندى:ياعيني هم وشقاء تصلح قصيدة هههههههههه
    ريما:هههههههههههه..يالله بنزل امي تنادينياشوفك الليله ان شاء الله.. باي
    ندى:باي


    كانت هنوف متصلة وتبي ريما تجيهم...بس اعتذرت منها وقالت لها يوم ثاني...نزلت ريما عند امها وابوها وجلست عندهم وجلست تسولف لهم بالتفصيل الممل..وش كانوا يسوون في ..ويوم العيد الحفلة الي سوتها خالتها هند..والكورنيش..وعزيمة ام ماجد..وفي المجمعات....ماتركت شي ماقالته... واعطتهم الهدايا الي جايبتها
    ابو ريما:ليش مكلفة على نفسك..انا اعطيتك الفلوس علشان تنبسطين وتشترين الي في خاطرك
    ريما:ولو يايبه هذي اشياء بسيطة.. والله تستاهلون اكثر
    ام ريما:تسلمين ياحياتي عقبال ماتجيبن لنا هدايا زواجك وانتي جايه من شهر العسل
    ريما انحرجت..وتبي تقلب الموضوع

    ريما:يمة بتروحين الليله لخوالي؟
    ام ريما:ايه جدتك مشتاقة لك ..
    ريما:عدك علي يايمة والله ولهانه عليها..
    ام ريما:ترى بنروح لهم العصر
    ريما:اوكي


    راحت ام ريما وريما لبيت الجدة هياء..وانبسطت لما شافت ريما وجلست تبوسها
    ندى:يمة يوم رجعت من السفر ماسويت كذا..وش معني هالغثة الي فرحتي برجعتها؟
    ريما:يالله ياغيرتك..وبعدين هي تدري بعد اني مشتاقة لها..القلوب شواهد... يمة هياء شخبارك؟والله وحشتني
    الجدة هياء:الله يسلمك ..انتي شخبارك...عساكم انبستطوا؟
    ريما:ايه الحمد لله مع ندى وهيفاء اكيد ابي انبسط
    ندى:علشان تعرفين انك ماتنبسطين الا معاي
    ريما:لا ترى امزح بس مع هيفاء انبسطت
    ام ريما:هههههههه ياحبكم للمناقر والمهاوش
    ندى:ايه انا مانبسط غير ماشوف ريما مقهورة
    ريما:من قالك اني انقهر منك ياخالتي الموقرة
    الجدة هياء:وش اخبار نواف وشلون رجله اللحين
    ريما:لا الحمد لله اشوى من اول
    الجدة هياء:الحمد لله

    جلســــــــــوا مع بعض في الصالة..تركي طالع مع اصدقائة..
    ندى:ريما تعالي فوق لغرفتي ابي اوريك عبايتي
    ريما:صدق طلعت
    ندى:يالله يابردك تعالي..يعني لو ماطلعت ماراح اوريك اياها يالذكية
    ريما:طيب يالله

    قاموا البنات
    ام ريما:وين تبون؟
    ريما:فوق لغرفة ندى..بشوف عبايتها الي مفصلتها تقول انها طلعت
    ام ريما:صدق ندى متى طلعت
    ندى:قبل يومين
    ام ريما:وشلون خياطها زين؟
    ندى:ايه والله روعة
    ام ريما:وانتي نازلة جيبها معاك ابي اشوفها..اذا اعجبتني باروح افصل عند نفس المحل
    ندى:ابشري

    صعــــــدوا للغرفة ندى..وجلست توريها العباية..كان شكلها حلو وناعم..
    ريما:يا1111111ي روعة ندى..صدقك انك ذويقة
    ندى:ايه علشان تعرفين انه مو بس انتي الي عندك ذوق..واالناس ماخذين في ذوقك مقلب
    ريما:نعم ..اقول انتي اذا مدحناك ابتلشنا فيك..وان سبيناك ماسلمنا من لسانك..
    ندى:ههههههههه والله اني كايدتكم
    ريما: ايه هين ..بالحيل كايدتنا هههههههههه
    ندى:هههههههههههههه
    ريما:وش صار على صديق خالي تركي ماجد؟
    ندى ارتبكت:ليش وش صار ؟
    ريما:بسم الله عليك ..بس اسئلك ماتكلم عنه..يعني زل لسانه
    ندى وهي تتنهد:آهـ لا ابد ماجب طاريه
    ريما:هاه ندوش اشوف القلب هاليومين في الشرقية ناسيته..ماجاء معك للرياض
    ندى:ياسخفك
    ريما:حطي عينك بعيني اشوف
    ندى:ههههههههههه
    ريما:اقول حطي عينك بعيني
    ندى باستخفاف:هاه حطيت عيني
    ريما:اقسم بالله انك تحبينه
    ندى:لاتحلفيــــــن
    ريما: والله ثم والله
    ندى جلست على سريرها
    ريما:ندوش وش فيك؟لايكون زعلتي من كلامي؟بس اعرفك ماتزعلين
    ندى:لا مو زعلانه..بس
    ريما:ايه وش بعد هالـــــــ بس
    ندى: انا ياريما اذا سمعت طاري ماجد مدري ليش احس باحساس غريب تجاهـ يمكن حب..يمكن اعجاب.. بس احاول ابعد نفسي عن الاوهام هذي
    ريما:ليش؟
    ندى:اللحين اربط نفسي في انسان يمكن مافكر فيني..انا اذا حبيت شخص احبه بكل مافيني يعني اقدم حبي للانسان الي شاريني....ماحب اي شخص كذا..
    ريما:بس نظرات امه ذاك اليوم..واضح انك اعجبتيها..وشفتيها بس تمدح بماجد قدامك قال ماجد وسوى ماجد
    ندى:اكيد ولدهــــــــا الوحيد
    ريما: ندى انتي بنت طيبه وتستاهلين كل خير..وانا اتوقع ان ماجد بيكون من نصيبك
    ندى:ههههههههههه اقول فكينا من هالموضوع..وخلينا ننزل لسلمى اوريها عباتي بس..


    ريما استغربت ندى ليش بتفتك من الموضوع معقولة تحب ماجد..آخر ماكنت اتوقع ندى تحب..بس ليش هي مو انسانة لها عواطف ومشاعر..بس احنا ماخذين انها ندى المصرقعة الي دايماً ابتسامتها ماتفارق وجهها..الله يوفقك ياندوووش

    نزلوا البنات وجلسوا عند التلفزيون..
    ريما:يا11111ي اتركي روتانا خليجية
    ندى:ياربي قصايد من ذهب..
    ريما:ايه ياسر التويجري ياسلام عليه..اسمعي هالقصيدة خطيرة
    ندى:ههههههه اقول اقلبي وجهك ابي شيء يونسني يعني يرقص
    ريما:بس شوي هاللحين تخلص القصيدة
    ندى:ياربي رحمتك..
    ريما:ايه اللحين ابو نورة
    ندى:ايه هذا الطرب الاصيل قومي خلينا نرقص الاغنيه تهبل
    اغنيه محمد عبدهـ (رحت يم الطبيب..الي يداوي الجروحي..قال جرح المودة..مالقينا له دواء......


    بعدين رجعت للبيت ريما وامها..وجلست سواليف هي وامها..
    ريما:ياربي بعد بكرى مدرسة
    ام ريما:يابنت الحلال..كلنا بالهواء سواء انا مثلك بعد بكرى دوام
    ريما:لا سب انتي مديرة وتوجهين اومراك للناس..وانا طالبه ويأمر علي
    ام ريما:بلا دلع بعد بكرى يعني بعد بكرى مالك مفر منها
    ريما:ايه هذي المشكلــــــــــــــة
    ام ريما:وش مشكلته ..يانك تسوين من الحبه قبه ...انا بقوم انام....وانتي ماودك تنامين؟
    ريما:الا يالله تصبحين على خير
    ام ريما:وانتي من اهله

    صعدت ريما لغرفتها..وجلست على النت ماجاها نوم..

    تذكرت نواف..وقمزت من على الكرسي..وراحت واخذت جوالها تتصل عليه وتطمن عنه..
    ريما:الوو..هلا نواف
    نواف:هلا والله وغلا ومسهلا
    ريما: يسلمووو..شخبارك.؟
    نواف:تمام..دامني سمعت صوتك..
    ريما:وشلون رجلك ؟
    نواف:لا الحمد لله بس اذا حركتها تعورني يعني عادي
    ريما:الحمد لله..ايه وعلاجك عساك اخذته
    نواف بيرفع ضغطها: يوووهـ نسيته تصدقين مابعد يوم تعطيني اياه ذاك اليوم..
    ريما بعصبية:وش تقوووووووووول؟
    نواف ماقدر يمسك نفسك:هههههههههههههه
    ريما:وش فيك
    نواف:لا امزح عليك..ليش عصبتي؟
    ريما:اكيد بعصب يعني ماخذت الدواء وتبغيني ماعصب
    نواف:ياحياتي والله..يعني حريصة علي؟
    ريما: نواف الوقت تأخر قوم نام
    نواف:مانيب نايم الالمن تقولين لي
    ريما نست:وش اقولك؟
    نواف:ياسلام نسيتي؟طيب انتي حريصة علي؟
    ريما: يالله منك
    نواف:هههههههههههه
    ريما:ماشاء الله عساها دوم هالضحكة
    نواف:تسلمين لي ياذوق
    ريما:يالله تصبح على خير
    نواف:استني ريوم
    ريما:هلا بغيت شي؟
    نواف:انتي حريصة علي
    ريما:اكيــــــد حريصة عليك مثل ماني حريصة على نفسي
    نواف:ويلومني في حبك فيصل
    ريما:ههههههه هذا فيصل يبي له هوشه محترمه
    نواف:اذا كانت الهوشه منك يازينها
    ريما:مستر نواف المفروض تنام..يالله تصبح على خير
    نواف وهو مبسوط:وانتي من اهل الخير..
    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:46 am

    محمد طق الباب على نواف وكان منسجم مع اغنية راشد (من يقول اني لغيرك..انا لك ماني لغيرك..انا متعلق مصيري..ياحبيبي في مصيرك......)

    محمد:ماشاء الله على الاخ..مبسوط وفالها..شكلك مكلم ريما؟
    نواف:صح.وش عرفك
    محمد:لاننا مانشوف هالابتسامة الا بعد مكالماتك لريما..
    نواف:ايه يعني تبيني اصير مبسوط اذا سمعت صوت فيصل..
    محمد:هههههههه طيب راح افتن عليك واقول لفيصل
    نواف:لا ناقصينه بعد...
    محمد:ياعيني وانتم ماتستحون تكلمون بعض انصاف الليالي
    نواف:آهـ انت وش عرفك بمكالمات آخر الليل هذا حال العاشقين
    محمد:احلى اكتبها قصيدة
    نواف:تصدق تصلح
    محمد:يارب ثبت لي عقلي..ولا بعد من يقول مشغل
    نواف:ايه اكيد من يقول اني لغير ريما؟
    محمد:الله يهني سعيد بسعيدة..ياروميو زمانك
    نواف:هههههههههه وش عندك مانمت؟
    محمد:ايه ذكرتني بالموضوع الي انا جايك علشانه
    قام محمد وسكر باب غرفة نواف..وسكر المسجل..
    نواف:شكل الموضوع جدي
    محمد:تخبر يوم قلت لك بالعيد اني راح اتكلم معاك بموضوع بس كل شيء في وقته حلو
    نواف:ايه يوم تشوووف بعض الناس<غمز له
    محمد وهو يضحك:ايه عليك نور..واللحين جاء الوقت الي ابي اصارحك فيه
    نواف:ســـــم تكلم
    قام محمد وجلس على السرير عند راس نواف..
    محمد:نواف انا احب نوف بنت عمي طلال
    نواف:والله كان واضح عليك
    محمد:صدق..شلون؟
    نواف:اذا شفتها اختبصت وحالتك حالة
    محمد:تصدق مالاحظت
    نواف:اكيد ماراح تلاحظ..انت وين والناس وين
    محمد:هههههههههههه..

    محمد:ابي اعرف مشاعرها اتجاهي توقع تحبني؟
    نواف:ليش هي ماقالت لك شي...
    محمد:لا
    نواف:طيب اسئل عبدالرحمن علاقتك معاهـ قوية
    محمد:يالذكي..عبدالرحمن مايدري عن الموضوع..وبعدين بالله عليك فيه اخت بتصارح اخوها كذا..يعني الاسرار هذي بتكون بين البنات
    نواف:لقيتها..ريما
    محمد:شلون؟
    نواف:اقولها تجس نبض نوف ..ومشاعرها هي تحبك أو لا؟تعرف ريما مرتبطة بهنوف ونوف..
    محمد: يعني بتقولها اني احب نوف؟
    نواف:هي تدري من زمان
    محمد قمز:كيف تدري؟
    نواف:تقولي دايماً انها ملاحظة محمد اذا شاف نوف تخربط.وارتبك.ونوف كذا
    محمد:طيب قولها..بس لاتجيب طاري لنوف..اوكي؟؟
    نواف:تامر آمر كم حموّد عندنا؟
    محمد:بعدي ياخوي..يالله اجل تصبح على خير..
    نواف:وانت من اهله..
    ........


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:46 am

    الجزء التاسع عشر

    الفصل الأول

    : : :

    محمد وعبدالرحمن في السيارة طالعين يتمشون..
    عبدالرحمن: وش آخر اخبار الهلال؟
    محمد:ماشاء الله الزعيم اخذ البطولات كلها..ماترك ولابطولة للناس
    عبدالرحمن:اي والله ..ياخي شجع الزعيم وارتاح...!!
    محمد:اسمع الأربعاء مبارتنا ضد الاهلي..على كاس ولي العهد..ترى الشباب متحمسين لها..وراح نسوي مسيـــــرة اذا فاز الزعيم
    عبدالرحمن:ايه انا واصدقائي ماعندنا سالفة غير هالمباراة..واذا على المسيـــــرة شكل شباب الرياض كلهم بيمشون للمسيرة
    محمد:افا1111 عليك الى الفجر واحنا محتفلين,مو بس شباب الرياض انا اعرف شباب من برى المملكة وربي جايين للرياض علشان المباارة..وغير الشباب الي في مناطق المملكة المختلفة..
    عبدالرحمن:ياسلام والله..
    محمد:اقول خلينا نروح لبيتنا فيصل عند نواف ..نروح لهم
    عبدالرحمن:يالله نسلم على نواف من زمان عنه...



    دخلــــــــوا الشباب على نواف وفيصل..جلسوا سواليف مع بعض
    عبدالرحمن:هاه ابو سعود شخبار رجلك
    نواف:لا ان شاء الله الدكتور راح يشوفها بكرى وان شاء الله بترك العربية
    فيصل:زين والله..اشتقنا لك ياخي اطلع وشوف الشباب حالفين اذا قمت بالسلامة يسون لك عشاء كبير
    نواف:والله حتى انا مشتاق لهم وللعب
    محمد:انت ماتبت ياخي اترك الكورة
    نواف:حب الكورة يسري بدمي
    فيصل:الا على طاري الكورة ..الذيب يلعب في المباراة الجاية
    نواف:كيف مايلعب هذا الســــــامي
    عبدالرحمن:والله سامي الجابر اسطورة الملاعب ..
    نواف:توك تدري
    فيصل:ههههههههههههه
    عبدالرحمن: ايه توني ادري هههههه
    محمد:بس ترى الأهلي مو بسهل
    فيصل:قال مب سهل..يابابا ترى الي راح يلعب ضد الاهلي الزعيم تعرف وش معنى الزعيم
    عبدالرحمن:محال محال قولوا محال مافيه زعيم غير الهلال اووة اووووة اووة بتحبو مين؟
    فيصل+نواف+محمد:هـــــــــــــــلال
    عبدالرحمن:حبايبكــــــم مين؟
    فيصل+نواف+محمد:هـــــــــــلال
    عبدالرحمن:والله اني روعة..اصلح اغني في المدرجات
    فيصل:ايه ماشاء الله لايسمعك محمد عبدة يعتزل
    عبدالرحمن:عاد انت وجهك يافيصل وش يعجبك الله يخلف..
    نواف:والله انك صادق مايعجبة العجب ولا الصيام برجب..
    فيصل:كني اسمع احد يحش فيني وش رايك محمد.؟
    محمد:والله يمكن هنا فيه ناس ماتعرف منهو فيصل ابو نايف...
    فيصل:وش اخبار ريما؟
    نواف: تمام..تعال وش دخلك بريما؟
    فيصل:بنت خالي وزوجة الغالي
    نواف:ههههههه ايه خلك كذا
    فيصل:انا طول عمري كذا..بس فيه ناس مايقدرون
    نواف:الله اكبر يافيصلوة..مين مايقدرك غيري
    فيصل:لو سمحت..فيصل..مين ذا فيصلوة..ترى اذا تعديت حدودك لاتلوم الا نفسك
    نواف:يعني وش بتسوي يالله؟
    محمد:لا والله قوم طقه وانت اعطيه بوكس..هيه والله انكم بزارين
    عبدالرحمن:انتم تفشلون..قال كبار قال
    نواف:فيصل ماتلاحظ ان هالبزارين صاروا يتطالون على الرجاجيل
    فيصل:اي والله احنا طول وعرض وشنبات..وثانوية عامة يتطنزون علينا
    نواف:يالله انت وياهـ قوموا ذاكروا احسن لكم
    عبدالرحمن:يعني طردة محترمة هذي
    فيصل:سمها الي تبي..بس ورينا انت ومحمد عرض اكتافكم يالله
    محمد:عبدالرحمن خلينا نقوم عن هالمهبل ذولا..يقولك من عاشر قوم اربعين يوماً صار منهم
    نواف:اخس والله وصرت تقول حكم ياحمـّود
    عبدالرحمن:يالله قوم وش نبي فيهم..
    فيصل:يالله انت وياه برررررررررررررى
    عبدالرحمن:ترى احنا قمنا برضانا مو علشانكم..والغرفة غرفة نواف
    نواف:انا وفيصل واحد..الغرفة غرفته..ويستقبل الي يحبى له ويطرد الي يبيه
    عبدالرحمن:يعني كذا انت وياه
    فيصل:لقـــــط وجهك بس
    محمد:عبدالرحمن خلينا نروح احسن من مقابل وجيههم

    طلعـــــــــوا عبدالرحمن ومحمد تحت بالحديقة..!!

    في غرفة نواف..
    نواف:وانت فيصل بعد يالله قم وسكر الباب وراك
    فيصل:وش تقول؟
    نواف:ههههههههههههههه مثل ماسمعت.. فيني نوم
    فيصل:يانك دب نوم ..ياخي ماتشبع
    نواف:حرام عليك اذكر ربك..والله لو صار فيني ارق..وعجزت لاانوم..ياويلك مني
    فيصل:لا اله الا الله..بعدين من قالك ان لي عين..انا عيني باردة
    نواف شهق:اهـــــــــــــئ..انت مالك عين..اساساً انت معروف في العائلة ان لك عين
    فيصل:كلنا لنا عيون..والي ماله عين اعمى صح ولا لا؟
    نواف:ههههههه..بس صدق عينك قوية
    فيصل:هههههههههههه ..والله حركات..تصدق راح اخلي العين سلاحي في وجه الاعداء مثلك
    نواف:اللحين انا اعداء..شكلك تابع افلام كرتون مع اخوك عبودي
    فيصل:ايه والله سبيس تون خطيرة
    نواف:هههههههههههههههه
    فيصل:هههههههههههههه

    في الحديقة محمد وعبدالرحمن جالسين يسولفون..
    رن جوال عبدالرحمن..
    عبدالرحمن:هلا نوف
    محمد ابتسم
    نوف:وينك؟امي وابوي يستنونك
    عبدالرحمن:عند محمد
    نوف:محمد!!
    عبدالرحمن:ايه..ليش؟
    نوف:لا ولا شيء..بس يعني ابوي معصب شوي يقول تعال ادرس وذاكر وراك ثانوية ياستاذ
    عبدالرحمن:والله ان هالثانوية اذا خلصت راح اسوي لكم عشاء
    نوف:هههههههههه اللحين تعال ..
    عبدالرحمن:يالله جاي..
    نوف:اجل..تشا1111و
    عبدالرحمن:الحمد لله والشكر يالله تشاوو
    : :
    عبدالرحمن:يالله انا اترخص
    محمد:وين تونى؟
    عبدالرحمن:لا بس الوالد يبيني ارجع..واذاكر..النسبة وماادراك مالنسبة
    محمد:الله يعين..وش ذي تشاو والله انك خطير ياعبيد
    عبدالرحمن:لا بس اقلد هالخبلا نوف..اذا جت تسكر تقول تشاو
    محمد:ههههههههههه ياحليلها
    عبدالرحمن:يالله ..اشوفك بكرى فمان الله
    محمد:فمان الكريم

    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:47 am

    ريما شدت حيلها وتذاكر وتتعب..والهنوف مثلها بس على اقل اهتمام من ريما..اما نوف مرتاحة الكل ثانوية عامة الاهي ثاني ثانوي....

    : : :

    نواف راح للدكتور سوى له الفحوصات اللازمة..وصار يمشي بدون عربية او عكازات..وكل يوم يروح للنادي الصحي ..

    : : :
    ريـــــــــما اتصلت على البنات هنوف ونوف وندى علشان يجونها..عازمتهم بما ان بكرى مباراة الزعيم..ومسوية لهم سربرايز اذا فاز الهــــــــلال!!طبعاً البنات متحمسين ويدعون ان الهلال يفوز علشان السربرايز...

    نواف اتصل على ريما..
    نواف:مساء الخير والاحساس والطيبة مساء مايليق الا باحبابه
    ريما:هههههه مساء النور
    نواف:شخبار ريومتي
    ريما:تمام..انت شخبارك؟وش قالك الدكتور؟
    نواف: ياريما الدكتور قال لي خلاص ماتمشي الا بعربية لمدة سنتين
    ريما:وش تقول..؟صادق؟
    نواف:الي سمعتيه..وانا متضايق ..
    ريما:يعني سنتين!!لا مو معقولة..نواف قول انك تمزح!!تكفى..تراني على اعصابي
    نواف:لا امزح ابشرك تركتها..وصرت امشي طبيعي
    ريما عصبت:طيب ليش تفاولت على نفسك..!!
    نواف:خلاص الريم لاتزعلين حقك علي..
    ريما:لا انا مو زعلانه بس خوفتني وربي احس اني رجولي ماعاد يشيلوني من الخوف
    نواف:كل هذا علشاني ياحـــــــــظي!!
    ريما:هههههههههه....ايه وش اخباركم متحمسين للمبارات بكرى؟
    نواف:لا
    ريما:شلون يعني!!ترى بكرى الهلال راح يلعب
    نواف:عارف
    ريما:اول مرة اشوفك مو متحمس..مع انها مباراة نهائية على كأس
    نواف:لاني عارف ان البطولة بعون الله لنا!!الهلال اذا شاف الذهب مايسكت لازم يشيله
    ريما:الله يسمع منك..تخيل عزمت البنات بكرى...هنوف وندى عصبوا يوم عرفوا ان بكرى مباراة الهلال..يقولون الله يعين عليك انتي ونوف
    نواف:هههههههه ليش مايحبون الكورة.؟
    ريما:والله مجانين..يعني تخيل حتى الهلال عادي عندهم
    نواف:ونوف؟
    ريما:لا ياحياتي يابنت عمي..هلاليه مثلي..اتفقنا بكرى نلبس ملابس الهلال الsports
    نواف:ياسلام عليكم..خلاص شكلي ماراح اروح للملعب..ابي اجي عندكم اتابع الكورة
    ريما:ياسلام ومين بيسمح لك تجلس مع البنات
    نواف:ياهوووووة تغارين..
    ريما(ياربي انا وش قاعدة اقووول!!)
    ريما:الذيب سامي راح يلعب؟
    نواف:سامي مصدر قلقل لأي واحد يلعب ضدهـ..مدري وش راح اسوي اذا اعتزل
    ريما:لا ان شاء الله ..تونى
    نواف:ريما
    ريما:سم
    نواف:ابي اطلب منك خدمة ممكن؟
    ريما: انت تآمر ..اذا قدرت ان شاء الله بسويها..
    نواف:نوف تحب محمد؟
    ريما:هاه..
    نواف:وش فيك؟ اسئلك
    ريما بذكاء:اذا سئلناها تتهرب وتحاول تصرف نفسها من الاجابة...وبعدين ايش هي الخدمة
    نواف:محمد ياريما يحبهـــــــا!!
    ريما:وانا اتوقع حتى هي تحبه بس مدري وش فيها1111؟
    نواف:طيب حاولي تعرفين منها هي تحبه ولا لا؟ لان محمد صراحة يحبها ويبي يعرف وش مشاعرها تجاهه
    ريما:شوف انا بتكلم معاها اذا جتنا...واحاول اشوف وش تقول..اوكي!
    نواف:اوكي..وانا قلته مالها الا حريمها
    ريما:هههههه شفت كيف مالها الا حريمها..
    نواف:يالله حبيبتي انا استئذن فيصل ازعجني بسيارته ينتظرني بنروح انا وياها للشباب..ويتصل واسوي لي رفض
    ريما:هههههههههه خلاص..بس اسمع اذا قالوا لك بنلعب كورة ..لاتوافق تكفى
    نواف:والله علشانك ولا تعرفين الكورة بالنسبة لي ايش..بس علشانك ماراح العب
    ريما:تسلم لي..يالله روح لفيصل..
    نواف:ههههه يالله..مع السلامة
    ريما:الله يسلمك..

    : : :

    في المدرســــــــة..ريما ورشاء كل سوالفيهم عن الهلال..!!والبنات طفشانات منهم..
    ريما:ايه انا مسوية سربرايز للبنات اذا فاز الهلال
    رشاء:والله لو يحبون السماء ماسوي لهم مفاجأت..انا واثقة ان شاء الله ان الهلال راح يفوز..ومابقى الا هي اسوي لخواتي مايستاهلون
    ريما:هههههههه ليش؟
    رشاء:بس يهاوشوني وبعدين انا اتابع المباراة مع امي..ترى امي هلاليه
    ريما:صدق؟اها ياحبي لها ..بوسي راسها وسلمي عليها..وخليها تدعي للهلال
    رشاء:ابشري..لاتوصين حريص
    اسماء:يالله انتم ماخلصتوا هذرة..يكفي كل يوم هلال هلال هلال ارحموني في البيت هلال في النت هلال في الجوال هلال في المدرسة هلال ذبحتوني
    ريما:ايه شجعي الهلال وفكي عمرك
    اسماء:انا هلاليه بس مو كذا..اقول حر قوموا نشرب لنا بارد
    ريما:يالله
    رشاء:قوموا للمقصف حق المدرسة عازمتكم على آيس كريم...بس على شرط الي لونه ازرق
    اسماء:بعد حتى الآيس كريم..خلاص هونت مابيه
    ريما:ايه انا ابي الايس كريم الازرق فديت الي عازمنا
    رشاء:احم احم...لا تخلني عاد اعزمك على طيارتي الخاصة مو عاد على ايس كريم
    اسماء:عشتوا..من وين لك طيارة خاصة
    رشاء:ههههههه اللحين بتمرني عند باب المدرسة واسافر
    ريما تغني:لا تسافر قبل ماشوفك لو دقايق قبل الوداع
    رشاء:هههههههههههههههه
    ريما:ههههههههههههه
    اسماء:والله انكم رايقات احلى مافي اليوم انه اربعاء
    ريما:لاتنسين مباراة الهلال لو سمحتي
    اسماء:وبعد مباراة الهلال..لاتزعلون

    : : :

    ريما اول ماطلعت من المدرسة نامت....والعصر على الساعة 4 ونص صحتها امها من النوم..!!

    (راح اقولكم مفـــاجأة ريما...)

    طلبت من امها انها تروح مع البنات على مطعم محترم وتعزمهم على العشاء بمناسبة فوز الهلال..واتفقت مع عمتها نورة ان هنوف تنوم عندهم بس من غير ماتعرف هنوف ..وبعد مع ام نوف اتصلت عليها وطلبت ان نوف تنوم عندها بدون ماتعرف نوف أي شي عن النومه..واتصلت على جدتها هياء وطلبت منها ان ندوش تنوم عندها مع البنات بعد اتفقت معها على انها ماتخبر ندى بأي شيء في خصوص النوم...طبعاً الامهــات كلهم وافقــــوا على طلب ريما. بعد الحاح شديد من الريم...

    بعد المغرب جوا البنات..
    ريما لبست فانيلة الهلال..ولبست معاها بنطلون جينز برمودا ومع تحت كنه مثني..وصندل مسح ابيض وازرق.وساعة زرقاء..ومجعدهـ شعرها.ولفت شعرها ببكلة على شكل هلال...نوف لبست فانيلة الهلال مع بنطلون ابيض...!!

    نوف جت اول شي نزلها عبدالرحمن وراح لدرة الملاعب(ملعب الملك فهد الدولي) علشان يروحون يحضرون المباراة
    والهنوف راحت مع السواق<فيصل طنشها ..وندوش مع تركي
    اول ماوصلت هنوف ونزلت من السيارة..كان تركي واقف ينّزل ندى..هنوف نزلت بسرعة وتركي اعجبته طولها ومشيتها..
    تركي:مين هذي؟
    ندى بكل مكر:مدري؟
    تركي:شلون ماتدرين
    ندى:انت وش دخلك ؟
    تركي:اقول انزلي بس لاامشي واتركك
    ندى: وهي نازلة سكرت الباب..بعدين طقت على نافذة سيارة تركي..
    تركي فتحت النافذة
    ندى وهي مبستمة:على فكرة البنت الي من شوي دخلت هنوف بنت عمت ريما..سلام
    تركي ضحك..وحرك سيارتة وراح للملعب..!!

    هنوف كانت بالحوش حق بيت ريما بتدخل للبيت..
    ندى دخلت بسرعة
    ندى:هنوف وقفي شوي
    هنوف وقفت وضحكت لندى
    هنوف:هلا وغلا بندوش شخبارك..اشتقت لك يالدبا
    ندى: وانا اكثر انتي شخبارك؟
    هنوف:الحمد لله
    ندى:حزري من الي كان يسئل عنك؟
    هنوف:مين؟
    ندى:تركي..
    هنوف:ههههههه ليش وش يبي؟
    ندى:مدري بس يمكن معجب مغرم
    هنوف:الحمد لله والشكر وربي انك مصرقعة كيف يكون معجب مغرم على قولتك..وانا ماقد تكلمت معاه ولا صار لي موقف وياه
    ندى:قولي آمين
    هنوف:آمين
    ندى:جعله يصير بينكم موقف وتتفشلين ويطيح وجهك وتلقطينه..هههههههههه
    هنوف:طيييب يالسخيفة انا اوريك
    فصخت صندلها وانتو بكرامة وجلست تركض ورى ندى علشان تضربها
    ندى:خلاص تكفين هنوف ماعيدها
    هنوف:مانيب انا وش يضمن لي؟
    ندى:وعد
    هنوف:نصبر ونشوف

    ريما سمعت الصراخ وطلعت للحديقة هي ونوف..!!
    نوف:وش فيكم
    ريما:انا اقول وش هالهوشة هوشة قطاوة حشى
    ندى وهنوف شهقوا:اهــــــــــــــــــــئ احنا قطاوة
    ريما:هههههه لا محشومات
    ندى:اشوى
    هنوف:ايه حسبالي شي ثاني
    ريما:تفضلوا داخل
    ندى:ندري اجل وين نتفضل برى؟
    هنوف:ياربي وش هالذكية
    نوف:هههههههههههههههه
    ريما:الله يعين قلبي عليكم
    ندى:طالع طالع..مين الي عازمنا؟هاه بنات
    هنوف ونوف:ريـــــــــــما
    ريما:حقكم علي..يالله امشوا اللحين بتبداء المباراة...
    نوف:يالله بسررررررررررررعة
    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:49 am

    الجزء العشرون

    الفصل الأول

    : : :
    في بيـــت الجدة هياء..
    ندى جالسة عند التلفزيون..وتركي كان معاه تفاحة جلس ياكلها عند ندى
    ندى:لاتطلع صوت وانت تاكل
    تركي:ههههه اساساً لذتي في الاكل اني اطلع صوت<يقهرها
    ندى:ياربي والله تقرف.خوش دكتور
    تركي:الله اكبر كلها تفاحة..وش دخل الدكتوراة بالموضوع؟
    ندى:طيب بس سكر فمك..ابي اتابع المسلسل
    تركي:اخبار ندوش
    ندى:هاه؟انت تركي؟
    تركي:الحمد لله والشكر لا مانيب تركي خياله
    ندى:معذورة اول مرة تقول ندوش..ماقد سمعتها الا من الهنوف
    تركي:الا على فكرة شخبارها الهنوف؟
    ندى تطالع له بنظرات مكر:وش دخلك فيها تسأل عنها؟
    تركي:لا اقصد وش أخبارها بعد ذاك اليوم يوم تنزل
    ندى:هههههههههههه ياهي سوت فيني مقلب بعد ماضحكت عليها
    تركي:والله زين ماسوت فيك..بردت كبدي
    ندى:تركي وش رايك فيها
    تركي لاشعورياً وكنه نسى ان الي قدامة ندى: هالبنت روعة
    ندى:احلف
    تركي:هاه انتي وش جالسة تسوين تجرين مني الحكي يالدبا
    ندى:تكفى نبي نفرح فيك
    تركي:انا توني صغير نبي نفرح فيك انتي بالاول
    ندى:لحد اللحين ماجاء فارس احلامي الي يخطفني على حصانه الابيض ويسافرفيني للنجوم
    تركي:عيب احترميني ياقليلة الادب..والله يعين فارس احلامك عليك !!
    ندى تتريق:ههههه يحصل له ندى يحمد ربه الي فكرت فيه
    تركي:منهو؟
    ندى:فارس احلامي
    تركي ارتفع ضغطه من حركاتها..اخذ وسادة صغيرها وضربها..
    تركي:وربي خبلا ..بس خليني اقوم واروح عند امي ابرك منك..انتي وفارس الاحلامك
    ندى:احسن لي بعد

    : : :
    محمد اتصل على جوال عبدالرحمن وكان مسكرة..راح واتصل على البيت
    محمد:السلام عليكم
    ..:وعليكم السلام
    محمد:مين
    ...:اللحين انت الي متصل وتقول مين؟خير اخوي؟
    محمد:نوف؟
    نوف:هاه..مين معاي؟
    محمد:انا محمد
    نوف بكل ذكاء:مين محمد؟
    محمد بينه وبين نفسه(افا يانوف):محمد بن سعود
    نوف:ونعم..
    محمد:ماعليك زود يابنت العم..شخبارك؟
    نوف قلبها يدق وجهها احمر :انا تمام.وانت عساك بخير
    محمد:الحمدلله..
    نوف:تبي عبدالرحمن
    محمد(ياربي هذا وقته عبدالرحمن..لازم يخرب علي):لحظة لحظة نوف قبل لاتعطيني عبدالرحمن
    نوف(ياي يامحمد ياحلات اسمي بفمك):هلا
    محمد:والله ماصدقت الي سمعت صوتك وبعدين فيه كلام حاب تسمعينه
    نوف(خافت وش عندهـ محمد الله يستر!!) :خير!!
    محمد:آآآآ مممم آآآآ
    نوف:وش فيك؟
    محمد:انا يانوف ..مدري كيف اقولك
    نوف:وش تقول..وش فيك؟خوفتني
    محمد:نوف بختصار شديد انا معجب فيك..احبك والله احبك
    نوف:ايش؟
    محمد:الي سمعتيه..وانا آسف اذا خانني التعبير..وماقدرت ارتب الكلمات..بس انا ماحب الف وادور

    في هذا الوقت نزل عبدالرحمن وشاف نوف تكلم
    نوف ارتبكت وخافت ولاتدري وش ترد عليه :دقايق هذا عبدالرحمن
    محمد(ياربي ياعبيد كل شوي تنط في وجهي..ابي اسمع وش تقول وش ردة فعلها اوووف منك يالدب)
    عبدالرحمن:اهلين محمد
    محمد:هلا بك..وينك جوالك مقفله؟
    عبدالرحمن:ايه الشحن فاضي...وعجزان اشحنه
    محمد:ياربي يانك كسول..وش بتسوي اذا صرت شايب هههههههه
    عبدالرحمن:هههههههه ماتحرك بس انوم
    محمد:تجهز ابي امرك
    عبدالرحمن:وين
    محمد:مدري نبي نشرب لنا قهوة في التحلية ونرجع ماراح نطول
    عبدالرحمن:اوكي بنتظارك
    محمد:باي
    : : :
    نوف مو مصدقة ولا مستوعبه الي سمعته..
    نوف(معقولة انا في حلم او في علم..وانا بعد يامحمد مو بس احبك..انا اموت فيك..الحمد لله الي عرفت مشاعرك اتجاهي..والله مبسوطة..واحس الارض مو سايعتني من الفرحة..من شوي اعترف لي محمد انه يحبني..!!آهـ ياقلبي.)
    نوف كانت طايرة من الفرحة حلمها وتحقق..صعدت غرفتها وجلست تفكر بالمكالمة الي دارت بينها وبين محمد... وكانت هايمة مع اغنيه الجسمي..والله مايسوى اعيش الدنيــا دونك..

    : : :
    تركي:يمة تعالي التليفون
    الجدة هياء:مين؟
    تركي:مدري مرهـ بس اول مرة اسمع صوتها


    الجدة هيا:الو...هلا
    ....:هلا بك ام تركي؟
    الجدة هياء:ايه مين معاي؟
    ....:هلا بك ..شخبارك؟وشلون بناتك والدكتور تركي؟
    الجدة هياء:والله الحمد لله بصحة الله يسلمك..بس من انتي؟
    ....:معـــــــــــــــــاك ام ماجد..جارة هند بنتك في الشرقية
    الجدة هياء:هلا ومرحبا..شلونك؟وشلون بناتك وعيالك؟
    ام ماجد:والله الحمد لله..انتم شخباركم؟
    الجدة هياء:كلنا بخير..ماشاء الله عليك هند بنتي ماتذكرك الا بكل خير وتقول ونعم الجارة
    ام ماجد:ماعليها زود..والله هند اخت وصديقة وعزيزة علينا..وماشاء الله حتى ندى وريما تعلقنا فيهم يوم زارونا
    الجدة هياء:ايه والله ..حتى البنات يتكلمون عنكم ويمدحونكم
    ام ماجد:وش اخبار دكتورنا تركي؟ ياحليله مع ولدي ماجد في الكلية..ويعرفه.!!
    الجدة هياء:ماشاء الله ماجد دكتور؟
    ام ماجد:اي والله عندكم في الرياض يدرس..وماسك حلال ابوهـ..
    الجدة هياء:افا والله في الرياض..ولاقمنا معاه بالواجب..ولا عزمناهـ حتى القهوة ماقد شربها عندنا مايصير!
    ام ماجد: الجايات اكثر يام تركي..
    الجدة هياء:ان شاء الله..
    ام ماجد:والله يام تركي..انا ابي افاتحك بموضوع..تعرفين انا مالي الا هالولد ومتعلقة فيه..ولا بعد مهو بعندي يعني في الرياض..وابي اختار له البنت السنعة..الي اتطمن على ولدي معاها..والصراحة ارتحت لندى وحبيتها مو بس انا والله حتى بناتي..بنت طيوبة وحبوبة وخلوقة وماشاء الله تدخل القلب بسرعة..ويكفي انها اخت هند..وتربيتك يام تركي
    الجدة هياء:الله يكتب الي فيه الخير..!!
    ام ماجد:واحنا ماحنا بمستعجلين..يعني تاخذ راحتها بالتفكير..والله اننا شارينها...واذا على ولدي ماجد يعني سنة ونص وهو متخرج ان شاء الله وراح يسافر برى يكمل دراسته..وان شاء الله بتكون معاهـ..واسئلوا عن الولد وعنا...وهند تعرفنا ..وخذوا رااحتكم
    الجدة هياء:ان شاء الله..وماعنكم منشود ناس الكل يمدح فيكم والشور شور ندى..يعني بنشاورها ونرد لكم بعد اسبوعين!!
    ام تركي:ان شاء الله..احنا في الانتظار..يالله تامرين على شيء من الشرقية
    الجدة هياء:لاسلامتك فمان الله
    ام ماجد:الله معاك..


    تركي:بتخطب ندى؟
    الجدة هياء:ايه لولدها ماجد تقول تركي يعرفة
    تركي:هههههه انا اقول وش عندهـ ماجد بالكلية كل ماشافني يسلم علي ويهلي فيني طلع طابخ الموضوع
    الجدة هياء:انا بفاتح ندى واشوف رآيها
    تركي:بس ترى ماجد مايتفوت يعني دكتور ولد حمولة طيبة ومعروفين..
    الجدة هياء:زين ان هند تعرفهم..وترى الرآي بالاول والآخير يرجع لندى..والله يتتم على خير

    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:50 am

    في الشرقية
    شيخة:يارب توافق
    عبير:أي والله ندى روعة وماجد يستاهل والله
    ام ماجد:انا من يوم شفتها وهي دخلت مزاجي واحس انها لايقة على ماجد
    شيخة: ومتى راح يردون لنا؟
    ام ماجد:بعد اسبوعين
    عبير:اووووولله ولو فترة طويلة
    ام ماجد:حتى لو وافقت يعني الزواج راح يكون بعد مايتخرج ماجد..خلي البنت تفكر
    عبير:انا ماقصدي كذا..انا خايفة البنت تطير من يدنا..جمال واخلاق وشهادة
    شيخة انا ابي اروح اتصل على غادة اقولها انكم خطبوتها
    ام ماجد:انا قلت لها قبل لااتصل على ام تركي..وكانت فرحانة
    عبير:اقولك البنت روعة وصراحة هذي الي تصلح لمجود وبنفس المواصفات الي يبيها
    ام ماجد:خلو البنت توافق
    شيخة:لا ان شاء الله ماراح تكون الا لماجد..

    : : :

    رجع عبد الرحمن وهو داخل كانت نوف جالسة تذاكر برى بالحديقة وماسكة كتابها.عبد الرحمن كان ميت من الضحك..بس يضحك


    نوف:وش فيك تضحك عبيد؟وش هالوردة اول مرة عبد الرحمن ماسك وردة..لا اكيد راح تمطر اليوم
    عبدالرحمن:كله من هالخبل محمد
    نوف بكل حمّاس:ليش وش صاير
    عبد الرحمن:يوم نزلني عند باب البيت..اعطاني الوردة هذي..وقالي تصبح على خير ياقمر
    نوف:ياربي منك هذا جزاء الولد.وش فيها يمكن محمد انسان ذوق
    عبدالرحمن:صحيح هو ذوق بس مو معاي انا..اليوم مدري وش فيه....لا وازيدك من الشعر بيت تخيلي حتى في السيارة كل الاغاني الي مشغلها عن الحب وام كلثوم وعبدالحليم
    نوف ميته من الضحك..
    عبدالرحمن:اقول خذي هالوردة مابقى الا انا امسك ورد مدري وش شايفني بنت!!
    نوف:اعطيني اياها
    عبدالرحمن:يالله تصبحين على خير
    نوف:وانت على خير..
    نوف مسكت الوردة وجلست تفكر بمحمد..(هذي رسالة غير مباشرة من محمد لي!!..والله انه ذوق ورايق..)

    : : :

    تحدد موعد زواج ريما ونواف ..بعد الاختبارات النهائية بشهر واحد... في العطلة الصيفية <<يعني قرب

    : : :

    طبعـــــاً لازال في مخيلتي الكثير من الاحداث بين ريما ونواف..!!وياترى هل بينقلب الحب والود بعد الزواج الى...؟

    تتوقعون ندى راح توافق على ماجد..؟وتتخلى عن امهــــا واهلها وتسافر مع ماجد؟

    وش قصة اسئلة تركي المتكررة عن الهنوف؟

    ونوف ومحمد....؟


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:51 am

    الجزء العشرون

    الفصل الثاني

    : : :

    الساعة خمس ونص..صعدت ام ريما لغرفة ريما تصحيها..!!
    ام ريما:يالله ريوم اصحي
    ريما:يمة بس شوي تكفين
    ام ريما:طيب هذا جزاتي الي عندي لك مفاجأة
    ريما قامت وجلست على السرير:وش المفاجأة؟
    ام ريما:ماراح تصير مفاجأة لو قلت لك اياها!!
    ريما:شلون يمة تكفين..
    ام ريما:انتي قومي واخذي شاور وتكشخي
    ريما:يالله يمة عاد قولي لي وش يصبرني؟
    ام ريما:شوفي على الساعة 8 ونص تكوني جاهزة!!..وهذا كل الي اقدر اقوله لك
    ريما:ان شاء الله ثمان ونص ثمان ونص
    ريما رتبت نفسها واخذت شاور ولبست تنورة لونها اسود حرير كلها تكسيرات .. وبلوزة الي يكون موديلا "لف" كأنها ملفوفة على الخصر بشريطة حريرسوداء..البلوزة لونها اسود ومخططه بالابيض نخطيط طولي واخذت معاها شنطة وفيها حلقة كلها كرستالات صغيرة تكون ممسك للشنطة..وحطت ميك آب خفيف كحل اسود فحمت عيونها وماسكرا...وروج خفيف لونه وردي..لبست عبايتها ولفت طرحتها ونزلت تحت في الصالة على الساعه 8 ونص

    ريما أول ما نزلت شافت أمها ما لبست ولاشيء كانت تطالع مجلات..
    ريما:يمة ورى مالبستي؟وأنتي تقولين لي خليك جاهزة ع الثمانية ونص؟
    أم ريما: هههههه وش دخلني انا بالموضوع..
    ريما:يمة بالله وش السالفة احس اني راسي بدء يفتر!!؟
    ام ريما سمعت صوت برى:يالله قومي
    ريما:وين؟
    ام ريما:يالله تغطي واطلعي معاي
    طلعت ام ريما وهي ماسكة ريما مع يدها برى للحديقة وريما مثل الاطرش بالزفة,, وبعدين فتحت باب الشارع وكانت سيارة كحلية واقفة عند الباب!!
    ريما:يمة هذي كأنها سيارة نواف؟
    نواف نزل من السيارة:اهلاً وسهلاً مدام ريما..الف شكر ياخالتي على هالخطة الحلوة!!
    ام ريما:يالله انبسطوا..بس لاتتأخرين ريومة حبيبتي..
    ريما:وش السالفة؟وين ابي اروح؟
    نواف فتح لها باب السيارة وركبت جنبه..
    نواف ركب عندها:السالفة ومافيها..اني الليلة عازمك على العشاء..واستأذنت من أمك وأبوك..وطلبت من خالتي ماتقولك شيء..!!يعني سربرايز..وش رايك؟
    ريما:والله خوش سربرايز هههههه

    نواف شغل اغنية لمحمد عبدة .(كيف نخفي حبنـــا!!والشوق فاضح وفي ملامحنا من اللهفة ملامح..عاشقين ونبضنا طفل حنون..لو تزاعلنا نسامح..)
    نواف:ريومتي والله ماقدرت اصبر عنك..واخيراً شفتك..ولا بعد جالسة جنبي..مو مصدق..اقرصيني انا بحلم ولا بعلم؟
    ريما:بدون قرصة الا في علم!!
    نواف:يالله مابقى شيء على الزواج وان شاء الله بعدها بنطلع ونروح ونجيء على راحتنا!!
    ريما كنت تستحي اذا سمعت طاري الزواج..وشلون لما تسمعة من نواف شخصياً؟
    ريما بعتاب: ليش ماكلمتني امس؟
    نواف:والله ياريومتي احس اني ازعجتك وانتي وراك دراسة..قلت ياولد خلك ثقيل شوي
    ريما:ياسلام ..!! تصور كيف امس اشتقت لك وكنت محتاجة اسمع صوتك..
    نواف:ياقلبي انتي..والله وانا اكثر تدرين عاد لازم هالعالم كلها تدري اني احبك واموت في حبك اصبري شوي..

    وقف سياراتة وكان فيه هندي يمشي في الشارع..وقف عندهـ وفتح النافذة وجلس يحاكيه
    نواف:انت في معلوم كيف انا حبي ريما انا في حبي هيا كثييييييييير
    الهندي طارت عيونه:انت مجنون!!
    نواف:يس انا مجنون في حب ريما

    ريما ميتـــــــــــــــه من الضحك
    ريما:نواف ههههههههه امشي وش يقولون عنا الناس
    نواف:خليهم يقولون ..سبق وان قلت لك دامك معاي مايهمني كلام الناس يالغالية

    : : :

    الجدة هياء فاتحت ندى بالموضوع..
    الجدة هياء:هاه ياندى خذي راحتك بالتفكير ترى معك اسبوعين!!
    ندى اختلطت المشاعر عندها..فرحانه ان ماجد الي كانت ميته عليه خطبها..وحزينه بعد ماعرفت انها بتروح برى المملكة وتسافر معاهـ..وتترك امها واختها سلمى وبنت اختها ريما..وخايفة لان الموضوع حساس يعني لازم تقول يا ايه يا لا..ندى ساكتة طول ماكانت امها تحكي لها..

    الجدة هياء:شوفي فكري ترى الموضوع مافيه هبال..يعني هذا زواج ارتباط..مسؤوليه..!!
    طلعت الجدة هياء من غرفة ندى..وتركتها في حيرتها..
    ندى مسكت وسادتها ونزلت دمعتها..معقولة..!!انا راح اترك امي وتركي اترك اهلي اترك ناسي..واسافر برى. انا وماجد لحالنا..ياربي وش اسوي!!احبه بس اهلي امي..آهـ بس..

    : : :

    ريما ونواف دخلوا في احد المطاعم الراقيه في الرياض..وكان الجو هادئ..وموسيقى كلاسيكية..والشموع..<عايشة جو

    نواف طلع من جيبه علبه لونها اخضر مخمل كانت مرتبة تهبل..اعطاها ريما
    ريما:وش ذا؟
    نواف:افتحيها..لاتخافين ماهيب متفجرات
    ريما:هههههه وش متفجراته بعد انت داخلين حرب..
    نواف:ههههه مدري عنك ..افتحيها
    ريما فتحتها وكان بروش من الذهب الابيض فخم وفيه لولو نازل على تحت شكله روووعة
    ريما:واو يجنن
    نواف:الحمد لله الي اعجبك..صراحة احترت مدري وش يمكن يعجبك
    ريما:تسلم حبيبي والله اعجبتني وذوقك جنان..وبعدين اي شيء منك اعرف انه راح يعجبني..يكفي انه من نواف؟؟
    نواف:ياحلوها كلمة حبيبي تنعشني
    ريما دنقت راسها..

    ريما كانت مبسوطة..ونواف بعد طاير من الفرحة مو مصدق ان ريما قدامه...تعشوا ولما صارت الساعة 10..ريما طلبت من نواف ترجع للبيت ..

    نواف :تونى تكفين
    ريما:لا مقدر امي قالت لي لاتأخرين..وخلاص مابعد 10 شيء..يالله علشان خاطري
    نواف:علشان خاطرك بس..يالله قومي
    ريما:تسلم ياغالي
    نواف:احلفي بربك انا غالي
    ريما:هههههه اكيد غالي..توك تعرف انك غالي؟
    نواف:بس ماقد سمعتها منك!!
    ريما:ان شاء الله بتسمعها كثير..يالله خلينا نروح
    نواف:يالله
    طبعاً راحوا وركبت السيارة ريما..ونواف مشغل اغنية ميامي(ياعمري انا) ويسوي حركات..كنه يصور فيديو كليب..ريما طبعاً ميته من الضحك عليه..

    اول ماوصلت البيت...قبل لاتنزل

    نواف اعطى ريما وردة جوري:تصبحين على خير حبيبتي
    ريما:ياي جوري..مشكورة نواف..وانت من اهل الخير..انتبه لنفسك
    نواف يأشر على عيونه(يعني من عيوني..)
    دخلت ريما البيت وكانت طايرة من الفرحة شافت امها وابوها وجلست تسولف معاهم..وشافوا البروش الي من نواف...وكان باين عليها انها فرحانة..امها وابوها فرحوا لفرحها..بعدين طلعت لغرفتها

    ريما جلست في غرفتها..مو مصدقة انها طلعت مع نواف..كانت اول مرة تطلع معاهـ من يوم ملكتهم.جلست تتأمل البروش ( والله انك ذوق .. يوم عن الثاني احبك اكثر...عساني مانحرم منك..)

    : : :

    ندى كانت محتارة..وتفكر ليل نهار..وش راح يكون مصيرها111..دخل عليها تركي
    تركي:ممكن ادخل؟
    ندى:بعد مادخلت تستأذن!!
    تركي:خلاص بطلع
    ندى:امزح تركي تعال
    جاء تركي وجلس على السرير وندى على الكرسي الي مقابل للسرير ..
    تركي: ندى انا جاي اتكلم معاك بخصوص ماجد..والله ياندى ماجد رجال يمعنى الكلمة انسان شهم واخلاقه عالية..والكل يمدحه..يعني ولد ناس طيبين ومنصب ومال وعلم..وش تبين غير كذا!!وانا اخوك ماراح اغشك يعني انا اعرفه من قبل سنيتن ماقد شفت منه أي شيء غلط..الكل يحبه ويحترمة..
    ندى ساكتة ماقالت ولا كلمة
    تركي:وترى اذا صار شيء..يقولون الزواج مو السنة هذي يمكن بعد سنتين..والناس شارينك..حتى خالد ولد هند يمدحة ويعرفة قبل ماعرفة انا..على العموم انا ماراح اضغط عليك..وفكري زين ..يالله انا بطلع عن اذنك..

    ندى بينها وبين نفسها..(عارفة والله ياتركي..انه انسان راقي واخلاق بس آهـــ وش اسوي انا...اوافق واعيش بعيدة عنك وعن امي صعبة انا ماقدر اعيش بدونكم.......)

    من بكرى..اتصلت هند على ندى وجلست تقنعها ان الولد مايتفوت واهله يتمنون انك تكوني من نصيب ولدهم..

    ندى ظلت ساكتة الكل يقنع فيها امها وتركي وهند وام ريما...

    : : :
    بعد مرور اسبوع من مكالمة ام ماجد..كانت ام ريما وريما جايين عند بيت الجدة هياء..وجالسين في الصالة مع تركي والجدة هياء..

    ندى نزلت من غرفتها..وجلست معاهم واخذت تسولف وكأن شيء ماصار

    ام ريما:هاه ندوش ماقررتي؟
    ريما:متى تصدر الموافقة السامية
    تركي:ههههههههه
    الجدة هياء:ماصارت لك اسبوع تفكرين
    ندى:بس انا قررت وخلصت
    ريما كانت متحمسة على ماتسمع موافقة ندى..
    وتركي ينتظر هاللحظة بفارغ الصبر..والجدة هياء بعد كانت تتنظر موافقته






    ندى:انا مانيب موافقة
    تركي مصدوم:ليش؟ ندى تعرفين منهو الي رفضتيه؟هذا ماجد!!
    ريما:خالتي ندى فكرتي زين..تكفين..عيدي حسباتك
    الجدة هياء: ترى الولد الف بنت تتمناهـ..خلاص يعني؟
    ندى..نزلت دموعها وصعدت غرفتها
    ام ريما:خلاص لاتضغطون عليها..يمكن مهو مكتوب انه يكون من نصيبها..
    تركي:والله قهر..يمة بنتك هذي مدري وش تبي..ماتوقع يجي واحد احسن من ماجد..
    تركي طلع معصب لانه كان واثق من موافقة ندى..وتركي صديق ماجد..وخاف لايصير شيء ويزعل ماجد منه,...!!

    ريما واضح عليها آثر الصدمة..ماقالت ولا كلمة..معقولة ندى رفضت ماجد..بس هي تحبة..لا انا لازم اشوف وش الموضوع..وش السبب الي خلاها ترفضه مع حبها الشديد له ولاخواته ....

    ريما قامت من الصالة وصعدت لغرفة ندى..

    دخلت عليها..كانت ندى على السرير تبكي..

    ريما:ندوش وش هالدموع.الموضوع مايسوى خلاص رفضتيه..انتي مو مجبورة انك توافقين..وهذا الشيء راجع لك حبيبتي..ومحد راح يزعل هذي حريتك الشخصية..
    ندى:بس انا ياريما احب ماجد والله احبه...دنقت راسها على رجول ريما وجلست تبكي..بكاء يعور القلب..
    ريما:حيرتيني..كيف تحبينه..؟وانتي رفضتيه؟فهميني..لاني بصراحة احس اني موبفاهمتك
    ندى:ريما هو بيسافر وياخذني.يعني راح ابتعد عنكم واتغرب 5سنين وانا برى..تعرفيني انا وحدة تحب تعيش بين اهلها وناسها...مثل السمكة اذا طلعوها برى الماء تموت...ماتصور نفسي بعيدة عن امي وعن اختي وعن تركي وعنك..و انا ابيه واحبه..وحتى اهله ناس طيبين وخواته مثل العسل
    ريما:ندوش..والله انك غريبة..طيب وش فيها لما تسافرين برى ..انتي ماراح تجلسين برى طول العمر 5 سنين هونيها وتهون..وبعدين ترى ماراح تروحين مع احد غريب مع زوجك وحبيبك..الوحدة تسوي المستحيل علشان ترضي زوجها..واذا علينا احنا يعني فيه الطيارات ومتى ماطقت في بالك تزورينا وتجين عندنا....واحنا راح نزورك..ولاتنسين العطلات واذا خلص دراسته راح يستقر في الرياض يعني راح تكوني عندنا..ندى فكري زين ولا تخلين العواطف والمشاعر تأثر فيك..ماجد انسان الكل يمدحة ومعروف..لاتفوتينه من يدك..انا راح اتزوج ..وتركي راح يتزوج والكل راح يتزوج ويصير مشغول في حياته ومستقبله وانتي بعد..واذا على جدتي هياء..وين يعني بتضيع؟هي بوسطنا وفي بيتها معززة مكرمة..ومافيه خوف عليها ان شاء الله
    ندى كانت ساكتة وتسمع لريما
    ريما:وبعدين راح تجي زوجة تركي وتنسيها ندى ههههههههه
    ندى:ههههههههه متى تجي؟
    ريما:لاتتسرعين وفكري زين..واتمنى اسمع الموافقه ومانبي نسمع غيرها..وصلي صلاة الاستخارة..واستخيري ربك..
    ندى:انا ابي افكر مرة ثانية...وراح اصلي..والله يكتب الي فيه الخير
    ريما:آمين




    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:52 am

    [color="black"]الجزء الواحد والعشرون

    الفصل الأول

    : : :

    بعد مرور اسبوع..ندى وافقت على ماجد..واتصلت ام ماجد..وكانت فرحانه لما عرفت بموافقة ندى...وبعد 3ايام جاء ماجدمن الشرقية ومعاه عمه وزوج اختة غادة...يخطبون ندى..وكان في استقبالهم تركي وابو ريما..وخطبوا ندى رسمي..

    : : :

    نواف فتح مشروع خاص فيه..وهو مكتب للهندسة..يشتغل فيه وطبعاً وظف اصدقائه فيه..وسوى حفلة بسيطة له ولاصحابة في مقر المشروع في المكتب..

    طبعاً ريما عرفت وانبسطت بفكرة نواف وحست انه عرف كيف يفكر..ريما راحت مع السواق لمحل الحلويات..واشترت تورتة كبيرة لونها ازرق وابيض <علشانه هلالي..كتبت عليها الف مبروك افتتاح المكتب الجديد وبالتوفيق..وارسلت بوكية ورد جوري ومعاهـ بطاقةمكتوب عليها

    حبيبي نواف

    الف مبروك المشروع

    والله يعطيك من خيرة ويكفيك شرة..

    بالتوفيق لك

    الريم ...

    وراحت لمكان المكتب وارسلت السواق ينزّل الاغراض والبوكية معاهـ ..وصته يعطية نواف شخصياً(حتى السواق يعرف نواف)

    نواف لما استلم الاغراض وفتح البطاقة كان مبسوط من حركة ريما..وارسلها مسج يقول فيه..:

    اهلاً هلا يابعد كل من لي
    ياغلى من الغالين ياروح روحي
    يفز لك قلبي ورابح واهلي
    وتطيب في قربك جميع الجروحي
    فديتك يالغلا

    وعساني مانحرم منك..

    حبيبك:نواف
    : : :


    مرت السنة الدراسية بسرعة..وجاء وقت الاختبارات النهائية..مر الاختبار الاول وكان رياضيات
    طلعت ريما من قاعة الاختبارات آخر وحدة..
    رشا:هاه بشري ياحرم نواف وشلون اختبارك؟
    مشاعل:وراك ماطلعتي بدري؟
    ريما:مدري انا حليت كويس .بس متوترة الاسئلة صعبة شوي
    اسماء:دايماً الرياضيات مشكلة..بس ان شاء الله نعوض بالمواد الجاية
    رشا:اجل انا وش تقولون عني ماحليت ولاشيء..تخمين وسؤال الاختيارات جالسه اقول حقرى بقرى قلي عمي عد العشرة
    ريما:ههههههههههههههههههههه حتى بالاختبارات ماتتركين هبالك!!
    مشاعل:مثلي والله تخمين وجالسة اعد الي تصير عليها العشرة اختارها إجابة
    اسماء:فكونااااا تكفون الرياضيات وراح فكروا بمادة بكرى
    رشاء:تدرون عاد انا بطلع كتاب من تأليفي جديد اسمة الرياضيات في عيون رشاء..واصير بنت نيوتن
    اسماء:امحق بنت خطيرة.. النظارات ماجات من عبث(رشا تلبس نظارات)
    ريما:تعالوا بنات انا بعزمكم اليوم ع الفطور يالله خلونا نروح للكفتيريا حقت المدرسة
    رشا:تسلمين يالغالية ياحرم نواف
    ريما:ههههههههههههه ياقلبي نواف..ياحبني له ياناس
    مشاعل:عيب عليك ياقليلة الحياء..احنا بعدنا مانخطبنا قدري مشاعرنا
    رشاء:هههههههههههههههه
    اسماء:هاه عاد متى آخر مرة كلمك الغالي (غمزت عينها)
    ريما:ياحبكم للتطفل انتي وياها ..وش دخلكم؟
    مشاعل:ايوة كذا ياريما احقريهم الحقران يقطع المصران
    رشا:كح كح كح وش ذي الامثلة القديمة الغبار,حقران,,مصران
    البنات:هههههههههههههههههههههههههههههههههههه

    طلعت ريما من المدرسة وأول ماوصلت البيت كانت امها واقفة عند الباب
    ام ريما:هاه بشري.؟
    ريما:يعني الرياضيات ماعتقد احد بالمملكة راح يجيب الدرجة الكاملة
    ام ريما:يعني زين ولا لا؟
    ريما:انا راضية عن حلي..واعتقد انه زين
    ام ريما:الحمد لله شدي حيلك بس هالاسبوعين..يالله افطري تلاقين الفطور جاهز بالمطبخ
    ريما:لايا الغالية انا افطرت بالمدرسة مع البنات..بس ابي انوم اللحين لاني حاسة ان الارض تفتر فيني ..صحوني الساعة 3 العصر اووكي!!
    ام ريما:نووم العوافي..انا بروح اطمن ابوك لانه كل شوي يتصل علي من الشركة ويسئل عنك!!
    ريما:ياحياتي والله يابو ريما

    صعدت ريما لغرفتها وكانت باردة ..وظلام فيه نور خفيف حق الابجورات..امها مجهزة الغرفة علشان تجي وعلى طول تنام..ريما(الله لايحرمني منك يايمة) غيرت ملابسها ولبست قميص ودخلت وانتوا بكرامة الحمام ورن جوالها طلعت من الحمام وهي مستغربة مين يتصل ذا الوقت؟طلع نواف..
    نواف:الو صباح الخير!!
    ريما:صباح النور والسرور
    نواف:كيفك؟
    ريما:تمام وانت شخبارك؟
    نواف:دوم ان شاء الله..هاه بشري شلون اليوم الرياضيات عسى حليتي زين؟تراني على اعصابي من اليوم وانا اطالع الساعة علشان اكلمك
    ريما:ايه انا سويت الي علي ومدري ربي كريم..تسلم لي ..الا تعال وش عرفك ان علي رياضيات؟
    نواف:يعني حرمي المصون تختبر وانا مدري وش عليها افا بس افا!!
    ريما:هههههههههههههههه
    نواف:وش فيك تضحكين؟
    ريما:لا بس تذكرت اليوم رشاء صديقتي ..ماتقولي غير ياحرم نواف
    نواف:هههههههههههههههه ,,والله صديقتك خطيرة تدرين ليش؟
    ريما:ليش؟
    نواف:علشانها تذكرك فيني حتى بالاختبارات
    ريما بإستهتار:هاهاها <ضحكة طنازة...ومن قالك انه لازم احد يذكرني فيك..انا مانسيتك ابد
    نواف:ههههههه حلوة ذي الضحة..يعني مانسيتيني ابد ابد!!!
    ريما:ابد ابد
    نواف:ابد
    ريما:ههههههههه بتخلص المكالمة على ابد
    نواف:يالله روحي نامي..وذاكري نحو زين اوكي!!
    ريما:ان شاء الله ..بس دعواتك لي
    نواف:الله يوفقك ويسهل عليك الاختبار..
    ريما:لحظة نواف ...بالله ايش عرفك ان علي نحو
    نواف:حبيبتي انا معاي جدولك واعرف وش عليك..يالله ماطول عليك روحي نامي مع السلامة
    ريما:ههههه مع السلامة

    ..

    ريما ماتاكل ماشرب ماتنام حالتها حاله على طول تدرس وتذاكر ام ريما وابوريما متوترين واعلنوا حالة التئهب في البيت....كان بيتهم متكهرب علشان ريما والثانوية العامة ...


    : : :
    في بيت العم سعود
    محمد يذاكر ومجتهد..ومدرس داخل ومدرس طالع.

    .الساعة 3 الفجر مر نواف يبي يروح لغرفتة ولقى باب غرفة محمد مشغلة واللمبة (الليت)شغالة
    دخل نواف على محمد يبي يتطمن عليه..وحصلة نايم على المكتب والكتب متبعثرة وراسة مدفون بين الاوراق ...شكله يكسر الخاطر

    نواف راح للسرير وسحب وغطى فيه محمد...وطفى النور..حس ان محمد محتاج ينوم...

    بعد ماذن الفجر نزل نواف وصلى بالمسجد وبعدين صعد وراح يصحي محمد وجلس يدردش معاهـ..ويشجعة على المذاكرة..




    : : :
    آخر يوم في الاختبارات

    ريما جلست تبكي وهي تودع صديقاتها..والاوتجرافات من بنت لبنت والعالم حالتهم حالة يصيحون <ماكرها لحظة وداع الاحباب..

    ريما طلعت..من باب المدرسة..وكان نواف واقف عند الباب..ريما تفاجأت وكانت ميته من الخوف مو من عوايدهـ يجي وياخذها من المدرسة..رشا واسماء ومشاعل صديقات ريما..تخبلوا على نواف واعجبهم وبس يطالعون فيه..ريما عصبت من حركتهم وهاوشتهم وركبت السيارة..وهم يضحكون عليها11111

    ريما:هلا نواف خير وش فيكم؟
    نواف:ههههه لا مافينا شيء..حرام اخذ زوجتي؟
    ريما:يعني مافيكم شيء؟
    نواف:ههههه مافينا شيء
    ريما بكل هدوء اعصاب:اهـ الحمد لله
    نواف:هاه وش اخبار الامتحان اليوم؟
    ريما:الحمد لله.
    نواف:كوييس..نبي نسبة ترفع الراس علشان مايقولون زوجتك ماجابت نسبة
    ريما:ابشر ولايهمك
    نواف:ريومتي وش فيه صوتك؟ واحس انك طفشانة مع انك اليوم خلصتي الاختبارات والمفروض تكوني مبسوطة
    ريما لاشعورياً حطت يدهأ على وجهها وجلست تبكي
    نواف خاف ارتبك توتر وقف السيارة
    نواف:ريما وش فيك؟
    ريما:لا بس صديقات عمري بنفترق انا وياهم!!تخيل من يوم كنا في الروضة ومن مرحلة لمرحله مع بعض..والله اعتبرهم خواتي الي ماجبتهم امي.. واحنا مع بعض!وبالاخير نفترق..
    نواف:حبيبتي..تذكرين يوم صديقي يروح ويتركني ..كنتي تخففين علي..وتقولين ان الواحد لازم يشوف مسقبلة هذا اهم شيء..واللحين فيه وسائل اتصالات والنت وتقدرين تزورينهم ويزورنك وتشوفينهم..وبعدين انتي بتتزوجين وراح انسيك مو صديقاتك حتى هنوف ونوف وندى راح انسيك اياهم
    ريما ابستمت له..نواف راح واشترى لها عصير
    ريما:مالي نفس
    نواف:ترديني؟
    ريما:ماعاش من يردك..
    نواف:بعدي والله..
    طبعاً اعطى نواف ريما العصير وجلسوا يدردشون شوي..وبعدين وصلها بيتهم..

    : : :

    في الليل كانت ملكة نــــــــــدى ..جوا خوات ماجد غادة وعبير وشيخة وامه...وهند وهيفاء..وطبعاً ريما وامها..وحضروا حفلة الملكة ام نواف والعمة نورة وهنوف ونوف وامها..وحريم الجيران وقرايبهم..

    طبعاً البنات اشكالهم خطيرات بس اكيد ندى راح تغطي عليهم.....ندى لابسة فستان ذهبي وفيه كريسلات لونها احمر وعنابي على الصدر ومع تحت فيه شيفونات نازلة من وراء.. ومسوية تسريحة نعومة طالع شكلها تحفة الكل تخبل عليهااااااا

    ريما لابسة عنابي...كان موديله قصير من قدام وطويل مع وراء..وعلى الصدر تكسيرات ولابسة طقم الماس هدية ام نواف يوم ملكتها..وشعرها مسوية فيه تسريحة الكيرلي..شكلها ملفت للانتباهـ الكل يطالع فيها ويذكر ربة..طبعاً ام نواف بس عندها وتسولف معاهـا ومبسوطة فيها...!!

    وجلست ندى على الكوشة الي كانت في الصالة..وبعدين دخل ماجد عليها كانت ترتجف من الخوف ومتوترة..ريما جلست تهديها وبعدين طلعت ...وبقى خواته وامه والجدة هياء وام ريما وجلسوا تصوير مع ندى..

    ريما وهيفاء جلسوا برى بالحديقة ريما وهيفاء نزلت دمعاتهم يوم شافوا ندى على الكوشة(مو يقولون دموع الفرح؟)هذي دموع الفرح..والهنوف ونوف جالسات معاهم ويستهبلون ويتريقون على ندى..!!

    وبعدين جابوا استريو كبير واشرطة وجلسوا البنات مبسوطين!!

    الهنوف:بنات ابي اروح انادي امي داخل فيصل جاء..
    هيفاء:لا ياشيخة تونى
    ريما:جاء فيصل مافيه امل يروح
    نوف:هههههه ايه هذا فيصل
    الهنوف:الله يعين قلبي عليه..

    نادت الهنوف العمة نورة وسلموا على الحريم وبعدين طلعوا معهم الجدة هياء وام ريما(سلمى) يودعونهم ويوصلونهم للباب.. واول مافتحت الهنوف الباب بتطلع..وكان في وجهها تركي..الهنوف على طول تغطت وطلعت..

    تركي كان مبسوط انه شاف الهنوف وتولد في داخلة احاسيس اول مرة يحس فيها من شاف الهنوف..!!
    وظل واقف يطالع فيها..ام ريما حست ان تركي معجب في الهنوف من نظراته وابتسامتة الي اول ماشفها..

    الجدة هيا:تركي وش فيك؟
    تركي:هاه مافيني شيء
    الجدة هياء:اجل وراك جاي للبيت بدري؟
    تركي:لا بس ابي اخذ لي اغراض نسيتهم وبطلع..
    ام ريما:ياملحها الهنوف وش رايك فيها يمة؟
    الجدة هياء:بنت نورة؟
    ام ريما:ايه
    الجدة هياء:ماشاء الله عليها ملح وادب...
    ام ريما:ياحظ من تكون من نصيبة..<جلست تطالع لتركي
    تركي ابتسم لها..ام ريما حست انه عارف انها تقصده


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:52 am

    في اليوم المحدد الي تطلع فيه النسب..حقت الثانوية العامة..الصبح الساعة 6

    ريما:هاه يبه ماطلعت على النت؟
    ابو ريما:لا لسى
    ام ريما:ان شاء الله نسبتك بتكون زينه..لانك قطعتي نفسك بالمذاكرة
    ريما:يا11111رب

    ندى وتركي يتصلون يتطمنون..وريما تقولهم مابعدها نزلت..


    ريما على اعصابها نزلت تحت هي وامها جالسات بالصالة وكانوا متوترات
    ابو ريما بصوت عالي من فوق:ريما1111111111 تعالي طلعت النسب
    ريما وامها يركضون على الدرج
    اول ماوصلت ريما لعند ابوها..قام وباس راسها
    ابو ريما:مبروك 95%
    ام ريما حضنت ريما وجلست تبكي هي وريما
    ابو ريما:لاحول اللحين احنا مبسوطين وتجون وتبكون..
    ريما:مانيب مصدقة الحمد لله يارب
    اتصل نواف وندى وتركي وهيفاء الكل يبارك لريما

    الهنوف نسبتها89%...محمد97%..عبدالرحمن94%..خالد ولد هند 92%

    : : :

    ام ريما قررت من بكرى تسوي حفلـــــــة نجاح كبيرة وتدعي اهلها وناسها وصديقات ريما..!!


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:53 am

    الجزء الواحد والعشرون

    الفصل الثاني
    : : :

    حفلـــــة ريما كانت كبيرة...(نسائية)..وحضروا من خوال ريما (الجدة هياء..ندى..هند..هيفاء..)اما من عمامها(ام نواف..ام عبدالرحمن..نوف...العمة نورة..الهنوف...) وصديقات ريما(اسماء ..رشاء..مشاعل..)



    اول ماتجمعوا الناس واكتملوا جلسوا في الصالة..وبعدين طفت الانوار....والليزر على الدرج نزلت ريما على اغنية احلام(نجحنا والله وفقنا..واخر صبرنا نلنا..) وكانت لابسة عباية التخرج وقبعة التخرج..

    اول مانزلت الكل جاء وبارك لها..بالنجاح وريما كانت مبسوطة ..وبعدين قطعت ريما والهنوف وصديقاتها تورته النجاح..

    بعدين شغلوا المسجل ومع الاشرطة يعني وناسة بمعنى الكلمة<طبعاً

    الكل كان جايب لريما هدايا بمناسبة نجاحها..ريما كانت جالسة مع البنات وصديقاتها
    اسماء: ريما وينها خالتك ام نواف؟
    ريما تأشر:هذيك الي لابسة تفاحي..!!
    مشاعل:ماشاء الله ياحلوها..تصدقين ماكأن لها ولد يبي يتزوج
    هيفاء:انتي مثلي انا تفاجأت لما شفتها ..كأنها اصغر من ريما ههههههه
    رشاء:ههههههههههههههههه صادقة
    ريما:عز الله ياحبكم للشر انتي وياها..ا
    ندى:ايه ماشاء الله ام نواف تزوجت وهي صغيرة ولاتنسين اناقتها وشياكتها يعني مررة مصغرتها...!!
    رشاء:والله حركات ريما خالتك خطيرة راح تنافسك على الكشخة..وانا اقول نواف طالع حلو لمين
    ريما:وجع رشوووهـ..لاتكلمين على نواف..
    الهنوف:بدء شغل الغيره هههههههههه
    رشاء:خلاص ولاتزعلين..وش ذاك النواف ياربي لك الحمد طويل وابيض ومملوح وع هههههههه
    ريما قامت :رشاء ترى قمت عليك ياويلك مني..تسبين نواف قدامي ياوسيعة الوجهه
    ندى:هههههههههههه
    رشاء:والله ابتلشت فيك ياحرم نواف..خلاص الشرهه علي الي جالسة اتكلم عنك وعن مستر نواف
    أسماء:عاد كل شيء ولانواف ..هذا الموضوع حظر..مايتكلم فيه
    هيفاء:حتى احنا نواف ونواف كأن مافيه بالوجود غير نواف
    نوف:ههههههههه حلوة هذي
    ندى:الله يعينه عليك ياريما انتي وغيرتك
    رشاء: بيني وبينك ياندى لازم تغار على ذاك المزيون
    ريما:رشااااااااااااااااااااااااااا وجع انتي مالي الا ازوجك علشان افتك منك
    رشاء:على يدك تكفين
    ندى:ههههههههههه والله انكم مرجوجات
    مشاعل:ترى كذا كل يوم بالمدرسة اذا حبينا نعصب ريما نتغزل بنواف ..تولع هههههههه
    اسماء:ابي اروح ارتز قدام خالتك ياريما ..يمكن تخطبني لولدها الثاني..وش اسمه
    ندى:محمد صح؟
    الهنوف:ايه اسمه محمد
    اسماء:ياعيني اسماء ومحمد لايقين على بعض صح؟
    مشاعل:ههههههههههههههههه خبلا..الله يعين ريما الي بتصيرين حماتها
    الهنوف: انا اقول وش فيها البنيه حالتها حالة اذا جت خالتي ام نواف..طلعتي موب هينه مخططة على ولدها يالدبا
    هيفاء:افا111 يااسماء طلعتي مرتبة كل شيء..!!وراح تصيرين حمات بنت خالتي..خوش والله ..والله يعين ام نواف عليكم
    رشاء:ههههههههه اي صادقة شكلكم بتجننونها...!!
    اسماء:خلاص من اللحين قلت لكم محجوز ياريما ولد عمك
    رشاء:والله لو هو علبة حلاو محجووز

    نوف تضايقت من كلام اسماء وقامت عن جلستهم ..وراحت وجلست عند الحريم الكبار
    ريما حست فيها..قامت ريما عندها
    ريما:نوف ترى اسماء ماتقصد..كل يوم كذا كلامها يعني تخربط
    نوف: لا انا ماقمت علشان اسماء انا بس كذا قمت..طفشت وقلت خليني اسمع سواليف الحريم الكبار..
    ريما:يعني مو زعلانه علشان محمد؟
    نوف:وش دخلني بمحمد؟يعني ولد عمي مثل ماهو ولد عمك
    ريما:لاتكابرين..انا والهنوف كاشفاتك ونعرف انك مو بس تحبينه الا تموتين على محمد..وهو بعد يبادلك نفس الشعور
    نوف:وش عرفك؟
    ريما:اللبيب بالاشارة يفهم..يالله قومي معاي عند البنات نبي ننبسط..
    قامت نوف مع ريما ..ورجعوا عند البنات..

    ندى:الهنوف خلينا نجيب العصير للحريم الكابر...فشة ماقدمنا لهم شيء
    الهنوف:يالله ...ولاتنسين الصبايا
    راحوا البنات يجيبون العصيرات..ويدرون فيهم على الحريم

    الهنوف ومعاها العصيرات واقفة عند هند والجدة هياء..
    الجدة هياء:هذي بنتك يانورة؟
    نورة:ايه الهنوف
    الجدة هياء:ماشاء الله لااله الا الله..قمر
    الهنوف وجهها صاير احمر من الحياء..
    هند: نورة والله بنتك تجنن ماشاء الله..كبرت..اخبرها وهي صغيرونه..
    الهنوف ميته خلاص (كله منك ياندى يادبى تقولين قومي ندور بالعصير شوفي وش صار..!!)

    الساعة 11 ونص باليل..راحوا صديقات ريما ..ريما كانت جالسة عند خالتها ام نواف يتكلمون مع بعض ..وهيفاء وندى والهنوف ونوف يتريقون على ريما..رن جرس الباب.راحوا الخدمات يفتحون..وبعدين رجعوا وكـــــانوا شايلات معهم صندوق كبير لونه احمر وابيض يالله يشيلونه الخدامات ثقيل بالمرة...

    ريما قامت تفتح الصندوق..كان فيه دبدوب لونه بنـــــــــي كبيررررررررر بالحيل ماسك في يده اليمنى بوكية ورد كبيررر جوري وفي يدهـ اليسرى ماسك بوكس كبير..ريما فتحت البوكس الكبير كان فيه طقم من الماس عبارة عن عقد(قلادة)دوائر ملتفة على بعض..وبعدين كأن فيه الماسة نازلة مكتوب عليها(ريما) من الماس وحلق على شكل دوائر ملتفة على بعضها الماس.. وفيه بطاقة حلوة بالاحمر مكتوب فيها

    حبيبتي ريما..

    الف مبروك النجاح..

    مع اطيب التمنيات لك بالتوفيق..

    نواف..

    : : :

    الكل تخبل على الطقم..والبوكية كان انيق مرتب..

    هند:والله ذوق هالولد ماشاء الله عليه
    الجدة هياء:مبروك يابنيتي ياريما
    ريما:الله يبارك فيك
    ام نواف:والله ان ريما تستاهل اكثر من كذا..وماسوينا اي شيء يستاهل..
    ام ريما:لا والله يام نواف.ايش ماسويتوا..الله يعطيه العافية نواف..والله يوفقهم ان شاء الله
    العمة نورة:نواف ولد طيب وخلوق..وريما تستاهل كل خير..
    ام عبدالرحمن:الله يوفقكم ياريما..!!
    ريما استحت من كلام الحريم ..وراحت للبنات

    ندى:والله خطير ولد عمك
    الهنوف:يا111111ي ريموة تكفين اعطيني الدب..هدية نجاحي!!
    ريما:هاهاي كثري منها..مابقى الا هي اعطيك دبدوب ومن نواف بعد..سوري..اطلبي أي شيء غير الي من نواف..
    هيفاء:تصدقين عاد والله نواف عندهـ ذوق شوفي الطقم كيف صاير شكلة..ماشاء الله من حظك زوجك ذويق.
    نوف:لا لوتشوفين بعد ياهيفاء اناقتة يعني هو الوحيد من الشباب الي تحسين انه نظيف ومرتب..ديام هندامة روعه!!
    ريما:يالبى قلبه..ابي اروح اتصل عليه
    ندى:تونى..بعدنا ماراحنا يالدبا
    الهنوف:اخري الاتصالات شوي..اشتقتي؟
    نوف:جاملينا على الاقل اجلسي معنا شوي..
    ريما:يمة اكلتوني..
    هيفاء:هههههههه تستاهلين تروحين وتكلمين حبيب القلب واحنا جالسين نتفرج..
    الهنوف:هههههه أيه صادقة هيفاء
    ريما جلست:وهذي جلسه..آمروني بعد..
    نوف:خليك كذا دايم مطيعة
    ندى:ههههههه

    والساعة 1باليل..راحوا الناس..وكلمت ريما نواف تتشكرهـ على الهدايا..

    : : :

    بعد يومين..

    ريما تجهز شنطتها حقت السفر..بتروح مع اهلها تجهز لزواجها لانه قرب..ابو ريما قرر تكون السفرة طويلة لانه آخر سفرة بتكون مع ريما قبل زواجها..وسافروا لماليزيا..

    ريما قصت شعرها شلال صاير شكله روعة وكثير..وعملت حمامات زيت وماسكات لشعرها وبشرتها ..وكريمات ومرطبات..ومساجات وتدلييك..(تعرفون الماليزيات معروفات بالحركات هذي)

    ريما:وش رايكم بشعري؟
    ام ريما:يالله مرة حلوه قصة شعرك
    ريما:ايه انا اعجبتني قد مررة شفتها في التلفزيون ونويت اقصها
    ابو ريما:اللحين بنروح نتعشى بمطعم ماليزي
    ريما:يا11111ي احب اجرب اكلات الدول الثانية
    ام ريما:بس انتبهي لنفسك لا تسمنين هههه
    ريما:ههههههه لاتوصين حريص
    ابو ريما:لا يايبه انت كلي وانبسطي..بلا رجيم بلا هم
    ريما:لا يبه لازم لزوم الاناقة..
    ام ريما:صادقة لازم تنتبه لحالها..

    تعشوا وانبسطوا..ريما يومياً بالاسواق والمحلات..واشترت اشياء كثيرة ..وجلسوا حوالي اسبوع فيها..كلهم انبسطوا فيها من جزيرة لجزيرة والمناظر الطبيبعة والأماكن النظيفة..والبحيرات والمسابح...!!

    ابو ريما:طفشتوا من ماليزيا؟
    ام ريما:لا والله تهبل
    ريما:والله كثير مدحوها لي..بس ماتوقعتها كذا روعة الطبيعة..والناس يهبلون نظيفين
    ابو ريما:ترى الماليزين معروفين عند جميع الشعوب بالنظافة وحب العمل..!!ايه على فكرة انا مسوي لكم مفاجأة
    ريما:ايش هي المفاجأة تكفى يبه..؟
    ام ريما:الله يهداك يافهد .... اللحين بتنشب في حلقك لما تقولها
    ابو ريما:بس ماتصير مفاجأة اذا قلتها
    ريما:يبه تكفى ياقلبي يبهــ ايش هي؟
    ابو ريما:نفسكم تشوفون برج ايفل؟ونكرر رحلتنا الي قبل
    ريما:الله يايبه..صدق؟يعني نروح لفرنسا؟
    ام ريما:والله انا نفسي اجلس في ماليزيا..
    ريما:لا يمة تكفين نبي نروح..ابي اتسوق واشتري
    ام ريما:هههههه ايه علشان الزواج؟
    ريما استحت
    ابو ريما حس في ريما:على العموم انا معاي التذاكر وبكرى بالليل ان شاء الله نكون في وسط فرنسا..
    ريما قمزت من مكانها:ياعيني عليك يابو ريما ..راحت وباست راسه..
    ابو ريما:ههههه لو انا داري انك بتنبسطين كان رايحين فرنسا من زما1111ن
    ام ريما:هههههههههههههههه

    : : :
    راحوا لفرنسا..ريما من محل لمحل ومن مصمم لمصمم...اشترت اشياء كثيييييييييييررررررر وكل شيء احلى من الثاني..من فساتين بنطالونات وتنانير وبلايز وتيشرتات وصنادل(وانتوا بكرامة)وشنط وعطورات..

    وراحت لمحلات التجميل وعملت ماسك لبشرتها ..وبديكير ومنيكير..

    وفي احد محلات المصممين العالميين..ريما اعجبها فستان للزواج ستايله هندي وفيه اشياء تلمع وطرحته كانت طويله وفيها دانتيل وتل الي فيه لمعة الفستان والطرحة غاية في الفخامة...ريما جربت الفستان وطلع عليها روعة راكز على جسمها وكأنه مفصل لها..

    انبسطوا كثير في الرحلة..وبعد مرور اسبوعين..رجعوا للرياض ...!!

    : : :

    طبعاً زواج ريما ونواف كان موعدهـ قريب بعد اسبوع بالتمام والكمــــــا11111ل.الكل كان مشغول وريما اكثر وحدة مرتبكة وخايفة ..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:55 am

    الجزء الثاني والعشرون

    الفصل الأول

    : : :
    بكـــــــرى زواج ريمـــــــا.....

    ندى نامت هي وهيفاء عند ريما..ريما كانت متوترة وخايفة..!!وام ريما كل ماشافت ريما تبكي ..



    ندى:الله ياريما بكرة بتصيرين عروس
    هيفاء:والله وكبرنا ياريموة
    ريما:بنات مو مصدقة بكرى راح اكون انا ونواف في بيت واحد!!مانيب مصدقه اني راح اترك امي وابوي..خايفة موت
    ندى:كلنا على هالطريق بنتزوج وبنترك اهلنا..بس لاتكبرين الموضوع انتي ..
    هيفاء:انا صديقتي تزوجت وكانت بس تبكي وخايفة ..وبعد شهر من زواجها كلمتها تقول والله اني اضحك على نفسيعلى كثر البكاء الي بكيته يعني هونيها وتهون..
    ندى:وانتي موب رايحة لناس غريبين والي بتاخينه نواف ولد عمك
    ريما:بس ولو ..طيب اذا صرتوا عرايس راح تحسون بالي انا فيه
    الهنوف ونوف يتصلون على ريما ويهدونها...

    الهنوف:حبيبتي ريومة..بكرى عرسك الله يالدنيا..عساك مسترخية؟
    ريما:وين الناس والرخاء..احس ان اعصابي مشدودة..
    الهنوف:لا انتبهي..خليك ريلاكس..بكرى بتتزوجين يعني وش فيها
    ريما:ههههههههه الا فيها يالخبلا بكرى زواجي

    ندى:لولولولييييييش شفنا ريما تضحك
    هيفاء:الف شكر يالهنوف على انك ضحكتيها
    ريما:ايه صادقات البنات..ترى اول مرة اضحك اليوم ..
    الهنوف:زين والله..الا تعالي مو عاد تنسينا11 اذا تزوجتي ورجعتي من شهر العسل مو يكبر راسك علينا فاهمة ولالا؟
    ريما:ههههههه طيب من عيوني
    الهنوف:اسمعي اللحين روحي للحمام (وانتوا بكرامة)وعبي البانيو مويا وحطي زيوت معطرة واسترخي فيها...لايكدر خاطرك شيء..كلنا معاك...ونامي بدري..علشان بشرتك ماتتعب..
    ريما:اوكي يالغالية..
    الهنوف:مع السلامة
    ريما:مع السلامة

    : : :
    هيفاء: ريما وش شعورك في اللحظة هذي؟ وباقي اقل من 24 ساعة وتدخلين القفص الذهبي؟
    ريما:كل شي اشعر فيه..يعني خوف وحزن وارتباك وفرح وتوتر و و و و
    ندى:ياسلام بكرى بتسافرين شهر العسل..وين؟
    ريما:يقول ابوي ان عمي قاله لايطاليا
    هيفاء:حركا11111ت..تكفين اخذيني معاك
    ندى:وانا بعد..نصير انا وهيفاء..باحد شناطك واشحنينا ومافيه احد راح يحس فينا؟هاه وش قلتي
    ريما:هههه والله انكم خبول..خلاص ابشروا..والفندق بعد تبون انام معكم ولا مع نواف؟انتم آمروني
    هيفاء:لامانصبر عنك..اكيد تنامين عندنا
    ندى:لافشلة توها عروس ونخفطها من زوجها..لانخليها تسهر معانا وبعدين تروح لزوجها
    ريما:ههههههههه ياحليلكم..


    ام ريما جابت العشاء للبنات فوق بالصالة
    ريما:مالي نفس
    ام ريما:وش مالك نفس..ماكلتي شي من امس قومي كولي اي شيء
    ندى:يالله ريما مايصلح الي تسوينه في نفسك..
    هيفاء:والله راح تتعبين..قومي
    ام ريما:ان ماجيتي واكلتي راح اقوم واكلك غصبن عليك
    ريما:طيب..
    جلست ريما على السفرة بس ماكلت شيء..قامت هيفاء وندى بالغصب اكلوها

    ندى:ريما اقري قرآن احس انك اليوم مانتــــــيـب على بعضك..
    هيفاء:ايه علشان يريحك قومي اقري
    اخذت ريما قرآن وقرته..
    ريما ماغمضت عيونها ابد مانامت ..كانت دايمة التفكير قلقانه بشكل فظيع ..!!

    يوم زفاف ريمـــــــا..

    كان الزواج في قاعة ال فور سيزون في برج المملكة..
    ريما عند الكوافيرة جايتها للقاعة..سوت لها ميكياج روعة!!وتسريحة شعر رفعت شعرها ونزلت خصلات شعر على الجنب ومع وراء كان مبروم وحاطة على شعرها وردهـ لونها ابيض..شكلها مرررررررررررة يجنن

    جت الهنوف ونوف عند ريما..
    الهنوف:ماشاء الله قمر ريمووش
    ريما اول ماشافت الهنوف كان ودها تبكي..
    الهنوف حست فيها حضنتها بقوة..
    ندى:لاحول ولاقوة الابالله ..قلبتوها فيلم هندي؟
    نوف:ياعيني ياريما..تصدقين نواف راح يتخبل عليييييييك..
    هيفاء:من قدهـ نواف الليله ريما عندهـ

    دخلت ام ريما على البنات..
    ام ريما:يارض احفظي ماعليك ..
    ريما مرتبكة انامل يدها ترتجف وباردة
    ريما:يمة حلوهـ التسريحة؟
    ام ريما:ايه تهبل..صديقاتك جو..يبون يسلمون عليك

    دخلوا رشاء واسماء ومشاعل..وريما اول ماشافتهم جلست تبكي..
    ندى:ريمااا وبعدين اللحين يخترب الميك آب..
    ريما ترتجف

    جت ام ريما..يالله ريمي تجهزي اللحين الزفة..
    جت ندى عند ريما
    ريما:ندى وربي خايفة ماقدر اطلع ..خلاص غيرت رايي مابي اطلع
    ندى:على مزاجك..ريما يالله حبيبتي توكلي على الله واطلعي..
    رشا:يالله الناس كلها تتنظرك..ريوم
    الهنوف:قولي بسم الله..و اطلعي عليهم
    مشاعل:لاتخافين كلنا معاك


    : : :
    أول ماطلعت ريما للناس..
    القاعة ظلام..ومافيه غير كوبس على ريما والقاعة كلها شمووع!!يعني جو رهيب

    ..كان قبلها تمشي مها الصغيرونة لابسة فستان فوشي ومع وراء فيه جناحات الفراشة< على شكل فراشة ومعاها شمعة كبيرة لونها ابيض ونازل منها شرايط باللون الابيض والفوشي ومعها عبودي اخو الهنوف ماسكه يدهـ لابس ثوب وبشت اسود وشماغ وعقال وماسك شمعة بيضاء مثل حقت مها ونازل من عندها شرايط فوشي وابيض

    القاعة كانت مليانه شموع لونها ابيــــض وفوشي
    ريما اول ماطلعت كانت تمشي على موسيقى(التايتــــنك) وراها بالونات من الصابون شكله حلو... وندى وهيفاء والهنوف ونوف وراها يمشون ومعاهم سلات ورد..يرمون الورد على ريما..وهي تمر من بين الحريم كلهم يذكرون الله كانت تهبل تجنن رووووعة قمر كل شيء اقدر اقوله يعني فعلاً عروس

    وصلت ريما للكوشة ..

    الكوشة كلها اقمشة حرير ابيض وفوشي..ونازل من فوق فلينات على شكل فراشات الكوشة مليانه ورد لونه فوشي وابيض..الحريم تخبلوا على ريما مع زينها ونعومتها وفستانها..كانت فراشة القاعة

    بعدين كانت تشتغل اغنية محمد عبدهـ ياماشاء الله عليه...
    ياماشاء الله عليه كل جمال الكون فيه..كل من شافك يقولك ياماشاء الله عليه..
    لو فيه مثلك كثير الدنياء صارت بخير..صدقني وبكل صراحة.في كل شيء انت غير!!

    ياماشاء الله عليه كل جمــــــــال الكون فيه..
    رقة وجمال وحلا..ابهرت كل المـــــلا..تسكن القلب بسهولة تسرق بلحظة الغرام..

    ياما شاء الله عليك
    ياكثر من يعشقونك ودهم بس يوصلونك..على نفسك اذكر الله..علشان مايحسدونك..







    حطوا بروجكتر فيه صور ريما يوم كانت صغيرة وبعدين لما دخلت المدرسة وتعددت الصور لما وصلت يوم تخرجها من ثالث ثانوي وكانت لابسة عباية التخرج..وبالاخير صورتها مع نواف يوم كانوا صغار ..وصورتها مع نواف يوم الملكة..وبعدين حطوا عليها الكميراء وطلعت صورتها في البروجكتر داخل قلب والقلب الثاني حطوا كميراء عند البوابه ودخل نواف على الحريم ...


    دخل نواف مع ابوهـ وابو ريما وخالها تركي..

    نواف لابس البشت الاسود مع الغترة..البنات انجنوا عليييييييه...جاء للكوشة وشاف ريما..قلبه بدء يدق مو مصدق هذي ريما مع حلاوتها احلوت زيادة..باس راسها..وجلس جنبها طبعاً امها وابوها وعمها وام نواف وعمتها نورة الكل جاء يسلم على نواف وريما

    رشا:ياربي وش هالانسان يجنن ياناس
    اسماء: أي والله يالله طويل يهبل
    مشاعل كانت تبكي:ياحياتي ياريما مو مصدقة انها بتتزوج
    رشا:أي والله..مانقدر نقول غير الله يوفقها ويسعدها...
    اسماء:آمين..

    الهنوف ونوف جلسوا يبكون لما دخل نواف على ريما..
    هيفاء:وش فيكم بنات..!!
    الهنوف:خلاص ريما راح تروح وتتركنا
    نوف:يالله مانيب مستوعبه ان ريما ماراح تكون معانا..
    هيفاء:ادعو لها بالتوفيق..
    ندى:بنات لاتبكون طالعوا ريما..شكلها يجنن
    هيفاء:أي ماشاء الله عليها قمر
    نوف:ياحياتي والله ياريوم
    هيفاء:ياناس نواف ماتوقعته كذا حلو..قد مرة شفت صور له عند ريما..بس بالطبيعة شيء ثاني
    الهنوف:سبحان الله لايقين على بعض..اشكالهم تهبل
    نوف:ماشاء الله
    ندى:وش رايك الهنوف في تركي؟
    الهنوف:مملوح بشكل..!!


    الجدة هياء طول الوقت تبكي..!!


    ام ريما ماسكة اعصابها..ماكان ودها تبكي قدام ريما علشان ماترتبك بنتها لما تشوف دموع امها..هي تعرف ان اصعب شي على ريما دموع امها..

    نوف نزلت دموعها..طلعت برى القاعة وقفت عند الباب وجلست تبكي..تتذكر يوم ريما تصارحهم بأنها تحب نواف واللحين جالسة جنبه..!!..الله يوم كنا صغار ريما كانت دايماً تلعب كنها عروس واللحين هي عروس بحق وحقيقة!!الله يادنياء..نوف نزلت دموعها.. محمد كان واقف عند الباب يبغى امه..وشاف نوف

    محمد انصدم يوم شاف نوف تبكي..عورهـ قلبه..كل ذا الزين وتبكي...ودموع نوف غاليه

    محمد بصوت عالي:نوف وش فيك؟
    نوف يوم شافته وقفت ولاتدري وش تسوي ..على طول راحت وتركته..كان مامعاها شيء تتغطى عنه
    محمد ارتبك..

    بعدين نادى وحدة في الاستقبال..فلبينيه..وطلب منها تنادي نوف الي من شوي واقفه
    راحت ونادتها..وعرفت نوف ان محمد يبيها

    جت نوف عند محمد وكان معاها طرحة وتغطت
    نوف:خير محمد؟
    محمد:وش فيك تبكين من شوي؟
    نوف غصبن عليها بكت يوم قالها
    محمد:وش فيك تكفين..خوفتيني!!
    نوف:لامافيه شي
    محمد:ترى انا ماحب اشوف دموعك انتي بالذات يانوف..وش فيك
    نوف:ريما..ريما يامحمد تزوجت..!!وتركتنا انا والهنوف مانصلح بدونها..
    محمد:الحمد لله احسب فيكم شيء..نوف كذا حال الدنياء..وبعدين ريما ماراح تروح بعيد يعني عند ولد عمها..وكل ماتجمعتوا راح تكون معاكم..وقريب ان شاء الله راح تكوني قريبة منها أكثر من أول..!!
    نوف بكل تعجب:نعـــــم؟
    محمد:يالله انا بطلع قولي لأمي اذا تبي ترجع تتصل علي..!!
    نوف:ان شاء الله..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:56 am

    بعدين قاموا نواف وريما وطلعوا عن القاعة الي فيها الحريم..والبنات ندى وهيفاء وهنوف ونوف طلعوا معهم..وام نواف وام ريما والعمة نورة وام عبدالرحمن الكل طلع وياهم..بعدين جابوا تورته 7 طوابق فيها صورة نواف وريما في ملكتهم..وقطعوها مع بعض..والمصورة بس تصور ريما ونواف..البنات دخلوا للحريم بعد ماودعوا ريما1111...
    المصورة طلبت من نواف يوقف وراء ريما ويمسك خصرها ..
    ريما استحت وارتبكت..نواف ماكذب خبر مسكها..ريما عيونها في الارض وكانت تتمنى ان الارض تنشق وتبلعها..ماتقدر تقول مابي اصور ولاتدري وش تسوي..استسلمت للأمر الواقع..وصورت..وطبعاً المصورة صورتهم كثيررررررررر صور..وبعدها طلعوا ريما ونواف للسيارة

    كان فيصل الي يسوق السيارة وركبت معاهم ام ريما بنفس السيارة..وفي السيارة الثانية مع السواق كانت العمة نورة وام نواف..


    نواف وريما راحوا للبيت (بيت ابو نواف)كان مسوي قسم كبير لنواف وريما غرفة نوم وصالة كبيرة ومطبخ ومجلس <كل هذا في قسم ريما ونواف.. هم بيسكنون مؤقتاً لما يجهز البيت حقهم لان نواف بما انه مهندس صمم لهم بيت قريب من بيت ابوه وكان على وشك انه يخلصـ...

    وصلوا المعاريس للبيت......دخلت ريما وجلست ويا نواف طبعاً ام ريما ماسكة نفسها شوي وتبكي..كانت مبسوطة انها شافت ريما عروس وكبرت والحين جالسة جنب زوجها..باركوا لهم وطلعوا ..ريما كانت متوترة وخايفة..كانت مستحية من نواف بشكل وماكأنه نواف ولد عمها الي دايماً تكلمة..كأنه واحد غريب اول مرة تشوفة..

    غرفة النوم كانت روعة..عبارة عن لونين ليموني على اصفر مع البني الفاتح ..الغرفة كانت من الخشب وارقى انواع الخشب السنديان..كانت كبيرة وروعة شكلها..!!

    كانت الغرفة مليانه ورد وكان نوعه (جوري) نواف اختارة علشان ريما تحب هذا النوع..وريحة البخــــور ماليه الغرفة !!

    ريما بكامل اناقتها وفستانها الابيض جالسة على الكراسي..ونواف جنبها..
    نواف:الف مبروك ياعروس
    ريما بصوت متقطع من الخجل: الله يبـ ــ ارك فيـ ـــ ك
    نواف:مانيب مصدق الريم قدامي..الله يقدرني واسعدك ..
    ريما عيونه في الارض...كانت خجلانه وترتجف من الحياء..نواف بيدهـ رفع راس ريما
    نواف:بتحرمني شوفت عيونك هالليله بالذات؟
    ريما ارتبتكت وحست بخوف وحياء..
    نواف:يالله ياريما الليله احلى ليله الي جمعتني في قمراي..انتي قمراي..
    ريما وجهها اصتبغ باللون الاحمر من الحياء...
    ريما:نواف وين الحمام؟ ابغى ابدل ملابسي
    نواف:تلاقينه على اليمين..

    ريما بدلت ملابسها..كان شكل الغرفة كيووووت شموع ورد يعني غرفة معاريس<هع
    نواف:حبيبتي ترى بكرى ان شاء الله بنسافر ايطاليا..
    ريما :ان شاء الله..أي وقت؟
    نواف:خليك جاهزة علىً الساعه 11 الصبح..
    ريما:ان شاء الله..
    نواف:انا بروح ابدل ملابسي..!!

    ريما جلست تطالع في الغرفة كان شكلها روعة..الالوان متناسقة..وغرفة النوم فخمة..والورد والانارة..كلها روعة!!
    طلع نواف من الحمام وجلس يطالع في ريما..طاحت عيونه في عيونها..ابتسم لها هي انحرجت ودنقت راسها في الارض..

    : : :

    ام ريما طول الوقت وهي تبكي..والناس يهدونها..
    العمة نورة:احمدي ربك الي شفتي بنتك عروس.. وش يبكيك..المفروض تفرحين؟
    ام ريما:الحمد لله والشكر انا فرحانه..بس صعب علي فراق بنتي الوحيدة..
    الجدة هياء:يابنت الحلال ادعي لها ان ربي يسعدها..ومافيه داعي هالدموع احنا بفرح يابنتي
    ام ريما:مين راح يملي علينا البيت انا وابوها؟ والله يوم راحت للشرقيه تضايقنا ....واللحين بتروح وتتركنا..
    العمة نورة:اشتغفري ربك ياسلمى وش هالكلام ريما راحت لبيت زوجها..وكل بنت في الاخير راح تروح لزوجها وتشوف مستقبلها..وش هالكلام ؟

    ندى اول ماشافت اختها سلمى تبكي..راح وحضنتها وجلست تبكي
    ندى:راحت الريم لزوجها ياسلمى
    ام ريما حضنت ندى وجلست تبكي بحرارة..
    هند:لاحول ولاقوة الا يالله قوموا مسحوا دموعكم..البنت اللحين مبسوطة مع زوجها وانتم جالسين تبكون عايها...لاتفاولون على البنيه..وبعدين يام ريما ..ريما عندك في الرياض ومتى مااشتقتي لها راح تجيك وتزورك لاتكبرين الموضوع وهو صغير
    الهنوف وهيفاء..ماسكات اعصابهم يشوفون منظر ام ريما كان يقطع القلب..فرحانه علشان بنتها..وحزينه لفراقها..

    : : :

    ابو ريما كان مبسوط وبنفس الوقت حزين..والي لاحظ عليه اخوهـ طلال بعد ماراحوا الرجال وبقى هو وطلال..

    طلال:وش فيك يابو ريما متضايق؟ باين عليك وانا اخوك؟
    ابو ريما:ماقدر ادخل البيت وريما موب موجودة..ماتخيل البيت بدونها ومن دون صوتها هي الي ماليه علي حياتي هي الي...آهـ يابو عبدالرحمن مدري وش اقولك..اللحين انا وسلمى بنتقابل لاانيس ولا ونيس..!!اللحين برجع البيت وماراح القاها في غرفتها..الله يصبرني..
    طلال:بنتك تزوجت وكبرت وهذا شيء لازم تنبسط علشانه..يوم السعد لما الواحد يشوف عياله كبروا وتزوجوا واستقلوا..ومتى ماتبيها تجيك راح تجيك يافهد اللحين ادعي لها بالتوفيق
    ابو ريما:الله يوفقهم ..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:57 am

    الجزء الثاني والعشرون


    الفصل الثاني
    : : :

    ريما ماغمضت لها عين..كانت متوترة ...لما جاء الفجر صلت هي ونواف الفجر..حست براحة كبيرررة بعد ما صلت...والساعة 8 الصبح جاء اهلها وعمامها

    مثل مايقولون الصباحيــــــة....

    جاء عندها امها وابوها وعمها سعود وام نواف وعمتها نورة ومحمد والعم طلال...

    ريما لابسة جلابية ليلكي كانها مفتوحة من قدام وفيها شيفونات فيها الفخامة..!!وفاله شعرها الطويل كانت خجلانه وعيونها في ارض ..الكل يبارك لهم..نواف كان مبسوط ع الآخر..ولما جت الساعة 10 ونص ..مابقى شيء على الطيارة..

    ام ريما:نواف ماوصيك على ريما..!!تكفى انتبه لها
    نواف:لاتوصين حريص ياخالتي...!!ريما في عيوني
    ام ريما:تسلم...تروحون وترجعون لنا بالسلامة
    راحت وحضنت ريما ..طبعاً نزلت دموعها..
    ام ريما:ريما حبيبتي اول ماتوصلون اتصلي علي ترى انتظرك على نار..!!وانتبهي لنفسك ولزوجك..وتكفين يمة كل يوم اتصلي علي طمنيني عليك..!!
    العمة نورة:خلاص ياسلمى ماصارت ..اتركي البنيه بنسلم عليها..مسك ريما
    العمة نورة:تروحون وترجعون بالسلامة ياريما..
    ريما:الله يسلمك ياعمتي..
    ام ريما:يالله مع السلامة..الله معاكم
    ريما تقطع قلبها لما طلعت امها حست انها فقدتها..نواف لاحظ هالشيء على ريما في عيونها حزن لما ودعت امها..نواف راح لريما ومسك كتفها ودنق عليها بدون مايحس عليه الجميع(ريما انا معاك وماراح اسمح للحزن يقرب صوبك..)..ريما ابتسمت له..!!!
    ام نواف:نواف انتبه لريما..
    نواف:المفروض انتي توصينها علي..
    ام نواف:انت انتبه لها..وانتي ياريما ماوصيك في نواف..
    ريما:ان شاء الله ياخالتي
    ام نواف باستهم:تروحون وترجعون بالسلامة..اذا وصلتوا اعطونا خبر..!!
    نواف:ابشري يمة..
    ابو ريما باس ريما من راسها..واعطها (بوكس صغير)
    ابو ريما:حافظي عليه يابنتي..وتروحين وترجعين بالسلامة..وخلي بالك على نفسك وعلى زوجك..واتصلي علي لاتنقطعين وانا ابوك ترى راح اكون في انتظارك
    ريما:ابشر يبه..
    ابو ريما:دير بالكي انواف على بنتي
    نواف:ولو ياعمي بنت عمي في عيوني
    ابو ريما:تسلم..
    ابو نواف: تروحون وترجعون لنا بالسامة يالغاليين..وانبسطوا برحلتكم..واتصلوا علينا لاتنسون
    نواف:ان شاء الله يبه..

    محمد اخو نواف سلم على ريما وبارك لها لانه اول مرة يشوفها من زواجها..وراح لنواف
    محمد:يامعرس تروح وترجع بالسلامة ..وراح نفقدك انا وفيصل ..بس يالله الواحد مو كل يوم راح يروح شهر عسل
    نواف:ههههههههه ماتفقدون غالي...انا ابي اروح افتك من مقابل وجيهكم..ابي اروح مع الريم
    محمد:طيب خل الريم تنفعك
    نواف:بتنفعني..اذا مانفعتني زوجتي مين بينفعني..؟
    محمد: هين يابو سعود...اللحين انا محترم نفسي علشان معرس ولا كان تشوف شيء ثاني..
    وبعدين يالله تجهزوا انا بوديكم للمطار..
    نواف:زين دقايق وننزل
    محمد:استناكم تحت..
    نزل الكل..ومابقى غير ريما ونواف..

    نواف:يالله ريما تجهزتي
    ريما:ايه هذولي الشنط
    نواف:اللحين انادي الخدامات يشيلونهم..وتبين اشيلك مع الشنط؟
    ريما:هههههههه
    نواف:لاتضحكين..ترى اتكلم من جد..!!
    ريما:هههههه لا شكراً اقدر امشي
    نواف:براحتك يالله حبيبيتي محمد تحت ينتظرنا..

    ريما لبست عبايتها ولفت طرحتها ونزلت..


    وصلهم محمد للمطار وركبوا الطيارة...ريما كنت بالمقعد الي جنب النافذة ونواف بالمقعد الي جنبها على الطرف..

    ريما كانت تركة لحظة اقلاع الطيار ...وغمضت عيونها وتمسكت بالمقعد باقوى حيلها..نواف لاحظ الشيء بريما..حط يدهـ على يد ريما ومسكها..

    ريما كانت خجلانه..من حركة نواف
    نواف:تخافين من الاقلاع؟
    ريما:مو خوف بمعنى الكلمة بس اكرهـا
    نواف:اول مرة احس اني مسافر وانا مبسوط
    ريما:ليش؟
    نواف:علشانك معاي..
    ريما:نواف انت قد جيت لايطاليا قبل هالمرة؟
    نواف:ايه مرتين..

    ريما:اقلعنا؟
    نواف:من زمان اللحين الطيارة مستوية بالجو
    ريما:من متى؟
    نواف:ههههههه من يوم كنت اسولف معاك..
    ريما:ماحسيت فيها ..وشلون؟
    نواف:شفتي كيف زوجك خطير..خلاك ماتحسين بالاقلاع
    ريما:ههههههه من ناحية خطير فهو خطير
    نواف:ههههههههه

    ريما كانت تطالع بالنافذة تفكر بأمس يوم كانت خايفة ومرتبكة..تفكر بامها وندى وابوها..
    نواف كان سراحان بريما تعجبه عيونها111..كان يطالع فيها..لما طاحت عينه في عينها..ريما على دنقت راسها..ونواف ابتسم..


    ريما من التعب والارهاق وقلة النوم من بعد زواجها ماحست بنفسها ونامت اخذت لها غفوة وراسها على كتف نواف..

    نواف جالس يطالع فيها حس براءتها ..طلب من الملاحين وسادة ولما جابوا له الوسادة اسند راسها على الوسادة..

    بعد مرور ساعة ونص..صحت ريما
    نواف:صح النوم
    ريما ابتسمت له:صح بدنك..
    نواف:هاه يالغاليه عساك نمتي زين؟
    ريما:الحمد لله..


    ريما تذكرت البوكس الصغير الي اعطاها ابوها..راحت وفتحت شنطتها ..وطلعته..
    نواف:وش ذا؟
    ريما:من ابوي..من شوي اعطاني اياه وقالي حافظي عليه
    نواف:افتحيه
    ريما فتحته..وكان مصحف (قرآن) من المخمل ومذهب..
    ريما نزلت دموع من عيونها
    نواف مسح دموعها بيدهـ
    نواف:ليش الدموع ريوم؟
    ريما:لابس غصبن علي ..تذكرت اهلي..
    نواف:حبيبتي انتي اللحين معاي..يعني اهلك ماراح نطول وراح نجيهم ان شاء الله..بس تكفين لاعاد اشوف دموعك.تراك غاليه ومايهون علي اشوفك حزينه..
    (ريما ماحبت تحسس نواف انه هو السبب الي علشانه فارقت اهلها)..
    ريما:لا انا موب حزينه..بالعكس انا مبسوطة اني معاك حبيبي
    نواف:صدق..!! وبعدين كلمة حبيبي هذي طالعة من فمك شيء ثاني


    : : :

    وصلوا لإيطاليا وبالتحديد روما..

    نزل نواف وهو ماسك يد ريما اخذ الشنط من المطار..وبعدين راحوا بسيارة لكزس حقت الفندق الي حاجزين فيه..كان الفندق من افخم وارقى الفنادق الموجودة في العاصمة الإيطالية..

    وصلوا للفندق ودخلوا الجناح الي لهم..كان عبارة عن غرفتين وصالة كبيرة ومطبخ..الاثاث كان رايق ومريح..والالوان كانت هادية والديزاين غريب وفخم..

    ريما اول ماوصلوا..اخذت شاور سريع وبدلت ملابسها ..وطلعت ترتب الشنط..نواف كذلك اخذ شاور وبدل ملابسه..
    نواف:حبيبتي اتركي الشنط..بعدين نرتبهم..اللحين نامي..احس انك مانمتي امس كويس..
    ريما:اللحين اخلص من ترتيبهم وانوم..
    نواف:موب تعب عليك؟
    ريما:لا ..ماحب اشوف الاشياء من غير ماتكون مرتبه
    نواف:ياعيني عليك ..
    ريما رتبت الاغراض ودخلت الملابس في الدولاب(الكبت) ملابسها وملابس نواف..وبعدين ماحست بنفسها الا وهي على السرير وغاطة في سابع نومه..

    الساعة 9 بالليل..
    ريما صحت من النوم..ونواف لسى نايم..راحت وغيرت ملابس النوم..ولبست

    فستان قصير دانيتل اسود وابيض..وبالوسط شريطة من الستان فيها لولو نازل من تحت..ورابطة شعرها من فوق..وكحلت عيونها وحطت ملمع الشفايف (جلوس)..وتعطرت جلست برى الغرفة ماحبت تزعج نواف لان شكله ينرحم..واضح عليه التعب...وكان نايمممممم

    طلعت واتصلت على امها وابوها..وعلى عمها ابو نواف وخالتها..<ام زوجها
    وطمنتهم عليهم..

    ريما كانت جالسه بالصالة..كانت كبيرة وكلها قزاز يطل على شارع كبير وحدايق ريما وقفت وجلست تطالع الناس..وفجأة احد جاء وغمض عيونها..

    ريما طمرت(قمزت)
    ريما:يمة
    مسكت يدينه..
    ريما:حبيبي نواف خوفتني!!
    نواف:ياقلبي ترى اذوب على كلمة حبيبي هذي
    ريما استحت..
    نواف:يالله ريومي انتي جاهزة بننزل نتمشى وتنعشى اووكي!!
    ريما:اوكي!!
    ريما لبست جاكيت طويل جلد اسود وفيه لمعة وعلى الاكمام في نقشات بالصيني لونه ابيض ..وبوت جلد ..وشنطة سوداء كبيرة جلد وفيها بروش يلمع

    نواف طلع وكان لابس بنطلون برمودا لونه بني وفنيلة لونها زيتي وحزام وشعرهـ حاط فيه جل ونافشه ..<شكلة رووووووعة

    نزلوا ريما ونواف وصلهم الشوفير عند مطعم راقي..دخلوا كان الجو رومانسي..طبعاً المطعم ايطايل والموسيقى الكلاسيكية الايطاليه تعشوا وانبسطوا..!!

    بعدين طلعوا وراحوا يتمشون في حديقة كلها نوافير ريما اعجبها المنظر ..
    نواف:تبغين ارميك في النافورة..
    ريما:هههههه لاتسويها انت
    نواف:شفتي كيف اسوي ابو جدها
    ريما:هههههههه
    نواف:ههههههه

    وبعدين لما صارت الساعة 1 باليلل رجعوا للفندق..كانوا تعبانين بعد المشوار ومرهقين بعد السفرة الطويله..وعلى طول ناموا اول ماوصلوا من التعب..

    الساعة 11 الصبح نواف يصحي ريما
    ريما:هلا
    نواف:صباح الخير يالغلا
    ريما:صباح النور..كم الساعة
    نواف:11
    ريما:يوووه ماحسيت بالوقت
    نواف:يالله جهزت الفطور..
    ريما:ليش انت تسويه؟كان صحيتني انا اصلحه
    نواف:لا ماحبيت اتعبك..
    ريما:تسلم لي يالغالي
    نواف:عاد بجد غالي
    ريما:يعني وش رايك؟
    نواف:غالي وستين غالي
    ريما:ههههه شفت شلون انت غالي
    نواف:يالله قومي الفطور
    ريما:طيب

    ريما بدلت ملابسها..ولبست جلابيه لونها برتقالي وفيها نقشات..ورابطة شعرها

    نواف:ياعيني على البرتقالة
    ريما:عاد برتقالة ..ماحبها..
    نواف: تحبينها ولا ماتحبينها..انتي برتقالتي
    ريما ابتسمت له..

    افطروا وهم يدردشون على الآخر..
    نواف:يالله نبي نروح للبارك روعة..اتوقع يعجبك
    ريما:دامه عاجبك اكيد بيعجبني
    نواف:ويلوموني فيك..
    ريما:يالله مستر نواف نروح نغير ملابسنا علشان نطلع..نفسي اشوف البارك الي عاجبك
    نواف:يالله

    ريما لبست بنطولون جينز وبلوزة وردي شيفون طويلة الى الركبة وفيها قصات واكمامها فرنسي ولفت حجاب وردي شفون وفيه ورد صغير بالفوشي..وحطت كحل وروج وردي ..

    نواف:يارض احفظي ماعليك
    ريما:من ذوقك..
    نواف: يالله

    طلعوا لبارك كبير ومليان ناس وفيه خليجين كثار ,,تمشوا ريما ونواف ..نواف سحب يد ريما ..ومسكها ..ريما اصبغ وجهها احمر كانت خجلانه..من حركته

    وشاف واحد يبيع ورد جوري..

    نواف راح واشترى باقة ورد جوري كبرةة لونها احمر..

    نواف:حبيبتي الجوري للجوري
    ريما:ياي تجنن..مانسيتها الجوري للجوري..
    نواف:وكيف انساها؟
    ريما:ياحياتي والله

    طبعاً تمشوا وانبسطوا وجلسوا بجلسات على البحر هادية..تغدوا فيها..ورجعوا للفندق يريحون..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:58 am

    الجزء الثالث والعشرون
    الفصل الأول
    : : :
    انبسطوا كثير في روما..وجلسوا فيها حوالي اسبوع كامل..!!
    نواف:بكرى ان شاء الله جهزي الاغراض نبي نروح لفينسيا
    ريما:يا111111ي فنيسيا ..بلدة العشاق
    نواف:الي مثلك ومثلي!!
    ريما:ههههههه
    : : :
    في السعوديــــــة..وفي بيت العمة نورة..كان الكل متجمع..
    الهنوف:ياربي تصدقون فقدنا ريما
    ام ريما:ماتفقدين غالي..والله حتى انا الاسبوع مدري كيف طاف..يعني احس انه يالله يمضي
    ام نواف:يعني وين بتروح هذي هي عندك في الرياض ومتى ماتبينها بس اتصلي عليها وبتجيك
    العمة نورة:والله انها صادقة..
    نوف قامت من المجلس كان عبودي الصغير اخو الهنوف يناديها..
    نوف طلعت
    عبودي:نوف محمد يبيك
    نوف:وش تقول؟ من قالك؟
    عبودي:هو محمد بنفثه(بنفسه)
    نوف:وش يبي؟
    عبودي:مادلي(مادري)بس يبيك تدلعين بلى (تطلعين برى)
    نوف:مانيب طالعة ..قله وش يبي
    عبودي:تيب(طيب)
    طلع عبودي لمحمد الي كان واقف برى الباب بالحوش يستنى نوف..
    نوف دخلت المجلس ونادت الهنوف..
    الهنوف:خير؟
    نوف جلست تقولها السالفة
    الهنوف:انهبل هذا..والله انه فاصخ الحياء
    نوف:ههههههههههه حلوة هذي فاصخ..كلام عجايز
    الهنوف:لاتدققين..تعالي انتي..بتروحين له؟
    نوف:طبعاً لا
    الهنوف: ايه احسن لاتطلعين له خليه ينقهر
    نوف:هههههههه طيب
    جاء عبودي
    نوف:هاه وش يبي
    عبودي:يدول لي يبي يكلمك ذلولي(يقول يبي يكلمك ضروري)
    نوف:قله تقول نوف ماتقدر تطلع لك
    عبودي:يالبي طفستوني انتي ومحمد حلام عليكم تعبت(ياربي طفشتوني انتي ومحمد حرام عليكم)
    الهنوف:وجع آخر زمن بزارين ياطول لسانهم..روح وقوله الي قالت لك نوف
    عبودي:تيب
    نوف:ياحياتي
    الهنوف:وجع منهو؟
    نوف:ههههههههه عبودي
    الهنوف:اشوى حسبالي محمد
    نوف:والله لو انا
    الهنوف: كمليها..خبلا..ههههههههه
    نوف:اقول انطمي بس
    جاء عبودي وكان معاهـ كيس كبير لونه احمر<لون الحب خطير
    عبودي:خودي هدا من محمد يدولي اعطيه نوف (خوذي هذا من محمد يقولي اعطيه محمد)
    فتحته ولقت فيه (ايشارب لونه تركواز وفيه ترتر نعوم شكله..وعلبه خشب مغلفة فتحتها..وكان فيها عطر رايق من إيستيه لودر..وبطاقة مكتوب فيها
    كل سنه وانتي سالمة
    وعقبال 100 سنه
    محمد..
    الهنوف:افا11111111 وش السالفة
    نوف:يالله اليوم ذكرى ميلادي بس وش عرفة؟
    الهنوف:ومن الحب ماقتل
    نوف:لا صدق كيف عرف ان اليوم ذكرى ميلادي..
    الهنوف:انا وانا معاك وكل يوم وياك مادريت ان اليوم ذكرى ميلادك..
    نوف:والله غريبة..!!
    الهنوف:هيه اتركينا كيف عرف ومين قاله..اللحين وش بتسوي بالهديه بتاخذينها؟
    نوف:والله مدري..ماقدر لو بتشوفها امي بتذبحني لو عرفت انها من محمد
    الهنوف:سهلة قولي لها انها مني!!
    نوف:والله كويس..
    : : :
    نواف وريما كانوا في المطار يبون يروحون لفينيساء..
    ركبوا الطيارة..
    وكان بالمقعد الي قدامهم بنوتة تهبل صغيرة عمرها حدود ال4 سنوات بس تنط على المقعد وتطالع في نواف وريما
    ريما خلاص تخبلت على البنيه..
    ريما:نواف طالع البنوتة تهبل يالبى قلبها..
    نواف:ماشاء الله روعة...
    ريما فتحت شنطتها وكان معاها علبت شاكلت صغيرة قامت المقعد وباست البنوتة واعطتها الشاكلت..
    نواف:شكلك تحبين الاطفال؟
    ريما:اموت عليهم..
    نواف:ياسلام اكثر مني؟
    ريما:ههههههه تغار؟
    نواف:ايه اغار انتي لي انا ماتحبين ولا تموتين الا علي فاهمة!!
    ريما:ههههههه حتى البزراين.؟د
    نواف:هههه ايه حتى البزارين ليش هماهم آدميين!!
    ريما:حرام عليك بزارين..
    نواف:واذا كان بزراين
    البنوتة مرة ثانية نطت على وراء..
    البنوتة:ثانكس
    ريما:ولكم..وتس يور نيم<عجزانه تكتب انجليزي
    البنوته:ميمي
    ريما:وير آر يو فروم؟
    البنوتة:ليبنون!!
    ريما:واو ليبنون ..كان يو سبيك اربيك؟
    البنوتة:يس ..انا اعرف اتكلم عربي كتير
    ريما:كويس
    البنوتة:شو اسمك؟
    ريما:انا اسمي ريما
    البنوتة:هيئتك من السعودية؟
    ريما:ايوة كيف عرفتي يامورة؟
    البنوتة:حجابك
    ريما:انتي عايشة بإيطاليا؟
    البنوتة:ايه انا عايشة هون من كنت صغيرة
    نواف:من كبرك اللحين
    ريما ضربت يده:ههههههههه
    البنوتة:كيف؟شو بتقول؟
    نواف:ابد سلامتك
    البنوتة:انت خيه؟
    نواف:لا جوزا<زوجها
    البنوتة:يه..كنت ظن انكم اخوات
    نواف:لازوجتي واموت فيها
    ريما ضربت يدهـ
    نواف:ياسلام ابي عيالي اذا جو يصيرون مثل كلامها..ماشاء الله سوالفها اكبر منها
    ريما سكتت
    نواف:ايه وابيهم مثل امهم مزين
    ريما:تو الناس
    نواف: ليش تو الناس..ابي املي البيت بزارين..ابي 5بنات عيال
    ريما:اوووف كل هذولا 10 يالظالم..وش بقيت للناس
    نواف:ههههههههههههههه
    ريما:والله اضحك بعد
    نواف زادت ضحكاته..لدرجة ان الناس لاحظوا عليه..
    : : :
    وصلوا فينيساء..وراحوا لفندق راقي يطل على شاطئ البحر..
    ريما:نواف نبي غرفة ماتطل على البحر
    نواف:نعم؟
    ريما:الي سمعته
    نواف:غريبة ليش؟اخبر انك تحبين منظر الغروب والشروق
    ريما:لا عيوني علشان تشوف هالحريم الي على الشاطئ الايطاليات
    نواف:اهاااااااا..ياعيني على الغيرة..اجل مو بس انا اغار
    ريما:هههههههههه..امزح
    نواف:يعني ماتغارين ؟
    ريما:اكيد اغار..بس انا واثقة
    نواف:واثق الخطوة يمشي ملكاً
    ريما:هههه شفت كيف..
    ناموا ريما ونواف بعد تعب الطيارة..
    ريما صحت قبل نواف..وكان فيه سوبر ماركت نزلت واشترت الاغراض الي تبيها..
    وكانت جايبه معاها قهوة عربية<مدمنة قهوة
    وبعدين صلحت قهوة عربية ومعاهـ حلا..
    نواف صحى من النوم لما شم ريحة القهوة وقف عند باب الغرفة وكان شعره محتاس وبيجامته لونها اسود ورصاصي البنطلون مرتفع في ساق والساق الثانية نازل<قايم نوم
    نواف:ريما انا اشم ريحة قهوة مدري يمكن جايب معاي الريحة في الحلم؟
    ريما:ههههههههه ليش كنت تحلم فيها
    نواف: اي والله حتى بالاحلام من زمان عن القهوة يعني اذا ماشربتها احس ان راسي بينبط يعورني..
    ريما:زين انا مسوية قهوة ولايهمك اهم شيء راحتك يالغالي
    نواف باس يدها:عساني مانحرم منك
    ريما:يالله قوم بدل ملابسك وتعال اشرب معاي القهوة..ولا ترى راح اقضي عليها
    نواف:ياويلك مني ماتشربين الا وانا معاك
    ريما:ياسلام آوامر قرقوش
    نواف راح وبعدين رجع
    نواف:تعالي ريومتي وش جاب القهوة هامنا في ايطاليا ولا في السعودية؟
    ريما:حبيبي فوفو مشتهي قهوة ولا اجيبها له ..ادبرها واجيبها لك
    نواف:بعدي انتي..بس صدق من وين لك؟
    ريما:جبتها معاي الصراحة انا اذا ماشربت قهوة احس اني مو مضبوطة
    نواف:افا حرمتي مدمنة
    ريما:هههههههههههههههه
    نواف:والله انك بنت رجال...يالله دقايق واكون عندك لاتشربين اقلهوة
    ريما:ومسوية حلا تعال الحق عليه قبل لااهجم عليه
    نواف:ههههههه يالله بسرررعة اللحين اجيك
    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:58 am

    الجزء الثالث والعشرون

    الفصل الثاني

    : : :

    نواف جلس ويا ريما يتقهون..
    نواف:تصدقين ياريومتي اول ماوصلت كان نفسي بقهوة يعني لو يقولون لي ان فنجال قهوة في ايطاليا بخمس مية وربي لاشتريه
    ريما:ههههه ياحليلك طلعت مثلي تحب القهوة
    نواف:انا اعشقها ..بس مو اكثر منك هههههه
    ريما:هههههه..طيب مادام عندك نيه تدفع خمس ميه على الفنجال خلاص.(سحبت القهوة)
    يالله اعطيني 500 انت الى الآن شربت ثلاث فناجيل يعني المجموع 1500
    نواف راح جنبها ولزق فيها وجلس عندها يمازحها يضربها بالوسادة
    ريما:هههههههه امزح..والله امزح بس قوم عني هههههه
    نواف:مانيب قايم ..مرتي كيفي!!؟
    ريما:خلاص حلال زلال تفضل هذي القهوة ولا بعد اسوي لك عرض اشرب فنجال واحصل على الاخر مجاناً
    نواف:هههههههههههههههه حلوووة هذي مجاناً
    ريما:ههههههههههه
    نواف:تصدقين كل يوم اكتشف فيك شيء جديد..
    ريما:يعني كيف؟
    نواف:بالبداية خجلك ورمانسيتك ودلعك عقلك وثقافتك واللحين خفة دمك..ياسلام والله ان اهلي عرفوا يختارون لي
    ريما بكل ثقة:ايه حبيبي حطني على بالك انا درة مكنونه لازم تحافظ علي
    نواف حط يدهـ على ظهرها
    نواف:انتي بعيوني..ياأحلا وارق درة..!!
    ريما كانت ميته من الخجل قامت
    نواف:وين؟
    ريما:ماودك نطلع؟
    نواف:الا اكيد ودي اطلع
    ريما:يالله انا نفسي اطلع..ابي اروح للسوق
    نواف:غالي والطلب رخيص كم ريمية عندي؟
    ريما:تسلم حبيبي
    نواف حط يده على قلبه:تذبحني كلمة حبيبي
    ريما ابتسمت له بكل دلع وراحت للغرفة تبدل ملابسها..

    لبست بنطلون شامواه لونه بني وبلوزة طويلة الى الركبة لونها سكري لها ياقة (قبه)كبيرة من الدانيل وحزام على خصرها النحيل شكله جنان لفت حجاب من الحرير لونه سكري ومشجر بالبني..وفتحت علبة مجوهراتها وحصلت ساعة من خالتها ندى هدية تخرجها ماركة شانيل البيت حق الساعة من الذهب الاصفر وكأنها اسوارة من الولو..وفحمت عيونها بالكحل وماسكرا وجلوس ..ولبست وانتوا بكرامة بوت شامواه لونه سكري ..وشنطة بنيه شامواه<انيقــــــة

    نواف كان لابس جينز وفنيلة بيضاء طوق وفوقها جاكيت جينز على نفس لون البنطولون..<جنان شكله

    طلعوا هو وريما ونزلوا لمجمع كبير..من محل لمحل ..نواف تعب وراح جلس بمحل قهوة ..وريما كملت مشوارها بالتسوق..

    ودخلت احد المحلات الراقيه أعجبها بروش برونزي "رجالي" اخذته ونقشت عليه حرفها R وحرف نواف N....ريما استاحلة تطلع من مجمع ولا تشتري حاجة..اشترت حلق كان لونه فضي رايق وفخم.. عورتها رجولها من كثر المشي بالسوق وكثر فرفرتها بالمحلات..

    رجعت لنواف بالمقهي
    نواف:هلا وغلا اشتقت لك
    ريما: حرام عليك كلها نص ساعة
    نواف:ايه النص ساعة الي تستهترين فيها كنها عندي نص سنه
    ريما: فديـــــتك...
    ريما طلعت كيس مخمل صغير ..فتحته واخذت البروش..ريما قامت من كرسيها وراحت عند نواف..فتحت البروش وعلقته على جاكيت نواف
    ريما:اعجبني البروش وحسيت انه لايق عليك
    نواف:والله روعة..والله الاروع ان حرفك فيه..تسلمين لي يالغلا
    نواف قام من كرسيه يبي يبوسها..
    ريما:وين نواف؟ تكفى مو قدام الناس
    نواف:وش علي منهم..انا عجزت وانا اقولك مادامك معاي ماهتم في كلام الناس..وبعدين انتي زوجتي
    ريما:لا والي يسلمك بوستك وصلت
    نواف:لا ماوصلت بس اصبري علي الوعد اذا رجعنا الفندق
    ريما:هههههههههه الله يستر منك..

    رن جوال ريما..وطلعت الهنوف
    ريما:هلا وغلا هنوفة شخبارك؟
    الهنوف:يامرحبا بمدام ريما شخبار الايطاليه؟
    ريما:هههههه ايطاليه مرهـ وحدة ..تمام انتي شخبارك وشخبار عمتى نورة وعبودي؟
    الهنوف:الكل بخير ومشتاقين لك حييييل يالله لو تتصورين كيف فقدناك انا ونوف..
    ريما:وانا اكثر يالغالية..
    الهنوف:شخبار نواف؟وشلونه معاك؟
    ريما:نواف فديت قلبه طيب
    الهنوف:اووف فديت قلبه مرة وحدة
    ريما:ايه يستاهل كم نواف عندي انا
    الهنوف:هههههه ولد خالي شكله سوى لك غسيل مخ..
    ريما:ههههههههه
    الهنوف:ماطول عليك بس حبيت اسلم عليك واقولك انك وحشتينا مووت..
    ريما:الله يسلمك من كل شر ياهنوفة..والله حتى انا اشتقت لسوالفكم وخرابيطم وجمعاتكم
    الهنوف:تسلمين ..يالله اجل سلمي على نواف
    ريما:يوصل..مع السلامة
    الهنوف:مع السلامة



    ريما سكرت ودخلت الجوال في الشنطة...
    نواف:شخبارها الهنوف؟
    ريما:طيبه..يقولون مشتاقين
    نواف:لاحقين عليهم..
    ريما:افا يعني ماعندك نيه ترجع ؟
    نواف:مدري بس شكلي راح استقر بإيطاليا وش رآيك؟
    ريما:ياسلام اجل ودني على اقرب طيارة للسعودية..ديرتي مقدر اصبر عنها وعن اهلها واااااه فديت تراب مملكتنا..
    نواف:ههههههههه امزح عليك..اساساً انا ماصبر عنها وعن اهلها..


    رجعوا للفندق..نواف اخذ له غفوة....وريما جلست بالصالة تقلب بالقنوات في الt.v ماعجبها شيء..شغلت المسجل وسحبت من شنطتها شريط..لراشد الماجد وحطت اغنية (يسألوني ليه احبك حب ماحبه بشر!!)


    راحت وفتحت النافذة وطلعت برى كان المنظر حلو على البحر ..ريما سحبت الربطة من شعرها وفلته مع نسمة هواء طير شعرها الناعم وتبعثر بالجو..كانت سرحانه داخله في عالم ثاني
    فــــجاءة والي حط يدهـ على خصرها .. كان نواف الي ذبحته سلهمت عيونها الواسعة..وشعرها الحريري المتطاير بالجو...وريحة عطرهـا غطت على المكان..نواف حط يده على خصرها واليد الثاني على ظهرها..ريما كانت ميته خجل من حركتة..ماتدري وش تسوي!! استسلمت للأمر الواقع وظلت بمكانها111111..


    : : :

    نواف:حبيبتي تبغين نطلع ؟
    ريما:والله ماهيب شينه
    نواف:يالله اجل تجهزي..ع الساعة 8 ونص تكوني جاهزة؟
    ريما:يس
    نواف:اوكي كويكلي..

    ريما راحت اخذت لها شاور وتعطرت بعطر دولتشي أي غابانا...وحست بنتعاش..لبست تنورة مخمل مطرزة على الجنب وفيها فتحات ولونها تركواز ..وبلوزة لونها تفاحي موديلها لف وجايه طبقات ولابس معاها قلايد طويله ملونه..واخذت معاها شنطة(ديور) تركواز مخمل وفيها ترتر بالتفاحي خفيف..!!حطت ميك آب خفيف شدو ناعم وبلاشر مشمشي وجلوس..



    على الساعة 8 ونص طلعت من الغرفة..
    نواف:ماشاء الله ع الموعد
    ريما:افا عليك وانا اقدر اتأخر على الغالي

    نواف ان لابس بنطلون برمودا جيشي ومع داخل فنيلة خضراء ولف على رقبته شال فيه جميع درجات الاخضر..شكلة روووعة..ولابس البروش الي اهدته ريمـــــا1111..


    نزلوا يتمشون ..نواف ماسك يد ريما..طبعاً الجو كان بارد شويه نواف اخذ الشال الي على رقبته ولفه على رقبة ريما..ومسكها مع كتفها وهم يتشمون..كانت المناظر روعة!!منظر البحر والليل وقمر يعني الجو هادئ..نواف وريما جلسوا على الشاطئ مع الجو الرومانسي ..

    اخذوا قارب وفي وسط البحر الجو رايق نواف جلس جنب ريما...ريما حست بالخجل من كلامة ونظراته..!!بس مطيحة عيونها في الارض..

    وبما ان الوقت ليل ولافيه احـــــــد الا نواف وريما بالقارب
    نواف سحب الحجاب من راسها..تطاير شعرها بالجو<نواف كان يحب يطالع في شعرها الطويل والناعم..دخل اصابعة في خصلات شعرها..ريما خلاص كانت بتموت من الحيــــــاء<تستحي من ظلها!!

    وبعد مانزلوا من القارب عدلت ريما حجابها ..وتعشــــوا في مطعم مكسيكي!!ريما وهي جالسة تاكل رفعت راسها ونواف كان سرحان في عيونها..طبعاً ريما صار وجهها احمرررر..ونزلت عيونها

    نواف مسك يدهـ :وبعدين معاك يا بنت العم ..انا مابيك تخجلين مني..انا زوجك وحبيبك..
    ريما ساكتة ماقالت ولاكلمة..
    نواف:طيب يابنت عمي والله لاخلي الحياء يروح منك.!!
    ريما:نواف طبيعتي كذا..
    نواف:طبيعتك ولا ماهيب طبيعتك..راح اخليك تتأقلمين مع الجو..
    ريما:نصبر ونشوق
    نواف:تتحديني!!؟
    ريما:هههههه لا انا ماقلت اتحداك
    نواف:لا قوليها عادي
    ريما بكل اصرار:ايه اتحداك..
    نواف:طيب وتشوفين يابنت العم..
    ريما ونواف طلعوا من المطعم وهم في حالة انسجام تام..وجلسوا يتمشون بالشوارع الايطاليه
    ويدردشون ويضحكون مع بعض يعني رايقيين...!!

    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:59 am

    من بكرى الصبح افطروا تحت في اللوبي..
    نواف:ريما تصدقيين اني فرحان لانك قدامي
    ريما:هههههه والله انك مب صاحي
    نواف:يعني لاني احبك موب صاحي..اجل انا اكثر واحد موب صاحي في العالم
    ريما:ههههههههه
    نواف:انتي تحبيني؟
    ريما:فوفو قلبي وش فيك على الصبح..؟فيك شيء؟
    نواف قام من الكرسي وسحبه وجلس جنبها لاصق فيها
    نواف:يالله تكفين مشتهي اسمعها..
    ريما:اللحين اللحين
    نواف:أيه اللحين وماراح اتحرك من هنا الا وانا سامعها بعون الله
    ريما:طيب أجلها بعدين
    نواف:مافيه تكفين الريم قوليها..ولا بزعل
    نواف سوى مثل البزراين الي زعلانين..
    ريما:لبى قلب الي زعلان ..ومسكته مع خدة
    ريما:نواف بعد قلبي اكيـــد انا اكثر وحدة بالعالم تحبك..
    نواف:قولي احبك
    ريما بكل حياء:احـــبك
    نواف قمز من الكرسي ...لدرجة ان الكل جلس يطالع فيه وهو ولاكأن احد موجود!!مبسوط
    ريما خلاص ميته من الضحك عليه..

    : : :

    العصر تكشخوا ونزلوا..ريما كانت لابسة بنطلون حرير اسود وعلى حدود البنطلون من فوق شريطة لونها فوشي نازلة وبلوزة سوداء طويله موديلها صيني الى الركبة وعلى الجنب ازرار صينية لونها فوشي..ولفت حجاب لونه اسود وفيه كتابات بالصيني<ركزوا عليها.. لونها فوشي..حطت كحل على برى العين اسود وماسكرا وروج وردي هادئ..ولبست خاتم ذهب ابيض وفيه قطع ضغيرة من الماس لونها فوشي ..واخذت معاها شنطة لونها اسود وفيها فوشي ولها ممسك خشب..

    نواف:ياعيني اليوم صايرة صينيه؟
    ريما:شفت كيف ههههههه
    نواف:دايماً اناقتك تعجبني ذويقة زوجتي
    ريما: عيونك الحلوة..شفت حجابي فيه كتابات صينيه..توقع وش مكتوب فيها؟
    نواف:ماعرف اقراء صيني ههههه
    ريما:مكتوب عليها ريما ونواف
    نواف:صدق؟
    ريما:ايه يوم كنا في ماليزيا كان فيه بوتيك صيني صغير حق الشغلات هذي وطلبت منه يكتبها بالصيني
    نواف:والله انك خطيرة..
    ريما ابتسمت له..

    : : :

    نزلوا يتمشون في مدينة الملاهي..ريما كانت مرعوبة ماتحب تلعب خوافة درجة اولى
    نواف:يالله قلبي بنلعب ذيك اللعبة..
    ريما:لاتكون ذيك الي تقلب؟
    نواف:ايه
    ريما:يمة لا والي يسلمك..انا نفسي غاليه علي
    نواف:هههههههه..يالله الريم قومي العبي معاي
    ريما:والله اني ماحب العب ..بس يالله علشانك راح اغامر والعب

    نواف باسها:عساني مانحرم منك
    ريما وكأن ماء بارد انكب عليها..استحــــــــــــت موت من حركتة..

    طبعاً ركبوها..وريما متوترة..بس نواف ماسكها باقوى حيله...اشتغلت اللعبة ريما كانت مبسوطة واول مرة ماتحس بخوف من الالعاب..يمكن لأنها مع نواف؟

    نزلت من اللعبه
    نواف:هاه مدام ريما وش رايك فيها؟
    ريما:روووعة
    نواف:خفتي؟
    ريما مسكت يدة بقوة:كيف اخاف وانت معاي
    نواف حط يدهـ على راسها:ياحبني لك
    ريما:هههههه هذي كلمة نوف المشهورة ياحبني لك
    نواف:هههههههه صدق!!

    ريما :فوفو قلبي ممكن اطلب طلب؟
    نواف:لا
    ريما عصبت:ليش؟
    نواف:انتي موب تطلبين انت تآمرين آمر..وش بغيت يابعد قلبي.؟
    ريما:نفسي في الحلاو هذا شعر البنات الوردي الي بعصا
    نواف:هههههه تسترجعين ايام الطفولة؟ولا ايش؟
    ريما:ايه وش ورانا ..
    نواف:من عيوني..
    اخذ لريما وله وجلسوا ياكلونه وهم يضحكون..

    نواف كان في كامل كشختة وياكل شعر البنات ووبعدين احتاس في اكله وصاير حوسة
    ريما طلعت جوالها واخذت تصور نواف وهو تضحك على شكلة الي متخربط..ونواف يضحك عليها111
    نواف: انا اشك ان فيك عرق ياباني ياحبك للتصوير
    ريما:ههههه ايه انا عقدت امي وابوي بس امشي واصور معي كاميرا عادية وكاميرا الجوال
    نواف:ههههههههه ماشاء الله عليك خبيرة بالتصوير..
    ريما:اعجبك...

    : : :

    طلعوا من مدينة الملاهي وراحوا على كازينوهات على البحر هادية ورايقة ..كلها شموع يعني معطين جو..جلسوا على احد الطاولات وطلبوا عصير..

    ريما كان في بالها تسأل نواف هو يحبها؟..هي عارفة انه يحبها بس حبت تسمعها منه..
    ريما بكل ارتباك:نواف
    نواف:سمــــــي
    ريما:آآآ ممم انت تحـ بـ ـ نــ ـي؟

    نواف سكت تقريباً خمس دقايق..ريما حست بإحباط..وبعدين تكلم وقال.

    نواف:آه ياقرب المسافة بين عقلي والهبال
    وقولي للعالم تجنن..جنــــنه صادق هواه
    وآه يابعد المسافة بين صدق واحتمال
    ماأحبك او أحبك والغلا واصــــــــل مداه
    أتعب بقربك وبعدك وأسهرك كل الليال
    أغرق بعينك بلحظة ولامعي طوق النجاة
    انتي يابين الحنايا انتي يابنت الحلال
    فيك عالم من مشاعر وجاك شاعر فيك تاه
    أملك الدنيا بيمينى بس لاقلتي تعـــال
    وغيرك اصلاً لابغاني قلبي اصـــلاً مابغاه
    انتي في كفه لحالك وباقي خلق الله لحال
    ويكفي إنك لاطلعتــــــي العمــــر عوّد وراه
    ياعذاب القلب دونك ياعذاب بلا وصال
    يا مكان انتي تـــــجينه تنقلب ارضه سماه
    امطريني لين اسافر بين حلمي والخيال
    اعشقينـــــــــي قد قلــــــــبك قد ما أعرف وفاه
    انتي اتعبتي ورودك وتسألي نفس السؤال
    ريـــحي قلبك أحـبــــــــك وانتي لي طعم الحياه

    ريما :صح لسانك ملايين..
    نواف:ردي على سؤالك في هذي القصيدة
    ريما ابتسمت له ابتسامة بدلع

    رجعــــــوا للفندق..ريما كانت مرهقة ..لبست بجامة ورديه حرير ميــدي..والبدي فيه قلب بااحمر كبير..حطت ربطة على شعرها لونها وردي ورفعته..

    طلعت لنواف..الي كان جالس بالصالة
    نواف:فيك نوم؟
    ريما:لا بس احس اني مرهقة بعد المشوار
    نواف:سلامتك حبيبتي..

    قام نواف وسحب يد ريما ..وجلس على الكنبه وخلها تنسدح على رجله..ريما كانت مستحية ..وقامت ..نواف حلف عليها الا تسند راسها على رجوله..وجلس يلعب بخصلات شعرها ..ريما ماحست بنفسها الاوهي نايمة..راح نواف وسحب غطاء من السرير وغطى فيه ريما..وجلس يطالع فيها ويتأمل شكلها وهي نايمة نواف(ياناس احبها11111)



    طلع نواف طفش ريما نايمة وماحب يزعجها نزل تحت..راح لحديقة قريبة من الفندق والصدفة جمعته بصديقة فهـــــد كان يدرس وياه في أمريكا ..نواف كان مبسوط لما قابله..وكذلك فهد ماصدق ان نواف الي قدامه..
    فهد:وش عند نواف في ايطاليا؟
    نواف:شهر عسل جاي انا وحرمتي
    فهد:ماشاء الله تزوجت!!
    نواف:ايه
    فهد:بالمبارك يابو سعود
    نواف:الله يبارك في عمرك..هاه خلصت دراستك؟ولا لسى؟
    فهد:الحمد لله هذي آخر سنة
    نواف:ماشاء الله شديت حيلك يوم رحنا انا والشباب
    فهد:أي والله قلت خلاص جاء وقت الجد..وحسيت بفراغ كبير بعدكم
    نواف:ياحبيبي يابو عبدالله
    نواف:وش عندك فهد في ايطاليا
    فهد:ابد جاي مع الاهل سياحة..
    نواف:لايكون عطلتك عن اهلك..خبري بالي عايش بغربة يشتاق لأهله
    فهد:ولو يانواف مشتاق لك حيل واهلي لاحق عليهم خلينا نروح لأحد المقاهي نجلس فيه احسن من الوقفه هنا
    نواف:وانا اكثر يالغالي ..ايه صدق حتى الجو بداء يبرد
    فهد:يالله اجل..

    راحــــــوا وجلسوا في كوفي ..وسواليف ومزح وضحك..ماحسوا بالوقت.. جلسوا 4ساعات وهم مع بعض..

    ريما ما طولت في النومة..على طول صحت ..وتفاجأت أنها مالقت نواف تدورهـ في كل مكان ماحصلته..

    دخلت الغرفة وكان معلق ورقة على المرآيه

    حبيبتي ريوم
    انا طالع اشم هواء..طفشت بدونك..وماحبيت اصحيك
    ماراح اطول..
    نواف..

    ريما بعد ماقرت الورقة حست براحة شوي..جلست عند التلفزيون ساعتين ..كانت قلقانه على نواف مو من عوايدهـ يتأخر..جلست بكل خوف وقلقل كل شوي تطالع في الساعة..تحس ان عقارب الساعة ماتحرك..تتصل على جواله مقفل..المسكين فضت البطارية عليه..

    ريما كل شوي قايمة عند الباب تروح وترجع ماجلست من الخوف..صارله 3 ساعات وهو مختفئ..

    ريما(ياربي سترك..وين راح تأخر..هو كاتب في الورقة انه ماراح يتأخر..اكيد صاير له شيء..)
    ظلت تمشي وتدور من غرفة للصالة ارتبكت..ماتدري كيف تتصرف..!!الهواجيس تطاردها...وكل شوي تقول استغفر الله ..اعوذبالله من الشيطان الرجيم..!!

    ريما(اتصل على ابوي واقوله..بس لا فشلة اذا رجع..لا مو بتصرف هذا تصرف اطفال..يارب يرجع لي نواف...!!)

    مرت 4 ساعات ولاجاء او اتصل يطمنها111...


    ريما جابت كرسي وجلست عند الباب تستنى نواف رجولها ماقدرت تشيلها من الخوف..

    : : :
    نواف جلس يطالع ساعته
    نواف:اووف يافهد تأخرت على المدام
    فهد:ههههه عاد انا ماعلي منك لا مدام ولا شيء توني عزابي
    نواف:يالله انا لازم اروح..مر الوقت بسرعة وربي ماحسيت فيه..
    فهد:أي والله ماكأنها مرت 4 ساعات ..
    نواف:فرصة سعيدة الي جمعتني فيك
    فهد:وعاد لازم مانقطع عني..هذا رقمي تفضل
    نواف:خلاص اجل بيننا مكالمات..وشد حيلك بدراستك..
    فهد:ان شاء الله
    نواف:فمان الله
    فهد:فمان الكريم..

    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 9:59 am

    الجزء الرابع والعشرون

    الفصل الأول

    : : :


    ريما كانت ميته من الخوف على نواف وعلى اعصابها..واقفة عند الباب تنتظره ..نواف جاء وفتح الباب وشاف ريما واقفة قدامه واصله معاها معصبه لابعد حد..

    نواف:مساء الحب ريومتي..
    ريما:وين كنت؟
    نواف:عند صديقي تخيلي توي اشوفه من كنت في امريكاء
    ريما تقطع كلامة:طيب ليش ماتصلت فيني طمنتي عليك..على الاقل تذكر ان فيه وحدة جالسة على نار تستناك..حرام الي قاعد تسويه فيني ...انا انتظرك وميته خوف عليك وانت جالس مع صديقك.. نواف:وش فيك؟
    ريما:وش الي مافيني ..حضرتك غايب لك 4 ساعات وتبيني اكون مبسوطة..وانا مادري وين انت فيه..
    ريما راحت للغرفة معصبة وصبخت بالباب بقوة ..نواف كان مصدوم وش فيها؟اول مرة من تزوجنا تسوي كذا..صحيح اني غلطان بس مايستاهل تسوي كل ذي الضجة..!!
    نواف راح وجلس على احد الكراسي وحط يدهـ على راسهـ..ريما طاحت على السرير وجلست تبكي من قلب..اول مرة اطول صوتي عليه..بس والله كنت مرعوبة عليه..ياربي انا ايش سويت..يمـــة محاتجة لك..ظلت تبكي وهي ماسكة الوسادة..بعدين راحت للمرآية ومسحت دموعها..وطلعت..فتحت الباب لقت نواف جالس على كرسي ويدهـ على خدة ..ريما راحت عنده وجلست على ركبها وحطت راسها على رجوله وجلست تبكي..
    ريما:انا آسفة حبيبي نواف على الي سويته..بس تكفى لاتتركني..مقدر اعيش من غيرك...حياتي بدونك صعبه..انا ماتخيل نفسي من غيرك ..لاتتركني..والله احتاجك <كانت تبكي مثل الاطفال..
    نواف نزل من على الكرسي وجلس مقابل لها يعني لاصق فيها..رفع راسها بيدينه وكان شعرها مخفي وجهها رفع شعرها وكانت دموعها تنزل مسح دموعها..
    نواف:حبيبتي انا لايمكن اتركك او اتخلى عنك..انتي دنيتي كلها زوجتي وصديقتي وحبيبتي..ومايفرقنا ان شاء الله غير الموت!!
    ريما حطت يدها على فمه:لاتقولها..بعد عمر طويل..
    نواف:اليوم احنا تعبانين..خلينا ننوم..
    ريما مسندهـ راسها على كتف نواف..
    ريما:براحتك..
    نواف مسك ريما وشالها وحط يدهـ وراها ومشى فيها لحد ماوصلوا الغرفة..

    : : :

    ماجد كان في الشرقية..
    دخل على اخته عبير في غرفتها.
    عبير:حي الله مجود..تفضل
    ماجد:زاد فضلك..شخبار عبورة؟
    عبير:عبوره اهااا هات من الآخر..وش عندك؟
    ماجد:ماشاء الله عليك..ذكية تفهمينها على الطاير
    عبير:ايه مقيوله اخت الدكتور ماجد كيف ماكون ذكية
    ماجد:هههههههه
    عبير:ايش آخبار ندى؟
    ماجد:آآآآهـ بس على ندى
    عبير:ههههههههههههههههه طالعة من قلبك ياكبرها هالآآآآآآهـ..وش اخبارها؟
    ماجد:مدري عنها..مابعد يوم الملكة
    عبير:اووووف طيب ماتتصل عليها او هي ماتتصل عليك؟
    ماجد:لا..انا جاي لك بخصوص هالموضوع
    عبير:تفضل ايش هو الموضوع؟
    ماجد:ابيك تتصلين عليها..وتسولفين معاها..وبعدين تسألينها اذا كان عادي عندها اتصل عليها او لا؟
    عبير:ماعليك يابن الحلال خذ رقمها عندي..اتصل
    ماجد:لا ياعبير..كذا قلة ادب..لازم تتصلين وتستأذنين..والمكالمات حرية شخصية..اخاف اسبب له احراج..
    عبير بكل مكر:طيب ان شاء الله انا راح اتصل بس على شرط
    ماجد:كل شروطك راح انفذها
    عبير:اسمع ياخوي ..ابي بعد مااكلمها تطلع تتمشى فيني على الكورنيش..وبعدين تعزمني على ستاربكس نفسي بموكا..وبعدها ابي تعزمني على وجبة من ماكادونالدز....وش قلت
    ماجد:اووولله كل ذا على مكالمة وحدة
    عبير:اجل خلاص ماراح اتصل عليها..وتفضل من غير مطرود
    ماجد:خلاص خلاص امززح..وربي امززح..كم عبورة عندي ابشري ولايهمك..كل الي قلتي عليه راح يتنفذ بس اتصلي عليها اللحين..
    عبير:طيب
    اخذت الجوال من (الكومادينه)وجلست على كرسي..وماجد كان عندها جالس..اتصلت عليها وردت ندى..!!


    عبير:هلا ندى..!!
    ندى:هلا بك اكثر
    عبير:شخبار مرت اخوي؟
    ندى:هههه طيبه..انت شخبارك..وشخبار خالتي والبنات؟
    عبير:كلهم بصحة ..ماودك تسألين عن بعض الناس؟!!<تطالع في ماجد
    ماجد ضربها وجلس يأشر على السبيكر
    عبير:آآآي
    ندى:وش فيك؟
    عبير:لا ابد سلامتك..بس يدي سكر عليها الدرج
    ندى:ههههه والله انك ملقوفة بشكل
    عبير:هههههههه
    ..عبير حطت على السبيكر..
    عبير:ليش ماسألتي عن الغاليين؟
    ندى:شخبار ماجد؟
    عبير:طيب ومشتا111111ق لك بالحيل
    ندى:ههههههه
    عبير:الا تعالي وراء ماتتصلين عليه
    ندى:انا اتصل لا صعبه ..
    عبير:طيب انا قلت له من شوي اعطيك رقم ندى علشان تتصل عليها..بس هو رفض...تدرين ليش؟
    ندى بكل حماس:ليش؟
    عبير (تقلد صوت ماجد):يقول اخاف تتضايق وبعدين قلة ادب كذا لازم تستأذنين منها قبل لاتعطيني الرقم
    ندى:ماشاء الله عليه..خليك مثله خلوقة..او انتي مافيه امل تطلعين مثله
    عبير:هههههههه ليش ناقصني ايد ولا رجل علشان ماطلع مثله؟
    ندى:لا ماشاء الله انتي كاملة بس صعبه تصيرين مثله
    مـــــاجد كان مبسوط على كلام ندى ..وكان ودهـ ياخذ الجوال ويكلمها بدل عبير..
    عبير:هاه وش قلتي؟
    ندى:على ايش؟
    عبير:اعطي اخوي العاشق الولهان رقمك؟
    ندى:لا حبيبتي لا تعطينه
    ماجـــــد تحطم بشكل..
    عبير:لييييش؟
    ندى:ياحبيبتي ياعبورة انا بصراحة ماحب المكالمات الي تصير قبل الزواج..احس ان الواحد خلاص راح يشبع من خطيبته قبل الزواج..يعني بالسواليف والضحك والمزح..
    عبير:بس كل المخطوبين كذا؟
    ندى:انا غييير..انا ابي ماجد مايعرفني يعني بعد الزواج راح يتعرف علي اكثر واكثر ..واحسن من المكالمات والخرابيط..هذي وبعدين ماجد مشغول بدراسته..وانا بصراحة ماحب اكون شبب يشغله عن الدراسة..

    ماجد اعبجة كلام ندى..وحس بالفخر فيها..وكانت قريبه من افكارهــ..والغاء فكرة المكالمات بينه وبينها بعد ماسمع كلامها..

    عبير:اكشخ..والله ان تفكيرك غريب..
    ندى:شفتي كيف؟ههههههه
    عبير:هههههههه...يالله اجل باي
    ندى:بايات
    سكرت الخــــــــــــط...

    عبير:هاه وش رايك في الي سمعته؟
    ماجد:ياعيني عليها..والله انها تفكر كويس..اساساً انا مابي الرقم من زمان..بس انتي الي اصريتي..
    عبير:نعم نعم.؟اللحين جايني في غرفتي وتترجاني اتصل على الهانم..وبعدها تقول مابي الرقم...والله انك نصاب محترف..
    ماجد:يالله انا طالع
    عبير:واللي وعدتني فيه؟
    ماجد:ماوعدتك بشيء..انا قلت اذا وافقت على الرقم ذاك الوقت اسوي لك الي تبينه
    عبير راحت تركض ورى ماجد:حر1111111م عليك توعدني كذا..مانيب ماعلي منك بروح اجيب عبايتي وبركب بسيارتك وسوي الي تبي..
    ماجد:ههههه بروح لم الشباب..
    عبير:ماعلي منك الشباب ماهم بطايرين ..توديني يعني توديني..
    ماجد:طيب يالله جيبي عبايتك بسرعة
    عبير طمرت من مكانها:يييييييييييس
    ماجد:هههههه الحمد لله والشكر..




    : : :
    ريما صحت قبل نواف..وحست انها نامت زين..دخلت الحمام وانتوا بكرامة واخذت شاور..وطلعت وبدلت ملابسها..وراحت تصحي نواف..
    جلست على السرير جنبه..
    ريما:فوفو حبيبي يالله اصحى
    نواف:ريما حرام عليك امس مانمت شيء..طول امس واحنا سهرانين..
    ريما:يالله ياقلبي قوم مابي اجلس لحالي..
    نواف:بس شوي خليني نايم عشر دقايق
    ريما:هههههههه ذكرتني يوم كنت في المدرسة..كنت اقول هالكلام لأمي اذا جت تصحيني
    نواف:هههههههههه..نواف قام وجلس على السرير..عند ريما
    ريما:ياسلام على الي صحوا..يالله قوم اخذ لك شاور وبتحس بالانتعاش..
    ريما قامت من السرير..نواف سحب يدها111 ومن قوة السحبة جلست على السرير
    ريما:وش فيك؟هههههه
    نواف: وين البوسة؟
    ريما:قوم اخذ لك شاور وبعدين
    نواف:مانيب متحرك لما تعطيني بوسة
    ريما: هههههههه
    نواف:يعني مافيه بوسة
    ريما تهز براسها
    نواف:طيييييييب يالريم
    جلس يركض وراهـا وهي تركض وميته ضحك على شكل نواف ..وهو مبسوط ويركض وراها..ريما تعبت من الركض..ومسكها نواف وكتف يدينها..
    نواف:هاه يالله مسكتك ومافيه مفر مني..غير انك تبوسيني؟
    ريما:غمض عيونك..
    نواف غامض عيونه على طول باست نواف وهربت منه وكان وجهها احمررررر من الفشلة..
    نواف كان مبسوط من ريما..

    نواف اخذ له شاور..وافطر هو وريــــــما.بــــعدين لبــــسوا وتكـــــشخوا ..
    ريما لبست بنطلون لونه فوشي..وبلوزة صوف (هاي نك) فيها الوان متدرجة الوان الطيف ولبست فوقه (سدريه)لونها فوشي ومع تحت لها كمر على خصرها...لبست وانتوا بكرامة كاوتش لونه فوشي وفيه الوان على الجنب..كان واطي وحلو....لبست ساعة جلد والبيت حقها مربعات صغيرة..شكلها حلو..حطت ميك آب ناعم وتعطرت..وطلعت

    نزلت هي ونواف كان الجو حلو وفينيسا كانها مدينه من مدن الخيال كل شيء فيها له بريقه الخاص..
    راحوا للشاطئ وكانوا قريبين من البحر.. نواف جلس على الكراسي الموجودة على الشاطئ وريما تمشي جنب البحر..!!

    ريما كانت قريبة بالحيل للبحر..تمشي وهي تفكر ان حبها لنواف كل يوم يزيد عن الثاني..ماتقدر تصبر عنه ولا دقيقة..ماكانت تتوقع انها بتتعلق فيه هالكثر..او بتحبه اكثر من قبل...كانت تتمنى تسعدهـ وتحقق له كلالي يبيه..



    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:01 am

    ريما كان معاها الجوال..فتحت الاستديو وجلست تسمع..!!..


    والله احتاجك انا..خلك بجنبي قريب..
    وان حصل شيء بيننا..عن حياتي لاتغيب..



    انا من بعدك اتوهـ...وعالمي بعدك يضيع..
    تختلط عندي الوجوه..العدو يصبح صديــق..


    تدري يالقلب الحنون..انت بالنسبة لي ايش..
    وانا بعدك كيف اكون..وليه احـــس ولــــيـــه


    يالي شفت احلامي فيك..والتقيت باحلى جنه..
    ادعي ربي وارتجيه..ربي لاتحرمــــني منـــــه..


    لو تهب الدنياء ريح..وينتهي كل الزمان..
    ويصبح العالم جريح..انا في يديك بآمــــــــان..



    قلبك البيت الكبير...الي ظللني بوروده..
    واصبح الحلم الاخير..صعب ابعد عن حدوده..


    نواف جاء وراء ريما..وشالها بين يدينه..وراح يركض فيها..كانت اشكالهم روعة..الكل يطالع لهم..ويحس بسعادتهم وكيف هم متفاهمين ..


    ريما:نواف تكفى نزلني..يمممممه
    نواف:ههههههه ماراح انزلك وش عندك؟
    ريما:هههههههههههههه..تكفى
    نواف:مافيه
    نواف يزيد بسرعته ويركض فيها على البحر وريما تصرخ..وهو ميت ضحك عليها وعلى صراخها..

    : : :

    الهنوف كانت تكلم نوف..
    الهنوف:صراحة يانوف..هذا ولد عمك يبي له فركة اذن علشان يتأدب
    نوف:ههههههه ولد عمي مهوب ولد خالك بعد؟
    الهنوف: بس الصراحة ليت لو نواف موجود كان اقول لريما تقوله..يعطيه كف محترم يبرد قلبي ..عاد انا اكرهـ شيء عنـــدي الجرآءة الزايدة
    نوف:هههههههه شكله قاهرك
    الهنوف:هههههههههه بالحيل..
    الهنوف:اتصلت على ريما
    نوف:احلفي..شخبارها؟ ياحياتي هي اشتقت لها..
    الهنوف:طيبه ومبسوطة..الله يديم المحبه بينهم
    نوف:آمين..والله نفسي اكلمها..بس استحي
    الهنوف:انا كنت مستحية..بس ماصبرت ماحسيت بنفسي الا وانا اضغط ارقامها واتصل عليها
    نوف:والله لها فقدة
    الهنوف:اي والله..اللحين ملتهيه بالغالي
    نوف:هههههههه

    : : :

    نواف:حبيبتي اليوم نبي نروح للسينما..
    ريما:ياااااي تصدق نفسي اتابع فيلم هندي من زماااااان عن افلام الهنود..
    نواف:هههههههه هندي!!
    ريما:وش يضحكك؟ ايه هندي
    نواف:احنا بنروح ونشوف وش العروض حقت اليوم..!!
    ريما:اوكي

    كان فيه فيلم اكشن وإثارة..ريما رفضت تدخل..<خوافه
    وفيه فيلم رومانسي..وطبعاً اصرت الريم على انها تدخلة..راح نواف واخذ معاه بوب كورن ودخل هو وريما للصالة حقت السينما ..مخصص لهم مقعدين جنب بعض...

    ريما كانت متأثرة بالفيلم ومنسجمة..طول الوقت تبكي على الاحداث ..نواف يطالع فيها ويضحك عليها..وعلى برأتها ..وانسجامها الكبير مع الفيلم..!!

    نواف قرب من ريما وحط يدهـ وراها..وكل مابكت ريما نواف يضحك ويعطيها منديل علشان تمسح دموعها...وبعد ماخلص الفيلم طفت الاضواء حقت الصالة وكانت ظلام..نواف استغل الفرصة وباس ريما من جبينها..
    نواف:كفايه دموع ريومتي..
    ريما:ورى ماتأثرت بالفيلم كانت اللقطات تعور القلب لما افترق البطل عن حبيبته..
    نواف:هههههههه..انتي سخية بدموعك..
    ريما:انا أتاثر بسرعة ..

    نواف مسك يد ريما ..
    نواف:يالله خلينا نطلع..
    طلعوا ريما ونواف..من السينما وراحوا تعشوا في احد المطاعم..

    نواف:ريومتي..ترى بعد بكرى بنرجع
    ريما:احلـــــــــــــف
    نواف:امداك طفشتي مني يعني؟
    ريما قربت لنواف :لاحبيبي انا لو اجلس معك في غربة العمر كله مااراح اطفش منك..وش ذا الكلام ياقلبي.. انا مشتاقة حق اهلي..بس كذا
    نواف: بس كذا؟
    ريما:ايه بس كذا..
    نواف:فيك نوم؟
    ريما:اييه ميته على مانام
    نواف:حتى انا فيني نوم يالله ياقلبي
    ريما: لا لا هونت خلاص طار النوم هههههههه
    نواف:ههههههههه على مزاجك..
    ريما:هههههههههههه

    : : :
    ام ريما:يالله اش قد اشتقت حق بنتي يافهد
    ابو ريما:حتى انا انتظر اللحظة الي اشوفها فيها على نار..
    ام ريما:لازم اذا جت نسوي عزيمة كبييرة
    ابو ريما:من هالناحية تطمني..انا مرتب كل شيء..بس العزيمة ماراح تكون يوم واحد..
    ام ريما:شلون يعني؟
    ابو ريما:ماعليك انتي..خليها تجي بالاول..ويصير خير!!
    ام ريما:ان شاء الله..

    : : :

    محمد وعبدالرحمن كانوا يتمشون في السيارة..
    عبدالرحمن:هاه محمد وين قررت تسجل؟في أي قسم؟
    محمد:انا ماراح ادرس هنا في المملكة!!
    عبدالرحمن:وين يعني؟
    محمد:انا بدرس برى..في كندا
    عبدالرحمن:انت معاك نسبة ممتازة يعني أي جامعة واي قسم يتمناك..وبعدين وش حقة تروح وتغترب وتعذب نفسك..وهنا في المملكة متوفر لك كل شيء وبين اهلك وناسك..غاوي عذاب يعني؟

    محمد:ياعبدالرحمن انا بروح ادرس تخصص مو موجود في المملكة..يعني نادر ماتلاقي شباب معاهم التخصص الي في بالي..وبعدين انا اذا اخذت التخصص راح أحاول اكمل دراسات عليا..وبعون الله باحصل على الدكتوارة..
    عبدالرحمن:تدري عاد تفكيرك مثل تفكير نوف اختي..تترجى في ابوي انها تسافر برى وتدرس ..بس ابوي رافض الفكرة يقول صعبة بنت تروح وتدرس لحالها
    محمد كان مبسوط:احلف..والله انت محظوظ في اختك
    عبدالرحمن:شلون يعني؟
    محمد:هاه..لابس يعني واحد عنده اخت مثل نوف ولها تفكير راقي مثل كذا يعني محظوظ

    عبدالرحمن:طيب فكنا من نوف اللحين خلها تنجح من الثانوية العامة ولكل حادث حديث..انت يالحبيب كم بتجلس يعني؟
    محمد:يمكن 7 أو 8 سنين..
    عبدالرحمن:اوولله عمر يامحمد 7 سنين..طيب قلت لعمي وامك..وافقوا؟
    محمد:ابوي ايه وافق..بس امي تضايقت من الموضوع..تقول صبرت على فراق نواف خمس سنين ويوم رجع بتطير مني..
    عبدالرحمن:والله مالومها..الغربة صعبه ولوحدك بعد صعبة!!
    محمد:بس انا ماراح اكون لوحدي..
    عبدالرحمن مندهش:اجل مين راح يكون معاك؟
    محمد:كلها سنتين وبتزوج وباخذ معاي زوجتي وبنروح..خبرك الواحد من المفترض مايسافر برى الا ومعاهـ زوجته..
    عبدالرحمن:هههههههههههههههههه
    محمد:وش فيه كلامي علشان تضحك..؟ماقلت نكتة؟
    عبدالرحمن:خوش بعد بتتزوج..ماشاء الله ع البركة
    محمد:الله يبارك فيك
    عبدالرحمن:ومن هي تعيسة اقصد سعيدة الحظ الي بتاخذك؟
    محمد:انا حاطها في بالي ..بس كل شيء في وقته حلو
    عبدالرحمن:تكفى منهي؟
    محمد:قلت لك كل شيء بوقته حلو..
    عبدالرحمن:طيب انا اعرفها؟
    محمد:لاتستعجل قريب راح اعلمك بكل شيء..

    محمد بينه وبين نفسه(ايه ياعبدالرحمن..انت اكثر واحد تعرفها..نوف ياعبدالرحمن..هي الي حاطها في بالي..بس ليش كذا تعاملني بكل جفاف وبرود..انا احبها ولايمكن آخذ غيرهااا..)

    محمد كان مشغل اغنية..

    وصيت قلبي عليك وفكري وظني..ان غبيت عنهم عليك عتابهم هادئ
    ماودي تجرح شعروك كلمتن مني ..وانت حياتي وعمري ومهجة فؤادي

    ودي تعيش العمر راضي ومتهني..مرفوع راسك ..عليك العز متبادي
    ياتاج راسي وانت مني وعني... تامر وتنهي وامرك اول البــــــــــادي

    لاتخاف مني وقلـــبي اذا ونــي..اكــيــد مشتـــاق لك ياغــــاية مرادي..
    مايتعب القلب غير الشوق لاكني.. اصبره بالقصيد وصوتك الشاجي..

    انا احبك واحبك من صغر سني...مابالغ ان قلت لك من يوم ميلادي..
    اكبر ويكبر غلاك الي مجنني..غصبن عن عيون حسادك وحسادي

    ياشوق قلبي..وروحي وقطعةَ مني..عتابك الطف من النسمة على ..
    مايجرح القلب الا غيبتك عني ولا عتابك يشابه طبعك الهادئ..

    من كثر خوفي عليك الخوف يمحني..افقد شعوري واشوفك غاية مرادي..
    ان غاب صوتك اناجي الليل واوني..واتخيلك واتذكر هامة بلادي..
    : : :

    عبدالرحمن تضايق من سمع الخبر من محمد..انه بيروح ويدرس ويتركة..وهو قريب منه بالحيل كيف بيصر عنه كل السنين..!!

    رجع للبيت بدري..مو من عوايدهـ دخل غرفتة وهو طفشان..حس ودهـ يتكلم يفضفض لاحد...طلع من غرفته ولقى نفسة عن غرفة نوف..طق الباب ودخل..

    نوف:وش فيك عبدالرحمن؟شكلك اليوم مو على بعضك؟خير؟
    عبدالرحمن:والله يانوف مدري وش اقولك؟
    نوف:تكلم وش فيك؟
    عبدالرحمن:محمد راح يدرس برى
    نوف كانت مصدومة مو مستوعبه وش يقول..انعقد لسانها ماتدري وش تقول..متى؟وليش؟وكم بيجلس؟
    عبدالرحمن:راح يسافر...ويبي يطول تخيلي..!!
    نوف وفي عيونها حزن عميق:وكم بيقعد برى؟
    عبدالرحمن:8سنين بالكثير
    نوف:اوووف والله ..مدة طويلة..
    عبدالرحمن:بعد ماصار لي اخو بيروح ويتركني..
    نوف(وحتى انا بيتركني..)
    نوف سكتت وماقالت ولاكلمة..حست بصدمة كبيرة..

    بعد ماطلع عبد الرحمن وكان متوقع انه بيطلع وهو مرتاح من غرففة نوف..كان يتوقع ان نوف بتتكلم بتخفف عنه اكثر..بس نوف ماتدري وش فيها كانت مصدومة حست بحزن وضيقة..

    راحت وفتحت الكيس الي من محمد..وطلعت الإيشارب الي منه وجلست ولفته عليها ونزلت دموعها بحرارة كانت تسمع لمحمد عبدة..

    ليت ربي ماكتب لحظة وداع..ولافراق ولادموع ولاضياع..

    ليت كل الناس خل مع خليله..وكل ماقيل النهايه بين الاحباب

    الرحيـــــــــل قلت احبه حيـــــــــل..

    : : :
    نواف وريما صحوا من النوم..وجلسوا بالصالة عند التلفزيون..ريما راحت وصلحت شاي..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:06 am

    تْـآبعّ\صبت الشاي لنواف..
    ريما:كم ملعقة سكر احط لك؟
    نواف:حطي اصبعك فيها هذا احلى سكر
    ريما:ههههه لاعاد حبيبي يالله
    نواف:انا قلت لك..ابي تغطين اصبعتك فيها..
    ريما:نواف
    نواف:ههههههه ملعقتين..يالبى قلبك اذا عصبتي تهبلين..خدودك تصير كنها ورد احمر..!!
    ريما:ههههههه ياسلام بس اذا عصبت اصير حلوة بعينك؟
    نواف:افا والله افا يابنت العم

    قام وحط يدهـ على خدها..
    نواف:انتي حلوة بعيوني في كل وقت اذا ضحكتي وعصبتي وابتسمتي وكل شيء يالغلا..
    ريما حطت يدها على يد نواف:تسلم لي وعساني مانحرم منك..!!
    نواف:ولامنك..اسمعي قلبي اليوم تجهزي..ماراح نرجع للفندق الى وجهه الفجر ..تعرفين آخر ليلة لنا في إيطاليا ..
    ريما:اوكي اجل انا بقوم ببدل ملابسي..شوي واكون جاهزة..

    ريما لبست بنطلون كتان لونه بيج..ضيق من فوق ومع تحت وسيع..وبالطو لونه (توتي)وعلى الرقبة فروا..وعلى الاكمام فرو ..ولبست ساعة رايقة صاير الستيك حلقات..ولبست كاوتش شاموا لونه قريب من لون الفرو..ولفت حجاب شيفون لونه بيج وفيه حلقات لونها توتي على الجنب..!!حطت ميك آب,,,شدو وروج وكحلت عيونها..وطلعت لنواف الي كان ناطرها..

    نواف:ماشاء الله وش كل هالشياكة؟
    ريما:طول عمري انيقة وبعدين الشياكة ديه كلها لحضرتك ياسي السيد
    نواف:هههههههههه يالله بينا عايزة تخرجي؟..
    ريما:آهـ ونص
    نواف:اشوف قلبنا مصارية هههههههههه
    ريما:هههههههههههه

    طلعوا ريما ونواف..وتمشوا في آجواء روعة!!
    دخلوا اسواق وتمشوا فيها..وريما اشترت لأمها وأبوها هدايا..ومانست ندوش وجدتها..
    ريما:حبيبي وش رايك في ذي الأسوارة؟
    نواف:روعة وانا واثق من ذوقك..بس لمين انتي شريتي لامك؟
    ريما:لخالتي
    نواف:ندى؟
    ريما:ههههههه لا أمك..
    نواف:ههههههه ياحياتي والله ياريومة مانسيتي حتى امي!!
    ريما:وشلون انسى ام الغالي..
    نواف:آه ياريما شوي شوي علي..ترى بموت والسبب انتي
    ريما:لا بسم الله عليك..لاتقول كذا..
    نواف:تخافين علي؟
    ريما:اخاف عليك؟هذا سؤال يانواف..اكيد اخاف عليك كثر ماخاف على نفسي ويمكن اكثر بعد..
    نواف مسك ريما مع يدينها..وسحبها وباس يدها..ريما تفشلت واستحت..لانها كانت في وسط المحل..والي تبيع كانت بنت شابة..انبسطت على حركة نواف ...وراحت عندهم واعطتهم بوكية ورد..وجلست تتكلم مع نواف ايطالي ونواف يتكلم معاها طولت وهي تحاكي نواف..وبعدين..ابتسمت لريما..وراحت

    ريما:وش قالت؟
    نواف:سئلتني ياطويلة العمر..شكلك تحبها؟قلت لها مو بس احبها انا اموت فيها..!!وقالت ان اشكالكم لايقة على بعض..وانكم اكثر زوجين رومانسيين شافتهم في حياتها.ولما جت تروح قالت حرمتك حلوة حافظ عليها
    ريما:ياحليلها
    نواف:وهذا الورد هدية منها لك..
    ريما:والله انها ذوق..
    نواف:ايه صح..

    طلعوا من المحل..وراحوا محل ثاني واشتروا لأبو نواف هدية.وبعدين طلعوا من السوق..
    ريما:نواف ماكأنك نسيت شيء مهم؟
    نواف:مدري بس اعتقد مانسيت احد..
    ريما:محمد اخوك
    نواف:ايه صح ذكرتيني فيه..لاوازيد من الشعر بيت هو اكثر واحد يقول ابي هدية خاصة من ايطاليا
    ريما:هههههه خوش توصية اجل
    نواف:لولا الله ثم انتي كان رحت في خبر كان..عاد مين يسلم من لسانه..فديتك يالغلا..
    ريما اقترحت على نواف يشترون لمحمد عطر وساعة..وريما اختارتهم لان ذوقها حلو..

    طلعوا نزلوا الاغراض بالفندق وارتاحوا شوي وكملوا مشوراهم وطلعوا مرة ثانية..ريما راحت وبدلت ملابسها..

    ولبست جاكيت قصير مخمل لونه عنابي.. ومع تحت بلوزة شيفون ولها ياقة(قبة) بارزة..ولفت على رقبتها ايشارب طويل وسخيف لونه عنابي وفيه ترتر خفيف..وبنطلون كحلــــي ومع تحت فيه تطريز بالعنابي...ولبست خاتم من التوباز كان رايق وفخم...عدلت الميك آب بمعنى آخر كثفته لانها بتروح تسهر مع نواف..!!لبست بوت له كعب عالي كان لونه بنفس درجة الجاكيت..ريما تعطرت من كوكو شانيل عطرها المفضل وطلعت لنواف..

    نواف سحب كرسي وجلس عند النافذة يتأمل الناس الي تحت كانت الاضواء روعة والمكان يعج بالناس.. والحركة المستمرة نواف نسى نفسة وجلس يطالع فيهم..جت ريما من وراهـ وريحة عطرها تسبقها..حطت يديها على عيون نواف..نواف مسك يديها وحس كيف هم نعومات وصغار بالنسبه ليدينه..!!التفت عليها ..ابتسم لها ابستامة ذابت ريما من وراها..


    نواف:والله انك خطيرة ياريما..انا جالس انتظرك برى وانتي تتكشخين..
    ريما:ايه حبيبي انا احب التجديد وبعدين علشان ماتمل مني..
    نواف:انا لايمكن امل منك مجنون انا ولا مهبول ان قلت مليت منك..!!
    ريما:الله يخليك لي....يالله اجل خلينا نطلع
    نواف:استني شوي..حتى انا بروح اغير ملابسي..ابي اقلدك
    ريما:ههههههههههه

    تكشخ نواف ولبس فنيلة لونها ازرق وسماوي مخططه وبنطلون ابيض ولبس فوقه جاكيت ابيض رايق..وحط على خصل شعرهـ شوي جل طالع شكله جنااااااان..

    يوم طلع..ريما تخبلت عليه..مسك يدها وطلعوا..!!

    : : :

    فيصل دخل على امه (العمة نورة)والهنوف وعبودي اخوهـ جالسين في الصالة..
    فيصل:السلام عليكم..
    الجميع:وعليكم السلام..
    فيصل:يالله قوموا خلينا نتمشى من زمان ماتمشيت فيكم..
    عبودي:الله من ذمان ما لكبت ثيالتك(الله من زمان ماركبت سيارتك)
    العمة نورة:يالله الهنوف قومي جيبي لي عبايتي من فوق..
    الهنوف:طيب بروح ركض قبل لايغير رآيه اخونا في الله
    فيصل:هنوفوه عن طولت اللسان..روحي جيبي عباية امك احسن لك..
    عبودي:يالله بثرعة لوحي تيعي كلام احوك الكبيل(يالله بسرعة روحي طيعي كلام اخوك الكبير)
    الهنوف:بزارين آخر زمن!!
    فيصل:ههههههههه بعدي والله اخوي..والله انك اخو رجال..
    الهنوف:عشتوا قال اخو رجال قال.هههههههاااااااااي
    فيصل:كلكم بتروحون الا هذي ..يأشر على الهنوف
    الهنوف:لا تكفى فصيل خليني اروح..
    فيصل:خوش والله وبعد تقولي فصيل هي وجهها
    عبودي:علثاني خليها تلوح(علشاني خليها تروح)
    فيصل:علشان عبودي بس
    العمة نورة:يالله الهنوف استعجلي..

    : : :

    كانت غرفة نوف ظلام شديد مافيه غير نور الاباجورات الخفيف..متمددهـ على فراشها البارد..والافكار تروح تجي في مخيلتها..كانت تعتقد ان محمد خلاص مايبيها كل همه دارسته ولافكر فيها..ماتخيلت انها راح ترتبط بشخص ثاني غير محمد ولدعمها..لانها ماراح تنتظرهـ 8 سنوات..حست بحزن يقطع قلبها1111...لكن كبريائها فوق كل شيء ..كانت تقاوم,, تعاند,, تكابر....كانت توهم نفسها بان محمد مايبيها وانه مايستاهلها لأنه باعها ولافكر فيها..كرامتها فوق كل اعتبار..

    راحت لمكتباها سحبت دفتر وجلست تخربش فيه خربشات..

    عندما حان الفراق..




    لن اتوسلك لكي تبقى!!
    ولن ارجو منك التراجع عن هذا الموت الذي تعاقبني به (موت رحيلك.!!)

    سأقف مكتوفة الأيدي كما يفعل الضعفاء والعاجزون عن مد يد العون لأنفسهم..وسأنتظرك لتأتي مرة ثانية إلى هنا(حيث قلبي)مضرج بخيبتك وملطخ بطين هزيمتك..

    ولن اغلق باب قلبي في وجهك..لكنني لن أسمح لك بالدخول..!

    يمكنك الأنتظار خارجاً حتى تحين ساعة العفو عنك..وربما لا تدور عقارب هذة الساعة ابداً..!!
    كن مخلصاً لما تبقى منك في قلبي...ومنصفاً لما تبقى مني في قلبك..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:07 am

    كن رجـــــــــلاً وهذا يكفـــــــــــي!!....

    سكرت دفترها..ونامت كانت بحاجة للنوم..علشان تهرب من التفكير في مصيرها وحبها لمحمد الي حكم عليه بالأعدام..

    : : :

    ريما ونواف رجعوا للفندق في وقت متأخر حسوا بتعب شديد بعد مشاوير اليوم..لانهم ماتركوا مكان ماراحوا له والاسواق والمطاعم والمنتزهات..على طول دخلوا غرفتهم وناموا..علشان يقومون وسيدا يروحون للمطار..!!

    ريما مانامت زين..كان نومها متقطع..كانت مشتاقة بالحيل لأهلها..اول ماصحت راحت واخذت لها شاور..ورتبت شنطها وشنطة نواف وجهزت كل شيء..

    نواف اول ماصحى كانت ريما منهمكة بترتيب الاغراض ..راح عندها ماحست فيه ..ومسكها من عند خصرها ..
    ريما صرخت باعلى صوتها..!!
    نواف مات من الضحك عليها..وعلى صرختها..ريما عصبت منه راحت وجلست بالصالون..زعلانه..راح نواف عندها يبي يراضيها
    نواف: آسف وحقك علي..
    ريما ساكتة وتضرب رجولها بالارض
    نواف:يالله قلبو والله كنت بشوف وش تسوين!!
    ريما تصد عنه..
    نواف:افا الدعوى فيها صد..
    راح وباس راسها..
    نواف:اتمنى تكون البوسة راضتك
    ريما بابتسامة عريضة:انا لايمكن ازعل عليك نواف..بس عصبت شوي
    نواف:يعني راضية عني؟
    ريما:ايه..
    نواف:اشوى هذا اهم شيء..
    جلس يطالع ساعته..
    نواف:اووووف تأخرت..يالله انا بروح اخذ شاور ع الطاير تجهزي..اوكي بنروح للمطار..
    ريما:اوكي انا من زمان جاهزة..

    طلعوا للمطار وبعدين اقلعت الطيارة لروما..وجلسوا 6 ساعات في مطار روما كانت الطيارة فيها عطل..وبعدين رحوا من روما للبحرين ومن البحرين للرياض (لأن الطيران مزحوم......)وصلوا للرياض في وقت متأخر بالحيل..

    نواف:الحمد لله على السلامة
    ريما:الله يسلمك..يالله وانا اطالع من نافذة الطيارة مانيب مصدقة اني في اراضي السعودية..
    نواف:واضح عليك كنت فرحانه..
    ريما: نواف ماشوف احد استقبلنا؟وش السالفة؟
    نواف:انا ماقلت لأحد
    ريما:شلون؟
    نواف:هههههه لابسوي مفاجأة للجميع..اللحين الوقت متأخر وماحبيت اضايقهم واخليهم يسهرون..والصباح رباح
    ريما:وكيف؟ بنروح مع مين؟
    نواف:تكسي..!!ومعي مفاتيح البيت وخلاص وخلصنا..حليتها..!!
    ريما:ياسلام عليك..!!انت كذا هههههههه
    نواف:ههههههههه

    راحوا وقفوا تكسي..وركبوا فيه..وصلوا لبيت العم سعود....على وجهه الفجر...كان البيت ظلام واضح ان الكل نايم..دخلوا شوي شوي ومن غير محد يحس فيهم..صعدوا للجناح حقهم..!!ودخلوا الشنط بكل هدوء..

    نواف وريما كانوا تعبانين من كثر مادخلوا من مطارات ومن طيارة لطيارة روسهم عورتهم..على طول ناموا..من التعب والارهــــــــاق..!!

    الساعة 3 العصر..
    ريما قامت بكل كسل تطالع الساعة ..
    ريما:يوووة الساعه 3 ماحسيت بالوقت..
    اخذت ريشــــة طاووس عندها..تبي تصحي فيها نواف..
    نواف يضرب الريشة وهو نايم..ريما كانت تضحك على حركاته..
    ريما:يالله حبيبي قوم الوقت تأخر يالله فشلة خلينا نقوم نسلم عليهم..
    نواف:طيب يالله
    ريما بعد ماحست بالنشاط من الشاور الي اخذته ولبست تنورة لونها ابيض ومطبوع فيها ورد ..ولبست بلوزة لونها اسود دانتيل ومع وراء كلها ازرار على شكل لولو..حطت كحل وروج ..وجعدت شعرها..وحطت فراشه لونها ابيض على الجنب..اخذت معاها جلال احتياط لما تشوف محمد

    وهم على الدرج قابلو محمد ريما على طول تغطت محمد كان مصدوم
    محمد:مين؟نواف ؟يمة جني!!<يستهبل
    نواف:يالخبل وش جنيه..خوش استقبال
    ريما كانت تضحك على حركات محمد..
    محمد:ياهلا بالمعرس..حمد لله على السلامة..شخبارك ياريما..الحمد لله على السلامة
    ريما:الله يسلمك..
    نواف:امي وابوي تحت..؟
    محمد:ايه..بسرعة الحق على ابوي قبل لايطلع للشركة..
    نواف:صدق..يالله ريما

    نزلوا نواف وريما للصالة وكان ابو نواف وام نواف..جالسين يسولفون..
    نواف وريما:السلام عليكم
    ابو نواف:نواف؟ريما؟ياهلا والله ومرحبا الحمد لله على السلامة ياعيالي...
    نواف راح وباس راسه..الله يسلمك
    ام نواف راحت وسلمت على نواف:الف حمد لله على السلامة..تو مانورت الرياض..
    نواف:الله يسلمك يالغالية..منورة فيكم..
    ابونواف:الحمد لله على السلامة ياريما
    ريما جت وباست راسه:الله يسلمك عمي..
    ام نواف راحت وحضنت ريما :الحمد لله على السلامة..متى وصلتوا؟وليش ماقلتوا لنا؟
    ريما:الله يسلمك خالتي..والله ياخالتي حبينا نسوي لكم مفاجأة
    ام نواف:والله خوش مفاجأة..بس كان قلتوا لنا..
    نواف جلس جنب ريما..
    نواف:والله يايمة ماوصلنا الا متأخرين وماحبينا نزعجكم..
    ابونواف:لا يانواف المفروض اعطيتونا خبر..علشان نفرح فيكم..طيب كيف وصلت هنا وانت مامعاك سيارة؟
    نواف:لا اخذنا تكسي..
    ام نواف:هاه ياريما عساكم انبسطتوا؟
    ريما:ايه الحمد لله..
    ابو نواف:وشلونها ايطاليا؟
    ريما:والله حلوة ياعمي..
    ابو نواف:وش رايك نجدد شهر العسل يام نواف ..!؟
    نواف وريما:هههههههه
    ام نواف:ههههه والله ماهيب شينه
    ابو نواف:هههههههههه
    نواف:شخبار عمامي؟وعمتي نورة؟
    ابو نواف:كلهم بخير..!!
    ام نواف:والله لو انتم قايلين لنا انكم بتجون كان مسوين الليله عزيمة..بس يالله نخليها بكرى ان شاء الله..
    ابو نواف:عسى ماتعبتوا؟
    نواف:الا والله رحنا لكذا مطار ومن طيارة لطيارة..تعبنا
    ام نواف:الله يعين..!!

    محمد طق الباب علشان يدخل..ريما على طول تغطت..دخل محمد..
    محمد:السلام
    الكل:وعليكم السلام..
    محمد:انا اقول الرياض منورة ليش؟طلع اخوي وحرمتة منوريناها..ياحي الله نواف وريما
    نواف:هههههه الله يحيك..هاه قولي وش صار على تسجيلك؟
    محمد:ابشركم قبلوتني الجامعة الي ابيها في كندا
    نواف:زين والله ع البركة..اجل سوي لنا حفلة بمناسبة قبولك
    محمد:بس الحساب عليك هههههههههههه
    الكل يضحك عليه..
    ام نواف:مدري وشوله يروح ويتغرب كن مافيه عندنا جامعات..!!وش رآيك ياريما؟
    ريما:مادامه له رغبه في الجامعة الي برى المفروض يروح لها..وبعدين التخصص الي يبيه نادر مانحصل شباب معاهم هذا التخصص..وان شاء الله راح يجي كل ماسمحت له الفرصة عطلة او مناسبة وكلنا عندك ياخالتي اذا سافر..
    محمد:صح لسانك يامرت اخوي..يايمة التخصص الي احلم فيه من كنت صغير مو موجود عندنا في المملكة..
    ام نواف:طيب اختار أي تخصص ثاني
    محمد:اشوف يمة توني اصير غالي عندك؟ياليتني من زمان قايل لك ابي اسافر علشان اشوف كل هالغلا!!
    ام نواف:والله انك انت ونواف عيوني..بس ماودي تروح
    نواف:اتركيه يمة..كل واحد وميوله..يعني هو ماراح يسافر يلعب راح يدرس ويجيب معاهـ شهادة يرفع راسك فيها..ومثل ماأنا سافرت وتغربت هذاني رجعت ولله الحمد..هو ان شاء الله راح يسافر ويرجع لنا..خليه يشوف مستقبله..!!لاتحطمينه
    ابو نواف:هذا الكلام الصح!!صادق نواف..
    محمد راح وباس راس نواف:وينك عني من زماااان يابو سعود!!
    نواف:هههههههه الله الله على المصالح
    ام نواف:كيفه براحته..

    نواف جاب الاكياس الي فيها الهدايا وحطها عند ريما..وطلعتهم ريما واعطوا ابو نواف وام نواف ومحمد..
    ام نواف:والله كلفتوا على نفسكم..
    ابو نواف:انتم رايحين شهر عسل المفروض ماعذبتوا انفسكم..
    ريما:لا كلافة ولاشيء..والله تستاهلون اكثر من كذا
    ام نواف:تسلمين يالغالية..
    نواف :وهذي هدية محمد..
    محمد:ياسلام والله انها روعة..!!غريبة ذوقك نواف؟
    نواف:لا ذوق ريما..
    محمد:اييه انا اقول وش هالزين..مو ذوق نواف البايخ..
    نواف:طيب يادب الشرهه مو عليك علي انا الي جايب لك..
    ريما:ههههههههههه
    ام نواف:لا تستغربين ياريما ترى بتتعودين كل يوم كذا..
    ريما:ياحليلهم هههههههه

    نواف:يالله احنا نستأذن بروح اودي ريما..لبيت عمي وبنسلم عليهم..
    ام نواف:والله ياريما لو شفتي امك اش قد ولهانه عليك
    ريما:حتى انا ياخالتي
    نواف:عندنا وعندكم خير..وهذا وهي كل يوم تتصل عليها
    ابو نواف:الله يخليكم لبعض..
    ريما:يالله عن آذنكم..


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:10 am

    محمد:الليله كل عمامي راح يجون؟
    نواف:اكيد كلهم..!!
    محمد:حتى الحريم
    نواف:من تقصد يعني؟
    محمدآآآ لا بس ماقصد شيء
    نواف فاهم الموضوع:وحتى عمي طلال وزوجته وعياله راح يجون
    محمد:ايه هذا اهم شي..عاد ماوصيك يامرت اخوي الله الله بزوجة عمي طلال..
    ريما:وش معنى هي بالذات؟ فيه عمتي نورة راح تجي وامي ؟<على نياتها
    نواف:لا ياريما هو يقصد مايوصيك على بنت العم بس نسى وقال زوجة العم
    ريما:اهااا.ابشر ولايهمك
    محمد:ماشاء الله عليه اخوي فطين!!ذكي يفهمها وهي طايرة
    ريما:قول ماشاء الله!!لاتنظلة
    محمد:ماراح يجيه عين هذا
    نواف:هيه اذكر الله
    ريما:لا حرام عليك اذكر ربك..
    نواف:بعدي يامرتي تخاف علي والله انك ذيبه
    ريما:ههههه تسلم..
    نواف:وانت اذكر الله
    محمد:ماشاء الله تبارك الله لااله الا الله.ههههه حتى ريما طلعت تخاف من العين مثلك.. وافق شن طبقة
    ريما:ههههههه
    نواف:اقول لايكثر كلامك ادوختني
    محمد:تدرون عاد نفسي في تشيز كيك!!الله اشتهيته..!!
    نواف:تشيز كيك؟
    محمد:ايه تشيز كيك


    برب


    نواف:اذا تبي روح لمحل "تشيز كيك فكتوري"
    محمد:اللحين مسكر..طيب مافيه بالبيت؟
    ريما:ماعتقد يامحمد..!!
    نواف:اقول فكنا..بعد شوي راح يجوننا الناس وانت تشيز كيك!!
    محمد:وش دخل الناس بالتشز كيك؟
    ريما:ههههههههههه



    جت ام نواف وجلست معاهم..
    محمد:يامرحبا يامرحبا نورك غطى ع الكهربا
    ام نواف:مهبول انت!!
    محمد:ايه مهبول فيك يالغالية
    ام نواف:اقول فكنا منك..
    ريما:خالتي تبين شاي؟
    ام نواف:أيه اذا ماعليك امر والله ابيه يعدل راسي
    نواف:سلامتك يمة..فيك شي؟
    ام نواف:لا والله..تعرف امك اذا صار عندها شي
    نواف:في هذي معك حق هههههه


    : : :


    ريما كانت واقفة عند الدولاب (الكبت) محتارة ماتدري وش تلبس من كثر الفساتين الي عندها!!


    طلعت واحد احمر قصير وفيه قصات مع تحت..وحطتة على السرير..وطلعت واحد ثاني اخضر وفيه شرايط من الستراس وتكسيرات من قدام..وحطت الثاني على السرير وقفت محتارة ماتدري أي واحد بتلبس..


    دخل نواف عليها وشافها واقفة عند السرير وتطالع في الفساتين..ريما اول ماشافت نواف ابتسمت..
    ريما:جابك الله..
    نواف:سمي يالغلا
    ريما:حبيبي وش رايك أي واحد يصلح البسه الليله؟
    نواف:انتي لو تلسبين مادري أي شيء طلع حلو عليك..مقيولة احلى من العقد لباسه
    ريما:تسلم وكله من ذوقك..
    نواف:بلاش الرسميات ديه!!
    ريما:ههههه والله موب رسيمات بس كذا طبعي تعودت...المهم نرجع حق موضوعنا أي واحد برآيك البسة؟
    نواف:البسي الأخصر..لان الاحمر مايبلس الا لي..
    ريما:ياسلام؟!!
    نواف:قلت لك..الا حمر ممنوع تلبسينه تحت..بس فوق وحقي
    ريما خلاص استحت من كلامه..!!وتبي تضيع السالفة
    ريما:وين ثوبك وشماغك..؟
    نواف:توهم الخدامات كوهم لي..
    ريما راحت وطلعت الثوب والشماغ..ومسكت معاها مبخرة وبخرت ثوب نواف وشماغه!!


    جلست تسوي ميك آب حق سهرات كان شكله رايق اخضر وذهبي..!! ورفعت شعرها من النص ومع تحت ملفوف وجهزت طقم ذهب فيه ياقوت بالاخضر كانت متناسق مع الفستان الي راح تلبسة


    دخلت الغرفة الي تغير في ملابس..
    ريما:نواف حبيبي تعال شوي..
    نواف:هلا؟
    ريما:ممكن تسكر الفستان مع وراء؟
    نواف:ابشري..
    نواف حط يده على خصرها..
    ريما جلست تصرخ
    نواف:هههههه وش فيك..
    ريما:لا تكفى ماحب احد يلمس خصري..
    نواف:ياسلام انا مو احد..انا نواف ياحرم نواف
    ريما:سوري قلبي اكيد انت مو أي احد انت نواف الغالي
    نواف:خلاص زعلت منك..
    راح وجلس بالكنابات الي بالغرفة..راحت وجلست عنده تراضية..
    ريما:مايهون علي زعل فوفو..!!وش يرضيك يابعد الدنيا
    نواف:ابي امممممم اها111 بوسة؟
    ريماوجهها احمر:اللحين؟
    نواف:ايه..اللحين اللحين
    ريما:بس حاطة روج..!!اخاف يطبع عليك!!هههههههه
    نواف:هههههههه


    نزلت ريما ونواف راح عند ابوه ومحمد في مجلس الرجال..وريما مع خالتها ام نواف..جت عمتها نورة والهنوف..ريما انبسطت لما شافتهم وسلمت عليهم بحرارة..وجت امها وجدتها هياء وخالتها ندى..ضمتها بقوة..وبعدهم جت ام عبد الرحمن ونوف..نوف لما شافت ريما على طول حضنتها وجلست تبكي..ريما تفاجأت من نوف وحركتها..
    ريما:وش فيك نوفه حبيبتي؟
    نوف:اشتقت لك بس
    ريما:ماورى ال بس شي؟
    نوف:لا ابد
    ريما:خلاص بعد شوي راح اتفرغ لك..
    ريما خافت ماتدري وش فيها نوف وليش هالكثر متضايقة وحست ان في فمها كلام وعيونها فيها حزن..!!


    العمة نورة:وشلونها إيطاليا ياريما؟
    ريما:والله ياعمتي خيال..
    ام عبد الرحمن: عساكم رحتوا لفينيسا؟يمدحونها
    ريما:أي والله رحنا لها..الصراحة جنان ذيك المدينة
    ندى:والله ماتوقعت هالكثر بنفقدك ياريوم..
    ريما:الله يسلمك وانا بعد فقدتكم
    الهنوف:الله اكبر فقدتينا؟
    العمة نورة:من شاف احبابه نسى اصحابه
    ريما:هههههه حرام عليكم
    ام ريما:والله ماصبر عنها كل يوم اكلمها حتى فهد هاوشني وقالي اتركي البنت مع زوجها
    الجدة هياء:الله يوفقكم ويسعدكم
    ريما:آمين يايمة
    ام نواف:حي الله من جانا..مابرك من ريما الي جمعتنا اليوم
    ام ريما:تسلمين ياعيوني
    العمة نورة:الهنوف من الصبح يالله بسرعة تأخرنا آخر مابه فيصل عصب منها قال بتودينا لهم الصبح انتي؟ كله علشان ريما
    ريما:ياحياتي والله ياهنو تعرف غلاتها مايحتاج..
    ام عبد الرحمن: ماشاء الله ياريما فعلاً قمر من حظ نواف والله..
    ريما تفشلت من كلام زوجة عمها
    ام نواف:أي والله مو بس من حظ نواف الا من حظنا كلنا ريما بنت ولا كل البنات
    ندى والهنوف يتهامسون:اكشخ بدت الكنة تغطي علينا
    نوف كانت تضحك وتبتسم بس ماتكلم كثير
    ندى:نوف وش فيك؟تعبانة؟
    نوف:بس راسي يعورني
    ام نواف:تبين بنادول؟
    نوف:لا مشكورة..مايحتاج..
    ريما حاسة ان نوف مو طبيعية..بس ساكتة ماحبت توضح لهم..!!
    العمة نورة:شخبار تركي يام تركي؟
    الجدة هياء:والله بخير..
    الهنوف كانت منصتة للكلام الي ينقال عن تركي
    الجدة هياء:نفسي ازوج هالولد وارتاح كل عيالي تطمنت عليهم الاهو..!!وكل ماقلت له شيء..يقول يصير خير..
    ندى وريما بس يطالعون للهنوف مما سبب لها احراج كبير..
    ام ريما:هههههه شكل ولدك يايمة حاط في باله وحدة
    الجدة هياء:ليته على كذا والله لأروح واخطبها له..بس خليه يتكلم..
    ندى:قريب راح يتكلم..ان شاء الله..
    العمة نورة:الله يعين من هالشباب,,
    ام نواف:أي والله يام فيصل اللحين محمد راح يسافر يدرس برى ويتركني..يالله مدري متى بيجتمعون عندي عيالي كل ماجاء واحد راح الثاني..
    ام عبد الرحمن: ايه اشوف عبد الرحمن ولدي اليومين هذي نفسيته ماهيب مررة وحالته حالة كله علشان محمد..
    ام ريما:والله مافيه خوف عليه ماشاء الله يام نواف محمد ولد متربي وخلوق مافيه خوف عليه بعون الله..
    ام نواف: ان شاء الله!!

    ريما(اها عرفت ليش نوف متضايقة..ياحياتي يانوف ..والله مسكينة كاتمة بقلبها كل ذا..انا لازم اتكلم معاها احس ان نفسها تتكلم مع احد..بس مو لاقية ..)

    ريما:نوف تعالي شوي ابيك فوق..
    ندى:يالله الهنوف خلينا نروح معاهم..
    ريما:ياسلام انا ماقلت بنات..قلت نوف
    الهنوف:واحنا حرام عليك ؟انا اقولكم من تزوجت نواف خربت
    ريما:لبى قلب نواف!!
    ندى:عيب عليك مو قدامنا هالكلام قوليه فوق
    ريما:هههههههههه يالله نوف
    نوف:لا بجلس هنا
    ريما:اقولك قومي معاي..
    نوف:لا معليش
    ريما راحت وجرت يدها:يالله ماعندي انا..
    نوف قامت:اوكي

    صعدت ريما ويا نوف لجناحها..!!
    الهنوف:غريبة وش فيهم؟
    ندى:انا اقولك وش فيهم..نوف متضايقة..وريما بتخفف عنها..
    الهنوف:نوف من ناحية متضايقة متضايقة مدري وش فيها؟
    ندى:ترى ريما ماتحب تشوف احد متضايق لازم تحقق معاه وش فيك وليش ومتى
    الهنوف:ههههههه وانتي الصادقة لازم تحقيق..


    : : :

    عند الرجال...
    ابو عبد الرحمن:هاه نواف وشلون العرس؟
    نواف:والله شيء..انصح العزاب يتزوجون
    ابو نواف:هههههههه
    ابو ريما: ماشاء الله يعني تبي تزوجهم؟
    نواف:والله ياعمي الي يبي الراحة والدلال يتزوج
    ابو عبد الرحمن:ههههههههه

    الشباب كانوا جالسين في آخر المجلس...


    عبد الرحمن:شباب شوفوا معاي صورة في الجوال وحدة تهبل عليها عيون تذبح وشعر وطول وجمال يقولون مطربة لبنانية
    فيصل:شوقتنااااا وينها؟
    محمد:والله حلوة ..
    فيصل:وش حلوة الا تذبح
    عبد الرحمن:ههههههههه انا تخبلت عليها صدق روعة..
    فيصل:نواف وش فيك ماتطالع للصورة..ولايعني تزوجنا وكبرنا؟
    نواف:ليش اطالع في الصورة وانا عندي بختصار ][ أحلى ماخلق ربي ][
    : : :


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:10 am

    في غرفة ريما..
    ريما:نوف انتي مو طبيعية وش فيك؟
    نوف:لا سلامتك مافيني شي
    ريما:لاتكابرين..انا اعرفك وافهمك من عيونك..!!
    نوف سكتت وكانت عيونها في الارض
    ريما:علشانه راح يسافر؟
    نوف من سمعت كلمة السفر حطت راسها بحضن ريما ونزلت دموعهاا..
    نوف:انا محتاجة اتكلم مع احد ريما كنت انتظر متى تجين على نار..ابي افضفض لك ما ارتاح اتكلم لأحد غيرك..والله اعتبرك اختي الا ماجبتها امي
    ريما:وانا بعد ابادلك نفس الشعور وانتي اختي الغالية ..تكلمي حبيبتي ريحي نفسك..
    نوف: ياريما راح يسافر ويتركني..تخيلي بيجلس 8 سنين برى..وين الي يحبني؟الصراحة حسافة حبي له قبل
    ريما:لا يانوف حرام عليك لاتظلمين الولد..
    نوف:وش اظلمة ما اظلمة شوف عينك..راح يروح خلاص يعني تبيني انتظره 8 سنين؟مستحيل..!!!
    ريما:محمد مخطط على شيء..بس انا مو فاهمة وش يدور في باله..!!بس خليك واثقة ان محمد يحبك ويبيك ماراح يتخلى عنك..!!اصبري انتي
    نوف:بنصبر ونشوف..
    ريما:وش رايك بانه اليوم كان يتكلم فيك..
    نوف:صدق؟ وش قال؟
    ريما:قال ياريما ماوصيك على بنت عمي..
    نوف:احلفي..
    ريما:والله لاتتسرعين نوفة...وبعدين انا جاية من السفر ابي اشوف الكل مبسوط ومستانس مو كذا عاقدة حواجك وطفشانة..يالله خلينا ننزل لهم تلاقين ندى والهنوف على اعصابهم..!!!
    نوف:هههههه يالله خلينا ننزل
    ريما:ايه هذا الكلام الصح..ابي اشوفك دايماً مبسوطة ولايهزك شي وانا اختك..

    : : :

    ابو ريما:مادامنا كلنا مجتمعين بعد بكرى الكل معزوم عندي بالمزرعة..بمناسبة جيت نواف وريما با لسلامة..
    ابو نواف:كثر الله خيرك..
    فيصل:عساك على القوة يابو ريما..
    نواف:ماله داعي الكلافة ياعمي..
    ابو ريما:افا والله يانواف انت وريما عيالي وان ماسويت العزيمة لكم لمين راح اسويها..!!؟
    نواف:تسلم ياعمي
    ابو عبدالرحمن:بس يابو ريما المزرعة بعيدة وراح يروح نص الوقت على الطريق..
    ابو ريما:ومين يقول اننا بنجلس بس يوم..انا عازمكم الاربعاء والخميس والجمعة..نبيكم تباتون عندنا..ونبي ننبسط وهذي مثل ماقلت لنواف وريما..وش رايكم؟
    ابو نواف:والله ياحلوها المزرعة وجوها..على بركة الله..الاربعاء الاربعاء..
    ابو عبدالرحمن:اجل يهون الطريق اذا الدعوى فيها جلسة 3 ايام
    محمد:والله انك شيء ياعمي ...المزرعة من زمان عنها..
    ابو ريما:هههه اهم شيء تنبسط يامحمد..
    عبدالرحمن:ايه مشتاقين لها بالحيل ..
    ابو ريما:لا وازيدكم من الشعر بيت حطيت فيها دبابات علشانكم
    عبد الرحمن ومحمد قاموا وباسوا راس ابوريما..
    ابو ريما:ههههههههه لوانا داري انكم بتفرحون هالقد كان من زمان حاط فيها دبابات..
    نواف:ياعيني على المصالح..!!
    فيصل:وربي يفشلون حبة الراس علشان دباب
    نواف:هههههههههههههه
    فيصل:ههههههههه


    _________________
    avatar
    مــرجــوجـة زمــانـيــ

    مَشْرِفَهْـ..{~


    مَشْرِفَهْـ..{~

    عدد المساهمات : 131
    النقاط : 147
    تاريخ التسجيل : 02/05/2010

    ......,., رد: أحــلى مأخلق ربي ..) روايةسعوديـة كــاملة تستحق القراءة

    مُساهمة  مــرجــوجـة زمــانـيــ في السبت يونيو 19, 2010 10:11 am

    ::تأبع الجزء الـرابع العشرون::
    بعد ماتعشوا الرجال..
    ابو ريما:يالله حنا نستأذن
    ابو نواف:تونى الساعة بعدها ماصارت 11
    ابو ريما: لا نخلي المعاريس يرتاحون
    ابو عبد الرحمن:انا اقول وش فيه نواف كل شوي يطالع للساعة
    نواف:هههههه لاحرام عليك ياعمي..
    بعد ماصارت الساعة 12 بالليل الكل راح..
    ام نواف:والله تعبت من رجولي اليوم
    ريما:سلامتك خالتي..
    ام نواف:الله يسلمك
    نواف:يبي لك مويا وملح
    ابو نواف:وين محمد؟
    نواف:طلع مع عبد الرحمن..
    ابو نواف:هالوقت؟
    نواف:يبه عادي شباب ويحبون السهر..
    ام نواف:الله يحفظهم..
    نواف:يالله تصبحون على خير..ريما قامت معاه
    ريما:تصبحون على خير...
    ريما على طول بدلت ملابسها وجلست مع نواف..!!
    نواف:اشتقت لك!!
    ريما:وانا اكثر..
    نواف:والله اليوم على اعصابي بس اطالع الساعة متى يروحون
    ريما:ههههه
    نواف:علشان اكحل عيوني بشوفتك..لدرجة ان عمي طلال لاحظ علي!!
    ريما:ياحياتي
    نواف بفرح كبير:انا؟
    ريما:لا عمي طلال..هههههههههه
    نواف:يانصابة ههههههه
    : : :
    نوف حست براحة يوم سمعت كلام ريما..و كان عندها أمل ان محمد لازال يحبها..بس تتمنى تلاقي تفسير للي يحصل ....
    : : :
    ريما قامت قبل نواف وجهزت ثوبه وشماغه..وبعدين صحت نواف علشان يروح دوامة ..
    ريما:فوفو اصحى
    نواف: حبيبتي خليني شوي
    ريما: ولا ثانية يالله دوامك
    نواف:كم ريما عندي..اللحين يالله قمت
    ريما:تسلم لي يالغالي...
    نزل هو وريما تحت يفطرون مع امه وابوه..
    ابو نواف:وين محمد؟
    ام نواف:توه ينام
    ابو نواف:يالله على هالولد..ليله نهار ونهاره ليل
    ريما:كل الي بعمره كذا..ماخذينها قاعدة اذا جت العطلة يقلبون نومهم
    نواف:بس والله تعب وارهاق
    ابو نواف:عاد من يقول لمحمد!!
    نواف:الله يعين..يالله انا استئذن..تأخرت على الدوام
    ابو نواف:يالله حتى انا بروح للشركة..
    الكل راح وبقت ريما وام نواف..بالصالة يسولفون ويدردشون
    ام نواف:والله من زمان عن بنات خالتي الي في الكويت
    ريما: عندك بنات خالة؟
    ام نواف:ايه ثنتين وعندهم بنات وعيال اكبرهم بنت بعمر نواف..
    ريما:والله توني اعرف بالسالفة
    ام نواف:حضروا زواجكم انتي ونواف وعلى طول رجعوا للكويت ماطولوا
    ريما:انا ذيك الليلة مرتبكة ومانتبهت لأحد
    ام نواف:ههههههه مانتلامين.. ايه صحيح لاتنسين بكرى عزيمة ابوك في المزرعة
    ريما:لا مانيب ناسيتها.. والله المزرعة روعة ابوي سوى فيها شغلات وتعديلات
    ام نواف:ايه ماشاء الله مزرعتكم من أول وهي حلوة وشرحة وكبيرة ومتكتكه
    ريما:متى راح نمشي لها؟
    ام نواف:يقول ابو نواف الصبح يعني 10 او 11
    ريما:زين..والله ان الطريق طويل
    ام نواف: هو صحيح انه طويل بس ممتع تشوفين المزارع والحدايق على الطريق
    ريما:أيه صادقة اشكالهم تفتح النفس..
    ام نواف:يالله انا بروح فوق مانمت زين امس..ابي احط راسي ويمكن انوم
    ريما:ايه بعد تعب امس وصاحيه بدري..الا على فكرة خالتي ماله داعي تصحين بدري..
    ام نواف:وابو نواف ونواف من يجلس معهم على الفطور
    ريما:انا... انتي ماتنامين شيء..وانا اساساً قايمة قايمة علشان نواف ..من بكرى لاتصحين بدري خلاص؟
    ام نواف:مابي اتعبك يابنتي
    ريما:ولو ياخالتي مافيه تعب ولا شيء
    ام نواف:مشكورة يالغالية والله يجزاك خير ويريحك مثل ماريحتيني
    ام نواف صعدت فوق لدارها..وبعدها ريما راحت ترتب غرفتها وتنظفها..
    رن جوال ريما
    نواف:هلا حبيبتي
    ريما:هلا بك
    نواف:نفسي اطلع اللحين من الدوام واجيك طيران ع البيت..
    ريما:فوفو حبيبي انت صاحي..توك داومت وش تطلع؟
    نواف:هذا الي ذابحني الدوام
    ريما:مابقى شيء وتطلع..
    نواف:ايه ...واحد جاء خلاص اكلمك بعدين..مع السلامة
    ريما:لحظة لحظة نوااااااااف
    نواف:خير؟
    ريما:أحبك...
    نواف:يعورني قلبي..
    ريما:يالله سكر عيب
    نواف:ههههههه يالله مع السلامة
    ريما:ههههههه الله يسلمك..
    : : :
    الساعة 4 العصر الكل كان موجود في الصالة...باستثناء محمد الي كان نايم من الصبح..
    ابو نواف: هذا لحد اللحين نايم
    نواف:شفت كيف يبه..؟؟ولدك دب نوم
    ريما:هههههه حررام
    ام نواف:بسم الله علي ولدي اذكر الله..
    نواف:ماشاء الله ماشاء الله..
    دخل محمد عليهم وكانت عيونه منتفخة من النوم..
    نواف:جبنا سيرة القط جانا ينط
    محمد:يالله صباح خير
    ابو نواف:وش صباحوة؟قل مساء...طالع ساعتك
    محمد:ولاتزعل يالغالي يالله مساء خير..
    راح محمد وباس راس امه وابوه:وهذي بوسة راس علشان ماتزعلون
    ام نواف:لازم تعدل نومك يايمة؟
    محمد:ان شاء الله ولايهمك..
    ريما قامت للمطبخ وجابت تشيز كيك..صلحته علشان محمد من امس ونفسة فيه..مع عصير فريش..اعطت ام نواف وابوه ونواف ومحمد
    محمد:يمممممممممة تشيز كيك..انتي مصلحته؟
    ام نواف:لا هذي ريما
    محمد:والله انك ذيبه يابنت عمي ومرت اخوي..مشكووورة ياي تشيز كيك
    ريما:الله يسلمك
    ابو نواف:هههههه وش فيك كنك مفجوع؟
    محمد:يبه من امس وانا اتمنى تشيز كيك وتقوم مرت نواف وتصلحة لي والله انك ذوق ياريما بس ربي بلاك بواحد مايعرف الذوق والاتيكيت
    نواف:هيه وش قصدك؟ ياسلام تارك لك الذرابه والاتيكيت
    ابو نواف: يامال العافية ياريما
    نواف:طول عمرها الريم ذوق فديت قلبها..
    ريما ضربت نواف على يدة
    نواف ابتسم لها..
    ام نواف:والله روعة الله يعطيك العافية
    نواف قرب لأذن ريما وهمس لها:تسلم اليدين الي صلحتهم يا أحلى ما خلق ربي
    ريما بصوت واطئ ومو مسموع:نواف مو وقته
    نواف ابتسم لها..
    : : :


    _________________

      الوقت/التاريخ الآن هو الأحد سبتمبر 23, 2018 12:24 am